N班面試，其實有乜意思呢？

Jules_S

我諗整個面試制度對父母及孩子會唔來唔少帶來一些壓力。父母的不用說，當父母有期望的時候，或多或少對孩子都會有影響，如：如為了面試應對，會訓練孩子懂得作出一些平常生活未必有的行為或對答。歲幾兩歲的孩子雖然未懂得說話以表達個人情緒，但從身體及表情可以看出，有幾多個孩子真的在享受面試過程，有多少個孩子不合作，不喜歡，不耐煩，甚至在哭哭啼啼。

legolas625

我的係細b，發展比人慢，懷疑有自閉症，又唔識講野，怕陌生環境，所以帶佢去面試好辛苦、難受。小朋友唔開心，發睥氣扭計，唔聽指令，自己見到阿仔比人差，我內心唔好受，返屋企會喊。

但我選擇去，一係俾阿仔見識下，見多d人，亦俾我知道阿仔有無改善，個過程我始終係唔開心，但難得有機會見，咪見下志在參與；二係，我想佢早d返學，希望返學刺激佢發展，學講野，係屋企老人家就哂佢，不如俾老師教佢，學下群體生活，故被迫參加這場殘酷遊戲。

我聽過後備生都要再interview，仲要只是屯門普通的幼稚園，我覺得呢個社會真係有病，只不過係幼稚園，小學都唔到，點解搞到難入過大學。

仲有，間間吹墟自己有外籍老師，面試排哂d鬼婆老師出黎，家長又好在意有無net，真係多餘，小學、中學又唔見人問有無net。

Barbayauyau

Grandma asked my girl after interview how was it. My girl said: 老師怕咗我, then grandma asked why, then my girl said: 因為喊, 我聽到都唔知好嬲定好笑, 但肯定的是小朋友係知發生乜事, 我亦感覺到佢唔鍾意interview, anyway all n interview is over!

cindywy

原帖由 legolas625 於 14-03-16 發表
我的係細b，發展比人慢，懷疑有自閉症，又唔識講野，怕陌生環境，所以帶佢去面試好辛苦、難受。小朋友唔開 ...

bb仲細，還有好大發展空間。我囝十月尾，到依家都唔係好識講嘢，指住咩都係“唄唄！”有小朋友外向活潑，就會俾人覺得好叻。對自己bb多啲信心啦。我覺得依家嘅面試壓力來自1.僧多粥少.2.成個教育制度催生“谷學術”。我見到眾多post討論緊邊個幼稚園“學術深”，書店又賣啲所謂“幼稚園補習題集”。我一開始都好接受唔到，因為我以為幼稚園主要都係俾小朋友玩下，適應下群體生活。但係，眾多家長唔buy happy school. 咁細就要求學術深，學校梗係想搵啲聰明or發展早嘅小朋友啦。

Jules_S

Legolas625, 不用哭，這不是你的問題，是風氣和制度的問題。作為母親，為了孩子，我們要更加堅強，更要認清什麼是真正對孩子健康發展有助的。

我在歐洲生活多年，大兒子在當地上幼兒園和國際學校，從未需要任何interview, 最多只是first come first served, 校長和老師也從不會挑選學生，報名前會帶家長參覌和瞭解學校。孩子，家長從無入學壓力。

我們半年前搬回香港，為大兒子插k3班，報了四間幼稚園，四間都收佢。四間中，三間都要面試考佢中英數，其中一間所謂「名幼」，考完之後，雖然收左佢，但校長話佢寫字唔叻，（係果邊，其實邊會咁快要寫字）要我日後要多點督促。她說，學校功課頗多，每日三張工作紙，前後版，格細細。我聽完之後，心理壓力好大，我想日後我和兒子為了學習都會好大壓力。收左我個仔之後，我真係好驚！

而唔使面試果間屋邨幼稚園，反而令我真正的令我喜出望外，那天，我和老公兒子一起到學校，校長向我們介紹和參觀學校，沒有考兒子任何東西，並讓我們參觀k3班上課情況及學校的戶外活動環境（學校天台），我和老公都十分喜歡這所學校的平實辦學態度。雖然只是一間，不起眼的邨校，但就有歐洲的水準，感覺十分親切和是一間真正為兒童健康發展的好學校。  幼稚園，不就是應該這樣嗎？

