培橋優點 ?

baby-town

大家指教一下....英文教學嗎 ?
學費多少 ?

壞寶貝

優點實在太多喇！不知從何說起，如有時間的話，可慢慢瀏覽此專區之帖子，閣下自然可領略到培僑之優點及受歡迎之處！

壞寶貝

Quote from Ms JadeW
中文：老師話就算吾識普通話，半年後佢地口音及能力肯定叻過好多家長。會用2個月時間教拼音！書本用繁體版人教書，字語都很優美，亦會教唐詩，仲有中國藝術課，教相聲、京劇、詩詞等。功課需要每天朗讀1文、會有工作紙練習咁。很重視閱讀！ 英文：用專題教學！很多閱讀寫作機會及需要。每天日記、周記，寫作老師批改會按教學目標修改注重部分，教拼音、需朗讀，每周規定書籍閱讀報告，另有自行選讀書籍需每天閱讀，會按孩子程度分級做閱讀，並紀錄進度，亦有線上閱讀課程。會有英文表演活動，教音樂、話劇、朗誦、跳舞等。 數學：感覺有點像中文版enopi, 教授核心計算技巧（enopi式的加減）、解題技巧、數學規律、邏輯、綜合應用。有線上數學常識練習可免費做！以互動、活動小組活動及探究學習，令小孩互相幫助，加深課題認知！ 成長：可理解作常識。分6專題學習。5、6年級開始一半用英文上堂。會有參觀、外出考察、探索等。(其中一個專題好似是關於香港及祖國)。 藝術：感覺很專業。冇家課。有藝術欣賞導賞。 音樂：1-2 學敲擊，3-6專注一樂器。學費已包專業老師授課。仲會按皇家音樂學院的樂理考試課程教授，方便學生 考試。有合唱團、節奏樂團、中樂團、西樂團同中鼓團。定期有音樂會供學生表演。 體育：1-2一般項目，3-4開始教6項核心項目：足球、籃球、排球、羽毛球、游泳（按能力分班）、田徑，仲有體能。5-6專注其中一項，再加認識其他新派運動。 課外活動：聽來不多。話已融入教學裡。有校隊、制服團隊、奧數及科學。 英文有精靈班，會讀高一級。由1下開始入2年級一起上課。由老師按能力挑選。 仲有教學語言: 中、數:普 (中學數學:會轉英) 英:英 成長: 粵為主、小部份係普、高小一半英一半普/粵 其他: 好似主要係粵、小部份係普。但佢地既POWERPOINT又用英文既, 所以吾係好知係點。 中英都有教拼音、要學生朗讀給父母聽, 同有書寫字體訓練。 聽完覺得真係要睇好多書: 中英數3科都有要睇既書。 好岩我地教學既理念, 吾係做練習去學語文, 而係要睇書、講同寫去學習。

壞寶貝

學費：每年約兩萬四仟元

baby-town

THANK YOU

bluesham

請問難考嗎

sspang

今年約2,800小朋友報考，只收160名，難考與否，見仁見智！

壞寶貝

縱觀各直資及私校，培僑對考生學術(academic )方面要求頗高。

JadeW

今年發現：小一中文默書由往年全年默了6次左右，今年小一變成是隔周默了。小二更變成是每周默，老師小孩都在追趕課程！主科中英數的考試由以往二測一考也靜悄悄的改成了三測一考！數學更增添了每周/隔周小測！功課由小一平均每天2-3樣，今年小一增至3-4樣，而小二亦是3-5樣，工作紙、補充也增多了。
學術明顯在校長的推動下直線加強中，對於喜歡輕鬆一點學習環境的家長，大家可能要再評估思考一下！

壞寶貝

原帖由 JadeW 於 14-03-15 發表
今年發現：小一中文默書由往年全年默了6次左右，今年小一變成是隔周默了。小二更變成是每周默，老師小孩都 ...

