典型普通香港家庭的小朋友是否適合入讀IS?

crazdandan

我家小孩將於今年適齡入讀K1，我們兩夫妻都是讀傳統本地學校長大的香港人，不是特別富裕的普通中等家庭，基於明白本地填鴨式教育不足的考量，唔想自己既小朋友童年只在功課、考試 、測驗中渡過，
考慮比小孩讀IS，但又不太清楚IS升學之路、學校與家庭互動、小朋友與同學背景，家長們之間溝通等方面會遇到的問題，想知道有冇類似情況的家長可分享？

ILBC

我們正正就是你所講的一樣, 兩夫婦土生土長, 讀band 2英中, 靠自己考上本地大學, 現在算是生活穩定的普通中產.

一路以來, “國際學校”對我來說很遙遠, 很陌生, 從沒, 亦不敢想將來會把孩子送進去. 坦白說, 以前亦有一般不熟悉IS家長的心態： IS學生很壞, 太開放, 吸毒等好負面的想法.

我倆本身性格唔aggressive, 隨遇而安, 亦有共同育兒的看法, 平常沒有補中英數, 十樣琴棋書畫, 她熱愛音樂, 就只有上一堂音樂班和一堂音樂劇, 每日閱讀, 看看卡通, 到公園玩玩而已. 看見身邊虎爸媽朋友及現在香港極不健全的教育改革制度, 令到小孩子喘不過氣, 很痛心. 開始打算讓小孩讀所謂活動教學的學校. 誰知, 越問得多, 越知得多, 好多時正如這裏亦有家長提過, 始終內裏個本地文化, 老師的教育成長背景, 心態都離不開比較傳統的想法.

另外, 衡量過小孩本身性格, 特質和學習需要, 最後便決意考IS. 現在她讀K3, 享受着每天, 很喜歡學校, 老師及同學, 學校有很多活動, 跟校長及老師打成一片, 有field trip, , 非常鼓勵閱讀. 跟老師有密切溝通, 家長和同學們互相沒有競爭, 很和睦. 沒有什麼功課, 就算有(一個月都冇一份)都係10分鐘內可完成, 老師還要好着緊提醒家長不要孩子一日內完成, 要用一星期完成！有些甚至可交可唔交. 這些“功課”, 我從來不用管, 女兒會自動自覺好有心機去完成. 跟最近在另一條thread有家長提及ESF的校園生活相似. 一個topic會用不同方法(唱歌、遊戲、勞作、presentation, field trip...)教小朋友, 教兩三星期不等讓小孩慢慢消化.

我倆倒沒想太多升學之路, 反而找到間適合的學校培育全面發展, 正面積極態度及熱愛學習最為重要, 我們相信條條大路通羅馬！

oooray

回覆 crazdandan 的帖子

家庭合不合適不在乎你是典型還是非典；在乎父母認不認同IS的理念。一言難盡。唔想自己既小朋友童年只在功課、考試 、測驗中渡過 : 冇錯!冇功課、考試 、測驗的local school已經唔存在；比人殺晒；就算有都冇人敢讀；
學校與家庭互動；不怕不夠互動；只怕父母有沒有足夠時間參與學校所有的conference，field trip，等等...
小朋友與同學背景：到處都有好學生與壞蛋；不分LS/IS，如你自問不愛與人比較；不會看扁自己；別人住house坐靚車番學與你何干?大家比一樣的學費；每個小朋友係學校是平等的；
家長們之間溝通 : 麻煩家長全世界都有；從綜援戶至住山頂從不缺；敬而遠之便可；反正佢睇你唔起時亦唔會理你；
升學之路: LS隨平d之外(但去補習d$隨時夠比IS學費)；升學之路唔見得好易行；IS想升學想升得好d一樣要努力；不過大家學習方法唔同已。

Mighty

我女女係ESF、所以我只是説説ESF PARENT的経験、其実我覚得大部分ESF的LOCAL　PARENTS,家庭背景都係中中庸庸、不是一般認為是富有人家、当中也有英文不是非常好好的、所以絶不存在自己英文好、才可譲小朋友讀IS的錯誤観念。　只要父母不要抱着被害者意識、甚麼給人看不起等等于腐思想、是没有問題的。　做PARENT HELPER便可多機会了解学校情形。　如果想再互動多点、父母就要主動点、多聯絡老師就是了。

happyhealthymin

而家ESF 小學面試要見埋家長，如果家長英文不是很好，會有影響嗎? 我印象中國際學校喜歡native speaker， 或接近native speaker家長.

