好唔開心.... 女兒小一便要戴眼鏡...

Littlepa

最近發現女兒有200度近視, 要戴眼鏡了.  平日很少玩電子遊戲.  只是她真的很喜歡看書, 吃完飯後, 自動自覺看圖書, 而且讀書成績優異.  我是很安慰的.  但知道她這麼小便有200度近視, 我好擔心亦感到心庝....
心中不期然想: 難道喜歡看書及勤奮真的會容易戴眼鏡?（因她班內成績好的幾位同學，最近已戴眼鏡了）
有無人分享下如何另近視不會加深太快，我亦不能叫她少看書吧! (亦告訴她每1/2小時便要休息, 有足夠光線等)
戴矯視眼鏡有效嗎?

Mayle

有用，可控制近視加深。

nieualma

看書時的光線ok嗎?

Littlepa

Mayle, 多大可以戴? 眼球沒有發育, 可以嗎? 要戴多久? (e.g. 18 yrs old?)
是否一般只會加深近視?  不會減少?
nieualma, 我不在家時 (上班), 真的不知道光線是否足夠, 因試過6時多回家, 光線不夠在做功課或彈琴 (其實之前已提醒工人姐姐及女兒) 我想這可能是原因之一吧!  

little_yolky

Littlepa 發表於 14-3-28 13:07
最近發現女兒有200度近視, 要戴眼鏡了.  平日很少玩電子遊戲.  只是她真的很喜歡看書, 吃完飯後, 自動自覺 ...

我自己細個好勤力讀書但只有25度近視。當年爸爸教落讀一陣書要看屋外好遠的綠色植物, 對眼睛有益。又, 當年的電視細, 得24吋, 爸爸驚我哋成日睇電視睇壞眼, 將個電視放到天花咁高, 所以對眼都好好。但近視會唔會係遺傳, 我大女似爸爸, 驗眼時姑娘話視力一般, 細女似我, 姑娘話視力超班。

但從好的方向諗, 因為我無近視, 三十幾歲就有老花, 仲無近視做平衡, 所以老花都好利害。如果有2-300度近視, 咁40歲之後可能又唔駛戴眼鏡, 即係前半要戴後半唔駛戴, 同我咁前平唔駛戴, 但依家要戴。

Mayle

不要擔心，六歲可以戴，只可控制住近視度數，不能減少。

jollyma

原帖由 little_yolky 於 14-03-28 發表
我自己細個好勤力讀書但只有25度近視。當年爸爸教落讀一陣書要看屋外好遠的綠色植物, 對眼睛有益。又, 當 ...

老花同近視係沒有關連的，唔會有近視可以拉返淺啲老花，只係啲人兩樣都有時，就特登兩方面都配唔足個度數，感覺上舒適啲

Jamiebearbear

我小朋友都是剛上小一，已經有近視，我們開始戴矯視鏡一星期，未知成效。

little_yolky

jollyma 發表於 14-3-28 16:28
老花同近視係沒有關連的，唔會有近視可以拉返淺啲老花，只係啲人兩樣都有時，就特登兩方面都配唔足個度數， ...

我都唔知點解有關係, 係視光師同我講的, 話如果近視深, 老花之後反而近視會好咗。我身邊啲同事都係咁, 對咗佢哋幾十年, 無端端唔駛戴眼鏡, 我開頭仲以為佢哋配咗con。

