不是標簽, 但想知:為小孩選擇所謂一線或二線的原因

5tgb

回覆 我係我 的帖子

好喜歡用嫁個有錢人來比喻讀名校，但自已卻有另一個觀點。或同大家又分享下呀！讀名校，你要報先有得讀架，唔會你排第十，插獎都插你去讀架？也你報時唔知會辛苦架？另外講離婚啦！我想問大家除左娛樂版見到有外，身邊好多人因嫁個有錢人離婚架？定係嫁個草根男離婚多呀(娛樂版不會報導架’！我身邊的個案就沒有一個是因嫁個有錢人啦！而勸退方面，大家知唔知，二、三線勸退率都好高架！原因是父母未能配合學校，成績、操行未達要求。個案唔會比一線小羅。不過無人提之嗎！大家都是將嫁個有錢人(入名校)妖魔化，來平衡自已入唔到的心態而已。

stepyau

大學時當過一個LS小學生的補習老師，他是我云云補習學生中屬於聰明的一個，可是，他考的是全班尾三，而他的目標是不要考全級最尾的三五個，因爲其他的都可以直升 -- 嗚呼！願望是如此卑微。

5tgb

回覆 little_yolky 的帖子

學習留比老師煩…相信大家都知學校都要講市場學，有所謂市場定位。要吸納學習留比老師煩的家長，一般都是本着來者不拒，有教無類的教學宗旨的學校。入到這些學校，學習支援會比較多，學生學習愉快好多架！

5tgb

lammamami 發表於 14-4-10 19:32
有教無類 呢個理論，好多所謂一線學校已經無左啦

成績唔好踢走你，放棄你，歧視你 ...

世間萬物，因果巡環。無以上的因，又何來今日的果呀(成為一線)。

happyty

呢個絕對是事實

wan_sosin

little_yolky 發表於 14-4-8 14:23
唔好意思, 請你唔好話完全放手不理的父母有問題。

見你的句子前面是逗號, 希望你既意思唔係話放手不理小 ...

放手不理也有不同情況,如果父母的"放手不理"是一種教養方法,有其目標信念,亦對小朋友有信心,當然係好事!
但有些父母因找不到方法,聽人話要放手就去"放手不理"!而小朋友更是未上軌道,反而苦了小朋友!
尤其男仔,男仔要自覺一般比女仔難!放手反而有機會個小朋友賴得去努力!有D男仔根本唔多介意成績,有得玩就得!

所以放唔放手,有時還要因應小朋友!同埋如何做好準備功夫才去放手!

我有朋友,K1時覺得小朋友還小,何來要溫習?一放學放下書包就什麼也不管!平日從不刻意教導小朋友!好像沒有隨波逐流,跟眾多家長緊張小朋友學習成績,但一上K2,學校評估小朋友有初步讀寫問題,要家長同小朋友都去上堂,最終又要擔心,又要東跑西跑!但問題明顯係因為缺乏教導!連老師也覺得這個因素比較大!

始終小朋友需要大人適當時候扶助,但什麼是小朋友適當時候,當然家長才知!放手得適當與否,小朋友總會有日反映出來!

hkpapa852

回覆 wan_sosin 的帖子

其實一個好簡單既道理: "放手" 不等於 "唔理"

kiubaby

講開小池大魚，我想分享下自己既經歷，我小學時讀band1小學，成績中上，但當時唔識揀學校，揀了間band2學校，入到去我名列前茅(其實也有賴band1小學為我打好根底），老師都好錫我，並且俾好多機會我去擔任不同既崗位，如風紀之類，講真，好多老師都係會鐘意學校入面成績好既學生，如果我係band1中學既平凡學生，我相信未必多呢啲機會，不過有利也有弊，band2學校的學習風氣一定無band1學校咁好，結交損友的機會也較大，當然不同級別的學校也有好和壞的學生，這還看小朋友能否慎交朋友
說到底，一二線學校各有好處，最重要都係你係咪認同學校既理念，同埋間學校係咪適合小朋友

5tgb

其實想提出很久了，一、二、三線學校，成績都是由第一排到一百(第尾)架，理論上，讀一線成績唔好的人，無理由多過二、三線。唔明點解在看官覺得一線讀得唔好，在二線可以在上游。由於學習及教學環境有分別，根本無從比較。雖知道在二、三線要成績在上游，其實一D都唔易。

wan_sosin

5tgb 發表於 14-4-11 13:56
其實想提出很久了，一、二、三線學校，成績都是由第一排到一百(第尾)架，理論上，讀一線成績唔好的人，無理 ...

我只知如果係一線成績差,二線學校一樣唔會收!
反而讀二線成績好,叩門去一線收嘅機會唔少!

bartsimpson0317

原帖由 lammamami 於 14-04-10 發表
有教無類 呢個理論，好多所謂一線學校已經無左啦

成績唔好踢走你，放棄你，歧視你 ...

名校會教小朋友分級數     成績差不受歡迎

bartsimpson0317

原帖由 little_yolky 於 14-04-10 發表
考頭幾名果啲係小朋友壓力大, 囡囡話, 學期頭, 果幾位朋友仔日日返學喊的, 我問囡囡佢哋喊乜, 囡囡話：壓 ...

乜學校咁有責任

5tgb

回覆 wan_sosin 的帖子

這絕對是事實，不單一線，二、三線成績唔好都好難轉校。或者又講下轉校音樂椅呀！一般學校，收插班生的原意，不是"有教無類，春風化雨”已不是秘密啦！在一線小學成績不佳，無理由有學校覺得你有潛質入一線中學架，甘收你為左也呀？春風化雨呀！咪無人收羅。而一線小學的勸退潮在小二、小三，以留位給小四插班生。而二、三線小學，如果收左D資優(必須要配合良好學習態度)，或者有學界比賽優勝者 ; 這些有一線中學收的資歷啦！就有一線小學收架啦！通常看到定啦，小四就可插入一線小學，準備對号入座心儀中學。但話得說回頭，在小四時已潛能展現，有一線中學收的資歷，轉唔轉校其實都是對号入座架啦！轉校都是為出一口氣而已，對孩子並沒特別好處。

wan_sosin

lammamami 發表於 14-4-10 19:32
有教無類 呢個理論，好多所謂一線學校已經無左啦

成績唔好踢走你，放棄你，歧視你 ...

呢個都係唔揀一線嘅原因,一線學校好現實!唔想係小朋友係咁嘅競爭環境下讀書!我聽過一個一線學校嘅小朋友講,我係讀最差嗰班!聽完都唔舒服,因為學校將所有小朋友分類!

5tgb

回覆 wan_sosin 的帖子

由於真係唔熟二、三線學校 ; 想問下二、三線學校，是不是成果大家庭甘架，相親相愛，祗會幫助，不會歧視成績差的同學架？

HaYi

我覺得冇分別啦, 一線一線問題, 2.3線除非冇排名, 冇精英班, 一樣有問題架.

LeeCC

所以我選了沒排名次的2線，希望愉快学習，

5tgb

回覆 LeeCC 的帖子

所謂愉快學習，其實香港每年都有選傑出學生，留意下訪問，他/她們好具體話到比你知，何謂愉快學習架！成績好是有方法的，愉快學習可學出彩虹架！

ANChan59

回覆 5tgb 的帖子

你認為這些訪問可信性有多高？