我滿個世界都係負能量

靚寶

仔9歲, 3歲評左係自閉症傾向, 但可以讀主流小學, 但係由小一至小三都係投訴不斷, 知道學校係想幫佢, 成日同我講幫手提下亞仔乜乜物物, 呢三年無停止過, 學校都係包容的, 但係三年了, 三年一星期都有兩三次比班主任捉住話仔今日點點點, 好似係拎D文具出黎圍圈, 拎習作薄砌積木, 在課室裡兜圈, 根本佢返學就完全發夢, 上唔到堂, 有D科合格, 60,61,62, 其他如中, 英文都係唔合格, 但係我已經算了, 唔再計較成績, 同佢溫左就算, 但沒完沒了的投訴, 聽到老師講佢在校的表現, 又嬲又失望又無助, 覺得自己做乜生左個咁既仔, 咁唔正常.....我好多負能量, 越黎越唔鍾意佢, 佢又頂嘴, 淨係掛住玩, 我對佢真係好失望, 但係又唔可以表達比佢知, 但係谷谷埋埋真係人都顛, 條路好難捱, 好辛苦

414928

我只可以講有特殊需要小朋友讀主流學校,投訴是一定有的,家長要調整自己心情,否則咩都做唔到,有冇考慮轉特殊學校?
小朋友是你帶來世上,佢都唔想,我地做父母同樣也是無得揀,既然有些事情發生左又唔可以改變,唯有就係接受,只要你真係接受左佢,就唔會有負能量,加油!路係長但要抱住咩心情去行你是有得揀的

hadwinboy

原帖由 靚寶 於 14-03-25 發表
仔9歲, 3歲評左係自閉症傾向, 但可以讀主流小學, 但係由小一至小三都係投訴不斷, 知道學校係想幫佢, 成日同 ...

好心痛. 連你都唔鍾意他，呢個世界還有誰鍾意他. 但在他的世界裏，可能只有你. 他好可憐.

hktwun

回覆 靚寶 的帖子

"條路好難捱, 好辛苦"

Me too!!

But, NEVER give up!!

cksy_bb

原帖由 靚寶 於 14-03-25 發表
仔9歲, 3歲評左係自閉症傾向, 但可以讀主流小學, 但係由小一至小三都係投訴不斷, 知道學校係想幫佢, 成日同 ...

你既心情我明白，但已經六年啦，你仲未領悟？仲覺得唔正常？你可以答我咩叫正常人嗎？多數人的生活態度叫正常=少數人不正常？你有無尊重過仔仔既生活方式呢？你有無幫佢融入所謂既正常？你有問題多過你個仔，我認為以你所講一個a仔在校既表現 ，我完全接受！排筆我自己批準，兜圈我更加讚成，人人都要抒發，我會平時比仔仔在某些時間去某些地方兜圈當散步，排列好櫃入面既cant food ,當做家務，我有用心去了解小朋友所須，而你無論做左咩都係無好處，因為你做既野係圍繞自己！恕我無法體諒你既失望！我係小朋友，都會對媽媽失望！好好反省，祝你參透後生活愉快

Anan3388

係好辛苦

試下請老師唔急嘅事，一段時間先同你講一次，例如一星期，兩星期，一個月

轉換思考:如果你諗老師係投訴，咁你會好辛苦。你當佢同你分享，又或當佢唔明咩係自閉搵你呻下啫，自己又調節下，當係了解仔情況，而唔係下下要你去改變佢，咁可能舒服些

寫低仔嘅優點表，得閒取來睇下

有自己生活，空間，多運動，relax下，保持自己身心健康，舒緩下壓力

加油

spw

明白媽媽的情況,你要放鬆的同時,仔仔都要舒緩一下,放學後帶仔仔行下公園,學一些仔仔有興趣的活動,仔仔有自信的同時,你又可以看到仔仔叻叻同乖乖的一面

Capricorn2521

你同亞仔都好好彩，搵到會幫手嘅學校。如果佢係遲多幾年出世，樣樣野都要爭，但又吾夠人爭....