兒子上了這所半年學，每星期我都感覺到他在學業上的進步和在群體生活中的快樂。學校的活動特別多，每次學校有表演，他都十分積極投入。願意與我分享學校的點點滴滴。

兒子快升小學，我也是循著這個方向找學校。我所著重的，不單單是他的短期學習成績，更重要的是他的學習過程和全人健康發展，我們相信這些才能令他更堅強，更強壯。

Franceschingyi

正面地看，這年的面試讓我提早了解香港敎育制度殘酷的一面，每次我同老公帶著自己對孖仔去參加面試，都好有壓力，覺得考得好深，有時又要等好耐，仔仔已不耐煩。但又同時觀察了一些好特別的地方，例如昨日去見學之園，兩兄弟同一個房分開枱見，一開始哥哥就即時過來找細佬，然後兩兄弟自己對調位置見，搞到兩個老師不斷要問你究竟係哥哥定細佬，雖然基本上一定吾收，但過程中卻發現細佬好獨立，但比較急，喜歡玩，所以york收了；相反哥哥比較慢熱，怕陌生人，但可以坐定定，所以他見劍鳴見得最好。

一開始參加幼兒園面試後，我將所有playgroup停下，希望趁他們未入學前，多點時間陪他們，珍惜這段不用上課做功課的日子。

Cowboy100

係架，真係唔知學校IN 咩，我囝仲係年尾細囝，當年考PN，記得第一間IN既係英藝，1歲都未夠，行都未行得好，我係手抱住佢入去，一坐埋去知道係講國語老師，心諗死梗，最後做錯晒指示。甘我都無唔開心，放鬆心情，BB當玩，我當見識見識

puikit2012

原帖由 Jules_S 於 14-03-14 發表
要歲幾未夠兩歲人仔，在完全陌生的環境中要完全跟著大人指令，睇下佢識唔識跟住做，我睇到嘅係，好多學校都 ...

說的太對了，有時in in下，覺得成個場景好荒誕。

Binlojai

實在不能同意更多!
唔明點解幼稚園N班都要面試, 問小朋友問題...
我最後所有谷學術既名幼都無去IN, 揀左間面試時唔問小朋友問題既學校俾阿仔讀, 希望佢會讀得開心啦~~

Potato001

我個女係中B但遲講野，開頭去面試時只是16-18個月大，見咗十間村校都是waiting, 好彩有一間幼稚園收佢，但其實果間係冇問佢野，淨係問家長。

帶阿女出街，個個都讚佢乖，會自己食飯又會叫人（熟咗之後），見到小朋友跌咗玩具會第一時間走埋去執番俾人，去公園玩俾人撞到又唔會喊，可惜面試唔會考呢啲。不過，offer不需要多，有適合的已經足夠。

chowyikwan

我對這個topic有好大迴響！我和先生都認為幼稚園用這種模式選學生過份單一。所以，我絕不會催谷兒子練習面試題目！

再者，我不相信只有名校學生特別叻。但是，社會崇尚名校是真的！但我們不會因此而盲目跟隨。

healthysmartbb

同意，並由衷欣賞你！

bearclub

原帖由 nasu 於 14-03-15 發表
其實呢D是自由選擇，可以選擇3歲才面試。

唔係嘛，3歲面試，4歲先讀k1咩？

Bonbonho

原帖由 丁丁aunty 於 14-03-15 發表
0拿，我係好認同樓主你嘅睇法，但依家有個怪現象，唔考小朋友淨係同家長傾計嘅面試反而叫做hea，話老師唔理 ...

Agree~完全一樣...唔想咁做，但呢個係遊戲規則

monlingling

完全認同樓主，感同身受！

Jules_S

原帖由 fanhl0416 於 14-03-27 發表
咁學位有限都無法

仲有好多方法，如先到先得，抽籤等，無需一定咁細個小朋友面試