報考前諗住俾小朋友輕鬆愉快上學，點知仲忙過D官津校，依家都係愉快上學，不過要十一點先上床瞓，冇偈喇！校長話讀完十二年就派一張大學入場卷，唔勤力D，點達成校長及家長願望，家長們辛苦D喇！

MissSun

多謝你的分享。真係同我當初報讀時有點出入。唉！

A-Mum

壞寶貝 發表於 14-3-15 11:30
報考前諗住俾小朋友輕鬆愉快上學，點知仲忙過D官津校，依家都係愉快上學，不過要十一點先上床瞓，冇偈喇！ ...

十一點先上到床？因為功課？晚晚都係咁？你覺得多數同學仔都要做到咁夜，定係個別情況？

如果多數小朋友係咁，我覺得唔理想，值得同學校反映；如果係個別情況，可能要唸辦法幫下小朋友⋯ 加油！

EHL

小兒今年讀小一，平時9:30-10:00上牀。

中文默書上學期只默了6次，而且只是默字(不是詞語)。下學期開始明顯加深，有詞語及一段讀默/背默文章，每兩星期一次。
英文方面，上學期默8次，每次8個字。下學期每星期默一次，每次8個字加5個unseen(只加分，不扣分)

欣賞學校以循序漸進的方式慢慢加深要求，讓小朋友有時間適應。

與小兒幼稚園同學的家長交流過，個人認為培僑不算非常輕鬆，但相對一般官津小學可説是輕鬆多了。

壞寶貝

原帖由 A-Mum 於 14-03-16 發表
十一點先上到床？因為功課？晚晚都係咁？你覺得多數同學仔都要做到咁夜，定係個別情況？

如果多數小朋友係 ...

咁又唔係每日都十一点，但十点前上床就甚少！學校功課每日約1.5至2小時，網上功課約45分鐘，備課及温習約一小時，已經盡量精簡。有時都幾佩服其他同學仲可以參加課外活動(星期一至五)。如只應付學校及功課，九点都可上床，但成績可能跟唔上落後於人。

JadeW

阿仔做網上功課都可以做成粒鐘！佢好喜歡做英文，我係要佢做完所有功課、練完琴先准佢做，獎勵黎嫁！
溫書基本上我冇要求佢日日溫，係測考前就同佢review 功課既錯誤，再做些相關練習，知道佢明白課堂內容就足夠了！

JadeW

我仔小二平均每日6點返到屋企（課外活動原故），十時到十時半上床，早上6：15起床，7：00上校巴。只能睡約8小時。

壞寶貝

作息大至相同！只係囝囝上課唔專心，似讀僅K2！真正上課係8点後(晚上)。

A-Mum

回覆 壞寶貝 的帖子

你滿意小朋友現時的狀況嗎？如果你覺得唔理想，會唔會試下其他方法？

我兩個小朋友初小時都係九點至九點半瞓，瞓覺時間固定左，再跟重要性安排活動。唔夠瞓好難上堂專心，學野會慢，記性又會無咁好，健康都差 D。

唔夠時間不如唔預習？預習有好處，不過小朋友上堂可能會覺得悶，反而唔聽書，變成依頼你。
預習同溫習都只係學到一樣嘅野，預習嘅時間就算唔瞓晒佢，改為睇課外書、玩益智遊戲、參加課外活動，長遠小朋友反而可以學到更多更廣。

低小係最適宜試學習方法同訓練獨立，低小行到啱自己條路，高小就唔駛煩，值得架。

壞寶貝

原帖由 A-Mum 於 14-03-18 發表
回覆 壞寶貝 的帖子

你滿意小朋友現時的狀況嗎？如果你覺得唔理想，會唔會試下其他方法？

謝謝！
已盡量提供八小時睡眠。如果佢懂得依賴我，咁問題已經解決咗，依家等僅佢開竅！

avamum

JadeW 發表於 14-3-15 10:50
今年發現：小一中文默書由往年全年默了6次左右，今年小一變成是隔周默了。小二更變成是每周默，老師小孩都 ...

非常同意。

你们是两个孩子都在培桥吗？我觉得现在有向传统学校靠拢了。