請比些意見

PandaTam123

囡囡來緊升小三, 工人姐姐會在十月約滿回鄉, 現在諗緊仲要吾要請工人姐姐. 有兩個方案想請教下各位, 會有那些利同弊.
方案1. 不要工人姐姐, 囡囡放學後直接去家附近中心功課託管班, 我放工七點前去接她回家, 之後她沖涼我煮飯, 飯後同她溫習再檢查功課. 將原本放學後英數補習轉去星期六上午, 下午返童軍, 星期日照常家庭日.

方案2. 照用工人姐姐, 放學回家自己做功課, 我放工回來check 功課同溫習, 英數補習跟返平日放學上,  星期六下午返童軍, 星期日照常家庭日.

先多謝各位意見!

MC1128

PandaTam123 發表於 14-3-25 16:54
囡囡來緊升小三, 工人姐姐會在十月約滿回鄉, 現在諗緊仲要吾要請工人姐姐. 有兩個方案想請教下各位, 會有那 ...

要留意,你的工作能否突然請假?
小三,仍細個,萬一在學校不適,要提早走,又或者學校長假期,你要返工,有人照顧囡囡嗎?

PandaTam123

MC1128 發表於 14-3-25 16:58
要留意,你的工作能否突然請假?
小三,仍細個,萬一在學校不適,要提早走,又或者學校長假期,你要返工,有人照顧 ...

我工作可以好準時收工, 請假也比較容易.
至於學校假期問題, 這間託管中心是團體開辦的, 佢地在假期會舉辦假期全日託管班, 有特別活動同功課補習服務比小朋友. 只是諗假期要全日放囡囡在那裡, 會唔會有些可憐.

MC1128

PandaTam123 發表於 14-3-25 17:19
我工作可以好準時收工, 請假也比較容易.
至於學校假期問題, 這間託管中心是團體開辦的, 佢地在假期會舉辦 ...

如果,有家人,例如祖父母,阿姨等,可以間中在你上班時幫忙照顧,不用長時間留在託管中心,會好啲。

但如果不方便,個人覺得請多一個約(兩年)的外傭幫忙,到囡囡小五,比較大個,再考慮。

另一個方案,請鐘點可以嗎?

PandaTam123

MC1128 發表於 14-3-25 17:35
如果,有家人,例如祖父母,阿姨等,可以間中在你上班時幫忙照顧,不用長時間留在託管中心,會好啲。

但如果不 ...

MC1128, 謝謝你意見!
我家人都來唔到照顧囡囡, 因為住得太遠. 我都有少少你想法, 請多一個約外傭, 但有時又諗, 囡囡上到小三, 課程深左, 她可能跟唔到, 到時又係要去補習社補習.

picture

女……
自己放學，自己去補習，太危險

PandaTam123

picture 發表於 14-3-25 17:52
女……
自己放學，自己去補習，太危險

picture, 謝謝你回應, 她是坐校車到家託管中心附近, 託管中心會有姐姐出來在校車地點接佢回託管中心的, 不會單獨叫她自行放學.

ahnew

要考慮女女的意向
另，可現在試試方案一的情境，有些事情是估計不到的，試過便大約知可行否。

feiji

原帖由 PandaTam123 於 14-03-25 發表
囡囡來緊升小三, 工人姐姐會在十月約滿回鄉, 現在諗緊仲要吾要請工人姐姐. 有兩個方案想請教下各位, 會有那 ...

從你女兒的角度想，放學可以立刻回家，一定舒服過去補習社坐多幾個鐘吧。

little_yolky

PandaTam123 發表於 14-3-25 17:43
MC1128, 謝謝你意見!
我家人都來唔到照顧囡囡, 因為住得太遠. 我都有少少你想法, 請多一個約外傭, 但有時 ...

除非你係正苦工, 如果唔係, 小朋友頭暈身馨唔返學, 學校假期, 考試運動會早放學, 家長日, 暑假等等都要有人睇住, 長假期全部去全日託管小朋友都好可憐, 尤其係暑假, 就算你請多兩年工人小朋友到小五, 問題都係一樣, 香港法例, 無論你小朋友多醒目, 工人多蠢, 15歲以下你都要有大人响屋企看實佢。無老人家做backup係好慘, 所以點解香港女性不能解放, 永遠都要被外傭牽著鼻子走。

仲有, 唔好以為你準時放工只不過煮餐飯好簡單, 其實工人都好多嘢做(如果佢勤力), 你返工以外仲要買餸、煮飯、洗衫、晾衫、疊衫、清潔屋企、幫小朋友看功課溫習、屋企人病咗做護士。當然, 請工人又勞氣又徙錢, 但係可以保證你放工有餐安樂茶飯, 你唔駛做家務可以專心教小朋友/親子時間。

baubaulee

做家務會用去好多時間㗎！

dabi34

方案二好D，女女不用困足幾個鐘

Babyeddie

Option 2 of course if $ is not a concern

MrBeast

一些additional factors for consideration:

1) 沒有姐姐，孩子可幫手家務，自理能力會好
2）但自己同時要處理埋家務和功課，可能個人會mung少少
3）自己病倒時有乜backup plan?
4) 我自己個case, 姐姐倍孩子做功課，佢自己就玩手機，not good, 你個又是如何的呢？

nieualma

方案2比較好, 假如你囡囡跟得上, 可能不需要補習

vincat

方案2,你試想想小朋友從8時左右上學, 到7時才可回家, 是很累的事, 本人工作9至6, 也想早點回家, 何況是小朋友, 而且有姐姐的話, 你也比較輕鬆一點, 小四開始各科都比較深一些, 不如給大家多一點休息的時間,  專注學業

little_yolky

MrBeast 發表於 14-3-26 08:38
一些additional factors for consideration:

1) 沒有姐姐，孩子可幫手家務，自理能力會好

其實有姐姐孩子都可以幫手做家務, 睇家長點睇, 會唔會覺得小朋友做咗工人姐姐做少咗好蝕底。我家有工人姐姐, 但小朋友做到的我都會叫佢哋自己做。家長自己都唔做, 小朋友亦唔會做。我見到有啲無工人姐姐, 小朋友大咗乜都叫阿媽做, 阿媽見小朋友要讀書, 認為讀書緊要, 唔好徙時間做家務, 咁咪弊咗囉。

你下次轉姐姐真係要好好教下, 點可以陪小朋友做功課自己玩手機。你同佢講, 你再玩手機你返工前就收咗佢部手機, 放工至俾返佢。我有時响公園見到啲小朋友好可憐, 好細個, 工人姐姐陪去公園, 小朋友自己玩, 工人姐姐就係咁打電話。好孤單。

smallfoothk

其實女女要初中才好,男仔可小四,因有很多金魚佬

MrBeast

回覆 little_yolky 的帖子

多謝你的建議，現時已不是僱主市場，求過於供，工人姐姐好易搵工，唔like就quit, 你請過個cost 十分高。工人的bad behaviour 當然唔會咁張揚在僱主面前做la, 話佢佢咪話冇或哦，之後就照舊。

HaYi

小學成日有特別的時間安排, 如返半日等, 如冇工人同家人可接手好煩, 所以我覺得點都要找個工人至小四以上先好.