對自閉症的疑問，請多多指教

yybee

我仔今年5歲多，2歲多才開始說話，4歲前都很喜歡排列玩具車，每天一定排一行車在家，但又唔會攞黎玩，4歲後停止了該行為，但他至今還是很喜歡車，尤其巴士，會記得巴士號碼、行車路線，一岀街眼裡和所有話題都只有車，而且對數字很敏感，自少都愛數數字，2歲多已可數到100，又可自己完成2幅揍在一起各100塊的砌圖。他還有偏食，陌生的食物一概拒絕，但很奇怪在學校又樣樣都肯食，食完之後又不會抗拒，他又不喜歡嘈吵，會很不安及緊張，直至遠離該環境。非常固執，東西永遠要放回同一地方，每天都要很有規律，如果有長假期，頭幾天會情緒不穩定，甚至發脾氣。

2年多前被政府評估中心評為有自閉傾向，言語發展、大小肌肉發展被評為遲緩1年，排期2年，直至上年九月開始在明愛樂苖進行訓練，一個月各1堂言語治療及職業治療，另每星期1堂見導師改善有問題行為，如固執、溝通等等。今個月被轉介到瑪麗醫院兒童精神科，見了姑娘做了初步評估，6月再約見醫生。

進行訓練後，所有問題到有所進步，言語及小肌肉終於達標，很開心，但心裡面有很大的疑問：到達我仔是否真的有自閉症，我身邊所有人都覺得我仔沒有自閉，就連學校老師都話唔覺得佢有問題，都説我太緊張，但見所有嘅治療師和專家都話佢有問題，希望大家可以幫我解答以下問題：

1）有言語及大小肌肉遲緩就是自閉嗎？
2）古執到底是性格一種還是自閉的特徵？
3）我弟弟也是3歲才開始說話，性格也很固執，讀書唔叻，但他是一個IT人，結了婚，曾經做sales supervisor，口齒伶俐，所以我有時想，是不是現在的人都太緊張呢？好像很多人都有自閉問題。
4）自閉傾向是否就等於自閉症？

Olympian

只能叫你睇開d，唔好理個名(自閉症)。我仔S位教了廿年的老師都多次話我個仔唔係自閉，我都冇理，總之佢邊方面強或弱就引導下佢，當普通小朋友咁教。

anan3388

有個case係十幾歲先發現係自閉症，係因有強迫症睇精神科，先發現。以前叫亞氏保加症，依家都列入自閉症光譜。
自閉症可伴隨其他發展障礙，但唔代表一定要語言遲緩。
你上網search下d徵狀list, 好過在forum問

pocoyo123

狹窄的興趣, 固執的行為, 已是自閉其中一些行為, 如不改善, 去到小學會開始出現社交問題

yybee

原帖由 Olympian 於 14-03-28 發表
只能叫你睇開d，唔好理個名(自閉症)。我仔S位教了廿年的老師都多次話我個仔唔係自閉，我都冇理，總之佢邊方 ...

非常認同，我都係專攻佢弱項，多啲帶佢周圍去玩，識多啲朋友，同人溝通多啲

LeeCC

冇錯，我个仔話俾人聽係自閉都冇人信，但去某D位某情境就現形
姑娘都話好彩遇唔到那些情境，他和正常小朋友分別不大
但不代表可以不理，因為上小学有好多挑戰，要幫他建立自信自己處理

yybee

謝謝大家！
因為跟身邊朋友或同學家長講起，佢地只會話唔似呀，係咪你太緊張，又話啲所謂專家個個都話人有問題，係呢度我可以多參考其他人的個案及分享，終於可以揾到共鳴

babecat1

原帖由 yybee 於 14-03-29 發表
謝謝大家！
因為跟身邊朋友或同學家長講起，佢地只會話唔似呀，係咪你太緊張，又話啲所謂專家個個都話人有 ...

我的小朋友也是講比人知是自閉也沒有人信，只是遇到某些情景就會現形，我覺得我們應盡早介入，相信專業人士(他們沒有必要厄我)，避免小朋友情況惡化才作出補救

LeeCC

大家加油！

siumanma

請問大家所指的某些情景現形是指什麼？可否分享下？

pocoyo123

其實A仔最易現形的情景, 就是一些要合作的工作上(如做PJ), 持續的溝通(如大班討論), 人際關係, 社交等等

yybee

原帖由 pocoyo123 於 14-03-30 發表
其實A仔最易現形的情景, 就是一些要合作的工作上(如做PJ), 持續的溝通(如大班討論), 人際關係, 社交等等 ...

我仔還小，還未遇到這些情況，只是一般突發情緒問題及固執性格，不過我相信不久將來會面對更多問題和考驗，我也做了心理準備，最重要讓孩子在愛和關懷中成長！大家努力罷

babecat1

我個仔坐地鐵巴士，好鐘意讀站牌，一唔識讀就要問到識唯止

LeeCC

到新地方，拉死狗唔肯入
地鐵指定扶手梯
未有預告的轉變，即哭


但他眼神交足貨，会主動同人打招呼，有問有答，有纹路，主動幫人，点睇都唔似

pohauyi

佢同其他小朋友相處成點？

LeeCC

現在5歲幾，姑娘說開始似4歲，不再只有平行活動，有相熟小朋友叫，會一齊玩

老師說同學埋堆玩，開始用眼間中瞄下，不再只是自己行束行去，但要老師鼓勵甚至push  先埋去

對大人又肯叫人，有禮貌

悠悠110409

回覆 yybee 的帖子

....