資優 + 感覺統合

myfanwy

她5歲， 是語言資優， 記性好, 所以課堂的東西教一次就懂，但奈何成日比老師投訴， 明明記性是全班最好， 但忽略所有簡單指令， 例如交錯功課、放錯功作紙、 排錯隊，但老師都認為她不是故意不跟指示的。後來有人介紹她做了一個評估, 發現她是感覺統合有些問題，影響她接收訊息的能力。有人試過同一情況嗎？我仍然在思考這是否感覺統合引致的問題，因為她只是害怕玩鞦韆，而我又對感覺統合的認知不多。請過來人指教一下。

YolandaTam

我自己都係資優，細個情況同令千金類似，欠交功課係家常便飯，由於手眼配合欠佳，字體極醜，球類運動學得唔好，跳舞更是一竅不通。後來自己知衰，痛下苦功學跳繩，練字，編織，最後學埋琴，先至有改善。

myfanwy

回覆 YolandaTam 的帖子

她跳舞和球類活動都唔得呢!

HaYi

但統感一般是指平衡同協調, 好似行路易跌, 玩打球較差..

訓練統感的工具好多類似千秋或轉圈的, 我之前在某一協康會的中心見過, 似歷奇個些.

但不聽或聽錯指令不似是統感問題, 似是接受能力同執行能力不一致呵..

myfanwy

回覆 HaYi 的帖子

我都懷疑關唔關事，但姑娘話她在大班小朋友時接收太多聲音，有可能因為常常思想聲音在那一邊來，所以對一些她潛意式認為不太重要的指令就接收唔到。如果唔關事仲衰，都唔知點先至幫到她。

myfanwy

回覆 YolandaTam 的帖子

唔好介意，那麼請問你細個時知唔知點解自己成日帶錯功課？是否當老師交代功課時，你都在想其他事？

HaYi

www.heephong.org/webprod/cht/publication/training_strategies/274‎

協康的網頁有些介紹感統的.

我覺得排錯對之類的簡單事但發生錯誤可能因為不專心, 她做其它事如看書會不會跳行? 我識幾個ADD (專注力缺失) 的女仔都是同一類, 己小學都錯漏百出, 同佢是否資優是兩樣野..

YolandaTam

myfanwy 發表於 14-3-19 12:00
回覆 YolandaTam 的帖子

唔好介意，那麼請問你細個時知唔知點解自己成日帶錯功課？是否當老師交代功課時， ...

唔介意, 分享吓啫!

其他人我唔敢講, 我自己成日帶錯功課, 有部份原因係抄錯手冊, 腦部收到同手寫出嚟係兩件事, 畫圖同做手工做係唔多掂.  
除此之外. 我自己仲有一個原因, 同資優掹車邊有少少關係,  基本上係態度惡劣, 成日唔帶個腦上堂, 數學科尤其嚴重, 因為我五歲已經識計五年級嘅數, 三歲已經識睇報紙, 根本睇唔起小學課程, 上數同中文堂永遠得半個心, 成日畫公仔, 一係就作小說,  但好衰唔衰老師問我書我又答到, 老師無可奈何, 我更有恃無恐(操行就... 永世唔會A, PREFECT 唔會有份). 但英文, 由於冇接觸過, 有心機上, 永遠唔會欠功課.  講白咗, 一句話: 曳!

有樣嘢唔記得講, 到今日成四十歲人, 我仍然唔識跳舞.

YolandaTam

myfanwy 發表於 14-3-19 11:05
回覆 YolandaTam 的帖子

她跳舞和球類活動都唔得呢!

學樂器啦! 以鋼琴同弦樂為佳.

myfanwy

回覆 HaYi 的帖子

最神奇係學校老師同興趣班老師都話佢上堂好專心，只是在30人的大班內接收唔到小指令。佢在家都可以坐定睇成個鍾書

myfanwy

回覆 YolandaTam 的帖子

多謝你分享，那麼只可以解釋為佢無興趣聽指令？

佢有學琴，由於耳仔靈敏，仲學得好好添!

myfanwy

回覆 HaYi 的帖子

多謝你介紹有關感統的資料，暫時我只係發現佢怕打鞦韆同聽指令的問題。佢都沒有讀書跳行或者過度活躍的情況。

YolandaTam

原帖由 myfanwy 於 14-03-19 發表
回覆 YolandaTam 的帖子

多謝你分享，那麼只可以解釋為佢無興趣聽指令？

咁又未必，你都話老師認為佢唔係故意唔守規矩。以下係發生喺一個疑似資優嘅小朋友身上嘅事，俾你參考:

呢個小朋友喺一間屋邨幼稚園畢業，一向紀律好鬆，之後升讀一間傳統女校，佢十分不習慣，一年級經常俾老師投訴，二年級時更因壓力過大而出現行為問題。

到三年級，佢突然變得守規，老師唔再投訴，學業穩步上升。事緣有一次佢同家長討論規則背後嘅意義同公義問題，得到啟發。有部份小朋友如果唔明白一件事背後意義，佢會選擇唔做，拖延或敷衍。

因此，你可向令千金解釋準時交功課同排隊嘅意義，佢明白咗，可能會有改善。

myfanwy

回覆 YolandaTam 的帖子

我昨晚跟她解釋了為何要聽指示，希望她明白又做到啦!

YolandaTam

原帖由 myfanwy 於 14-03-20 發表
本帖最後由 myfanwy 於 14-3-20 10:59 編輯

回覆 YolandaTam 的帖子

加油！受到明事理又謙虛嘅家長身教，小朋友一樣會明理嘅好孩子！

myfanwy

回覆 YolandaTam 的帖子

多謝你的分享和鼓勵，感激~

baby0903

樓主，想請教你怎樣知道女兒係語言資優。
我囝囝好似你女兒，又係5歲，講野叻，用深奧詞彙，記性好轉數快，老師都話似gifted.
聽覺嗅覺好靈敏，但好怕嘈，隔幾條街舞獅都會爆喊要走。
去遊樂塲最怕玩馬騮架，唔知感覺統合有冇問題。

derek0811

原帖由 baby0903 於 14-03-21 發表
樓主，想請教你怎樣知道女兒係語言資優。
我囝囝好似你女兒，又係5歲，講野叻，用深奧詞彙，記性好轉數快， ...

會知的，父母對住梗知啦。我仔都係5歲，佢也是語言資優，你睇我呢張貼圖就知，係佢自己想及寫的，而且很快，不用多想:

14-3-22 00:34 上傳

下載附件 (115.29 KB)

baby0903

derek0811 發表於 14-3-22 00:34
會知的，父母對住梗知啦。我仔都係5歲，佢也是語言資優，你睇我呢張貼圖就知，係佢自己想及寫的，而且很快 ...

勁呀！

myfanwy

同意derek0881講，做父母是會比任何人都清楚她的程度。她沒有derek0881兒子咁勁（我有留意他形容兒子的好學情況），而我女兒則從不說BB話，2歲前只講＂er"，一開口就識讀英文書，之後的發展更加令我們驚訝。