有進取家長先？定有進取學校先？

Baby_Ue

突然思想呢個問題，小女K2準備升小，學校屬於進取型，但有些家長屬於冇咁進取型(喜歡官津學校)，老師就跟家長講:吓？！我地冇人報呢d學校㗎喎！……今日我喺度諗，其實如果間學校本來屬進取型，但大部份家長屬唔進取型，出來結果冇乜名校，咁間學校就冇咁多家長想報，排名也愈來愈後，所以學校都會keep住家長要報最名嗰d，循環不息……

hoihoima

回覆 Baby_Ue 的帖子

所以幼稚園會在面試時看清楚家長，減少錯配！

bubuG

進取學校會「嚇」到D家長都會進取。

Baby_Ue

學校都好難scan咁多家長，有時以為收到筍嘢，其實揾自己笨，學校其中一個鬼仔放學後喺學校玩，(因為放學後有家長接咗就可以喺playground玩一陣)，點知曳由高處跌落地整到眼，鬼佬家長告學校。試諗下，正常香港人都會諗自己小朋友百厭，賴自己冇睇實小朋友，但鬼佬講人權，話告你就告你，轉頭繼續參加學校d活動，真係勁

Potato001

所以有啲幼稚園報名表要填父母讀邊間小學。我統計過親友的小朋友升小學的選校分佈，發現多數讀名校的父母（其中一人或兩人），都會幫小朋友報讀神校，最後又真係入到。

而讀普通中小學的父母，即使公開試考得好好，入了大學一級榮譽畢業那些（成績好過名校生），多數報讀學券幼稚園/冇咁谷的私校，之後報官津小或直資。