Feimum

近視也會遣傳的。初小可試帶蔡司鏡，但貴。高小，可用壓力鏡。再大D仲有激光，不用擔心，亦不要氣餒，看書冇罪，鼓勵小朋友多做眼部運動，吃藍梅，飲龍眼水等（人地教）。

monsterparentss

回覆 Littlepa 的帖子

我囝囝嘅case同你囡囡一樣，都是喜歡睇書的。當初知道佢小一就要載眼鏡都傷心了好一陣子。

現載了一年多了，每半年加深25-50度，兩眼around 300度。視光師都叫我哋預備俾佢載矯視鏡，因400度以上個效果無咁好。

我係網上搵到啲資料如何減慢近視，所以我成日叫囝囝睜多啲眼同睇多啲遠嘢，佢都唔理我，現階段真係無辦法幫佢減慢近視加深。

yingtsun

戴眼鏡已是事實,我亞囡K2時已發現有二佰幾度散光,因為小朋友眼球還在發展中,現在仍然要keep住每六個月去威記眼科專科覆診

Littlepa

多謝各位分享.  因視光師說我女二百度是要全天候戴, 包括上PE 課及做功課, , 但老師說如三百度以下便除下眼鏡上PE, 有朋友話女兒不算深, 所以做家課及上PE都可脫下, 但我怕又除又戴易加深得快....
另外, 想問下矯視眼鏡年紀太小戴, 會否不好? 多少度戴比較好? 如加快其他眼睛毛病,(眼角膜/ 視網膜), 因為怕女兒不舒服, 又不懂配戴, 揉眼睛等.  有沒有人可分享?   謝謝!　

新地

Littlepa 發表於 14-4-2 13:32
多謝各位分享.  因視光師說我女二百度是要全天候戴, 包括上PE 課及做功課, , 但老師說如三百度以下便除下眼 ...

囡囡嘅同學仔小一已經3百幾度近視, 而家戴緊矯視鏡, 矯視鏡係每晚瞓覺時戴, 第二日係視力正常, 不用戴眼鏡返學的, 而因為小朋友仲細, 家長必須要幫小朋友戴及除, 佢去視光師度都學咗好耐先可以正式在家戴呀

tantanmama

我女K2都要戴眼鏡, 仲因為弱視要遮眼添.

mimi1102

小囡小三, 近半年因為突然睇多左書, 所以半年內加深左百幾度, 依家200度近視. 一知道有近視之後就立即決定帶矯視鏡. 帶左個多星期. 晚上帶住黎瞓, 日頭係零度近視, 小囡非常開心, 好似有重見天日的感覺. 識得人K3就帶, 現在四年班都冇加深過, 當然帶左之後, 仍然需要保持正確的看書習慣同姿勢

除左唔需要帶眼鏡變四眼妹, 最緊要係可以控制住度數, 唔會加深得咁快. 矯視鏡需要帶到發育完成之後. 大約16-18歲, 因人而異.

Littlepa

回覆 mimi1102 的帖子

多謝分享!  那麼你女兒是自己戴定大人幫忙? 有沒有不舒服? 因小女現只是小一, 怕她不能自己處理. 請問價錢太約多少? 有沒有分那些牌子好些? 聽說好像是兩年要換一次.  

thanks for sharing!

mimi1102

Littlepa 發表於 14-4-4 12:56
回覆 mimi1102 的帖子

多謝分享!  那麼你女兒是自己戴定大人幫忙? 有沒有不舒服? 因小女現只是小一, 怕她 ...

我本來想佢學自己戴, 但佢本身係好 "蛇呱" 果 d 人, 郁下都叫痛, 所以學左幾次, 佢都唔敢自己放入去, 如果要學懂, 可能要學成個月都未可以帶對鏡返屋企. 由於佢學校老師要佢盡快配眼鏡返學, 所以最後決定我幫佢戴.
除鏡係容易過戴, 所以戴左對鏡返屋企幾日, 佢已經可以自己除, 前兩日佢自己話希望今個星期五晚自己戴, 因第二日放假, 可以慢慢搞.

我地係去普通眼鏡舖配, 九千幾蚊包兩年服務, 之後再配就唔洗咁貴, 應該三, 四千就可以. 之前問過P 字頭好多人去果間, 好似要二萬幾. 我諗依家好多眼鏡舖都有做矯視鏡, 你可以CHECK 多幾間打價. 我囡因為比人出最後通碟, 所以冇時間夾價.

babychin

請問你们以上所講的矯視鏡，即是相似cons的鏡(內帶)?
有冇矯視是外帶的，即普通眼镜？