DreamKid

其實適唔適合好睇家長有幾接受lS既教育理念。lS主要是由學習動幾推動學習。如果家長都不太相信這套理念，將來會後悔。

你而家可能不想有太多功課、測驗。但到時真係無既時候，你又會唔會唔安心呢? 無textbook，你會唔會覺得唔知佢學左物呢？成績表無 85, 90 呢D數字，無排名，只有一堆文字，你會唔會 uncomfortable 呢?

朋友親戚聚會，人地小朋友已經學到物物物，你個都未學。你會唔會因而question 自己當初的選擇呢?

lS學费唔平，如果覺得吃力，將來很容易後悔 unless you are a strong believer of the system. 雖然 LS 補習，興趣班洗费都唔少，但到底這些隨時都可以 cut.

如果普通中產 local 家庭，我會見意選esf, cais 這些中產家庭比較多的IS。小朋友其實無物所謂，但家長可能覺得比較 comfortable。

sweetheartb

原帖由 Mighty 於 14-03-13 發表
我女女係ESF、所以我只是説説ESF PARENT的経験、其実我覚得大部分ESF的LOCAL　PARENTS,家庭背景都係中中庸 ...

非常認同

himching

DreamKid 發表於 14-3-13 13:53
其實適唔適合好睇家長有幾接受lS既教育理念。lS主要是由學習動幾推動學習。如果家長都不太相信這套理念，將 ...

朋友親戚聚會，人地小朋友已經學到物物物，你個都未學。你會唔會因而question 自己當初的選擇呢? ==> 依個九成家長過唔到嘅心魔.

lS學费唔平...==> 其實係用錢買全家嘅快樂.

samsam123321

Deleted.

peak1011

上面的都說得對。如果不完全信奉IS理念，local家長會好矛盾，因為鍾意同人比較。

'小學選校'那邊大部分係LS家長，有人就comment數學程度IS比LS淺一兩年，佢個COMMENT最後總結是'嚇死人！'.....如果你是這類家長，絶對不適合讀IS。老實講，有幾嚇死人？係人都知外國的數學係比香港教得慢同淺，如果係咁大個人先知，又感覺嚇死人的話，咁個家長對外面的世界所知有限，相信亦不重視孩子的世界觀，還是留在LS適合，否則孩子跟全家背道而馳。

我自己回想，我哋細個學數學都快過外國人好多，同一級d嘢深好多，但咁又點？對一個數學天份差、而學校又完全提不起佢對數學興趣的學生如我來說，教得深唔等於我明白，我就似一舊雲，完全唔知先生喺度做咩，完全無概念，只覺得追到氣咳！仲要當時我阿媽已經請咗補習先生一星期來四日跟我的數學，直至中五後，我先唔洗再讀數學呢科，感覺成個鬆晒！結論是教得深唔等於個個明，IS因材施教，同一個grade有不同程度的人，真係分開教佢哋，小朋友有興趣會教得快D深D。

peak1011

himching 發表於 14-3-13 14:22
朋友親戚聚會，人地小朋友已經學到物物物，你個都未學。你會唔會因而question 自己當初的選擇呢? ==> 依個 ...

無錯，香港太多家長鍾意攞自己的小朋友出來表演，鍾意比較。無可否認，LS好多科目都教得深，寫字數學等一定係快好多。但當我見到我讀IS的十歲姨甥女，書不離手、看一幅畫可以從風格估到係邊個畫家所畫，可以講出好多歷史背景......我在想，好多東西是兩者不能比較的，IS重視的，LS卻不重視，那為什麼要以LS的準則去評論IS的學生？IS學生好多都鍾意睇書，呢方面我相信LS係做得無咁好的，咁點解又唔攞嚟比較吓呢？因為呢樣嘢量化唔到？LS家長就係喜歡量化所有嘢......我相信我十歲的姨甥女，大個唔會唔識寫字同計數，但LS好多學生，即使到大個咗，都應該唔可以從畫風估到係邊個畫家所畫的畫，亦好少會識欣賞藝術，講得出畫作的歷史背景。

人比人，比死人.....

紅紅

我覺得喺IS的家庭背景不太重要，其實我也不太清楚同學們的背景，因為我冇去深究，偶爾去同學仔的生日會都會見到一些，當然在家開生日會的，家裡也不會寒酸，但最後都冇深究，有時唔使知太多，就唔使比較，唔使自大或自卑，好慶幸，其他家長也唔多8，啱傾就傾多幾句，都是講吓小朋友，冇人查家宅，唔啱咀形就只打吓招呼微笑，基本上是君子之交。

反而會標签你的，可能是你自己的親友，因為外界對IS有很多誤解，有時真的有理説不請。

himching

紅紅 發表於 14-3-13 17:28
我覺得喺IS的家庭背景不太重要，其實我也不太清楚同學們的背景，因為我冇去深究，偶爾去同學仔的生日會都會 ...