HaYi

其實3歲有傾向, 之後有冇跟進? 如果而家己是確定自閉的, 有training 可以幫下, 學校有投訢, 其實係不係代表其實容納佢, 但不明白他的情況, 會不會轉校好些?

issactmaria

我明白，有學障孩子的媽媽真是好容易充滿負能量，因為始终須要長時面對他們，而他們帶给我們是憂多於喜，所以在長期的抑壓下不期然會產生負面情绪。
要多些找人傾訴，留些空間给自己做些自己喜歡的事。多留意自己情绪，有需要要找輔導，不要去到情況惡劣到找精神科醫生。
我是在職媽媽，亦有一個9歲的學障孩子，亦同樣有出現你的負力量。
大家加油吧！

kashin

我都有個A仔....明白版主既心情...9歲已經進入反叛期...之前點教吾講...有一種人會吾明白點解要守咁多社會規條.但又有另一種人凡事講原則...我既心得係....問題日日新鮮日日甘...一般人會以拔河式解決....又有人會以大堆道理以為佢地會明....我屋企有2個A仔....大家有無深入了解A仔和一般人既想法有咩分別...我就有一個列子....我兒子好鐘意搞野...搞屋企櫃門...爬台爬椅子...講左十萬9千次都左耳入右耳出....講到我都無氣....佢就聽到煩..叫我收聲...靠惡只係止下咳...一陣又黎過....屋企已經開始吾聽我話...出街就更加利害...知道我係大庭廣眾無得惡....一係大叫搞到人人望住我地一家....後來我思考了一段時間....吾再話佢...因為每次都有第三元素搞到大家不和....我好認真同佢講如果再搞門我就拆左度門去....之後佢真係再搞...我就真係拆...佢問我點解要拆....我就話因為危險會夾到手...佢就駁咀....話吾會...咁好啦...又比佢過關...無耐一次佢真係比房門夾到好傷...喊住話要拆左度門因為好危險....好多時我真係日講夜講但係兒子眼中係無聊....因為我提佢就係想免得意外發生....但吾知要日日提幾多次...提到煩....係大家都煩....而家我就只係講一次提佢某種行為某種事會有機會轉變不開心結局...由得佢自己決定....呢種方法同佢講一次前因後果其實佢好好記性....而由當初佢連筆都吾肯握到而家自己日日要寫字...好專心..寫時佢叫我吾好望住佢佢自己寫....至於出面既就一般留番當晚睡前提下...吾會當眾同佢鬥....用針吾刺到肉吾知痛呢個方法用係兒子身上好work....而家每次出街前會提一次希望佢吾好重複某壞行為....一次就夠...我地協議在吾影響其他人情況下...特別係只有我們無陌生人時我可以比佢自住....屋企就係佢間房可以比佢多一點自主....有時佢知星期日出面好多人...又記得吾開心經歷...會同我講怕人多想去無咁多人既地方...但有時又話可以...我估兒子已經懂得自己當時既心理狀況而估計行程中會預計出現既問題了.....

webpaupau

原帖由 kashin 於 14-03-27 發表
本帖最後由 kashin 於 14-3-27 01:00 編輯

我都有個A仔....明白版主既心情...9歲已經進入反叛期...之前 ...

非常用心的家長，感動了，哭了。

靚寶

kashin 發表於 14-3-27 00:56
我都有個A仔....明白版主既心情...9歲已經進入反叛期...之前點教吾講...有一種人會吾明白點解要守咁多社會 ...

THX, 深得安慰及見解, 我呢咁多年黎都係似坐山一樣, 心情高高低低, 就係唔想起個仔面前表達對佢既失望, 所以先打上黎, 我真係覺得自己要去精神科, 因為覺得好多次頂唔順, 但同路人一句好過名校家長講1000句, 真心多謝你

issactmaria

先看看心理辅導，如她認為情況严重才看精神科。有時找朋友傾訴，多做運動，留空間做自己喜歡的事來為自己增加正能量是好重要。輔導可定期提醒你的情況，因為我亦有你相同的情況出現，而情緒亦有起起伏伏，輔導某程度上可幫到我。

waiwai2468

唔好唔開心，辛苦唔辛苦都要過曰子，我小孩有罕有病，由出世到現在不停進出醫院，他未到你小孩的歲數，亦不知道將來會怎樣，唔開心辛苦喊一定有喊完抹乾眼淚調節好自己心情，同自己講唔可以放棄，我同自己講佢都唔想架，他是你帶來這世界的，比多些包容看好處想慢慢來，沒有小孩放棄父母，只有父母放棄小孩，加油，阿媽媽，我都冇放棄你都唔好放棄呀

issactmaria

其實，我相信在此論壇無一個媽媽會想放棄自己的小孩，不過情緒是發自內心，有時長時間受壓之下，負面情绪定確不由自主地產生。所以要處理孩子，首先要處理好自己。在此處訴訴苦，大家互相加加油！

cloudwingwing

原帖由 kashin 於 14-03-27 發表
本帖最後由 kashin 於 14-3-27 01:00 編輯

我都有個A仔....明白版主既心情...9歲已經進入反叛期...之前 ...

你的分享好有用，就算我兒子正常，我也可以學習你的方法，有時真係要他自己經歷過痛，就會唔敢再做。