"可能是你自己的親友，因為外界對IS有很多誤解，有時真的有理説不請。"  ==> 以前自己對IS都有些所謂"誤解", 例如, 太自由, 冇禮貌, 會叫父母全名等等, 可能真睇得戲多, 諗多咗,  但諗清楚, 自己對LS好了解嗎? 當親眼睇到LS學生係大人面前所謂"守規矩", 背後另一套, 其實只係做場戲俾大人睇, 等大人感覺良好, 就算有差池, 只要成績好, antie uncle 表現好, 平時打橫行都得, 父母一定撐我.  結果, 原來唔係對IS 及LS 有多了解, 其實係對自己仔女有多了解先係最重要.

我永遠只得一個原則, 仔女係自己嘅, 仔女好壞最終負人係父母, 與其他人無關, 唔好賴人賴學校.  人地意見, 有理就接納, 冇理就一笑置之, 面子工程?I'm not an engineer!

himching

最惡頂嘅case係, 有家長硬要自己仔女係大人面前表演, 真係鄧佢地啲仔女慘, 表演完, 我地重要話, 你地真係表演得好好...........

MM2H

himching 發表於 14-3-14 11:21
"可能是你自己的親友，因為外界對IS有很多誤解，有時真的有理説不請。"  ==> 以前自己對IS都有些所謂"誤解 ...

同意，好多時聽到一般誤解話IS因為語言環境，活動教學，小朋友因材施等等，其實主權都集中係父母身上。小朋友返學只係佔生活上少於5分1時間 (扣除長假期，周未等等)，父母及家中生活習性其實係IS活動教學中有好大影響力，係學校係老師引導小朋友思考及判斷力，從而透過不同角度滙入學術主題，讓小朋友能夠更多元化地互動。而且大前題係，每個小朋友腦袋運作都唔一樣，呢種教學模式係peers interaction下小朋友可以互相激發思考。
在家中，IS睇落好似冇咩功課，但係如果父母可以跟隨課程上細節透過日常生活上所遇，同小朋友加以討論，就真係配合到學校模式，從多面睇意見中再歸納番家中概念、價值觀，真正做到學習中成長。

眼見IS中好多學生係學校一套，家中所主導係另一套，現今已越加嚴重的語言混淆可會增至思考混淆。

winnie194

我地兩公婆都係香港長大，香港讀書的普通家庭，而家兩個小朋友都讀國際學校，屋企支出當然大，但係全家人生活得開心d, 星期日就一定去玩下，行公園睇戲食飯，差足電再返學。我見兩個小朋友會好有主見，會好肯自學，大仔會去記世界地圖，世界國棋，睇名人傳記，太空科學，呢d學校唔考，但for 做人, 應該幾有用。

FennieMan

原帖由 happyhealthymin 於 14-03-13 發表
而家ESF 小學面試要見埋家長，如果家長英文不是很好，會有影響嗎? 我印象中國際學校喜歡native speaker，  ...

家長嘅英文情度起碼都要同學校/老師溝通得到。因所有newsletter , email, notes全部用英文。

happyhealthymin

原帖由 FennieMan 於 14-03-14 發表
家長嘅英文情度起碼都要同學校/老師溝通得到。因所有newsletter , email, notes全部用英文。



  ...

我所擔心的是spoken English during interview. 因為出生率高,申請人太多, 學校傾向選擇native speaker, 這樣更容易溝通, 不是嗎?

sagesage

IS 幼稚園平均都要$10000/月，e.g. YC 幼稚園$13000/月，小中約$15000/月。ESF $40-50萬提名權，CAIS 快也收幾十萬建校費！你見親友交$500幼稚園學費，小中免費，心𥚃還會笑你傻仔！

FennieMan

原帖由 happyhealthymin 於 14-03-14 發表
我所擔心的是spoken English during interview. 因為出生率高,申請人太多, 學校傾向選擇native speaker, 這 ...

我覺得未必一定係native parents先收/或者優先收。甘如interview 時，家長嘅spoken English 又未達標，比你做學校都會擔心，家長有冇能力喺屋企支援個小朋友？但我相信一般香港嘅家長，一般對答應該冇問題（interview 一般唔會問好深）