港同是否有點變質?

甘恩

不要介意我提出一觀點，家長對小朋友學術沒有太多要求，不等於小朋友會返學返得開心。其實兩者無必然關係。明白部份家長希望小朋友返學開心，多啲活動，少啲抄寫。但其實當小朋友愈來愈大，身邊多了其他不同引誘，而家長如果沒有培養小朋友學習興趣，即使學校少抄寫，多活動，小朋友亦有可能失去學習興趣，而不喜歡返學。最重要還看家庭教育及如何培養小朋友的學習興趣。

Charlotte_mom

當然, 返學始終係為左學習, 學術又好, 做人處世又好, 咩體咩藝又好, 語文底子又好, 點都要認真做
我無傻到自己呃自己, 高呼童年要快樂, 又或者話要讀書邊間都一樣, 我好清楚明白小朋友O係咩環境長大, 受咩薰陶教育, 就會變成咩人, 揀港同又好, 唔揀港同又好, 無所謂, 最緊要家長知道自己想要D咩, 充分了解衝量過, 確認點去追求目標, 唔好不切實際, 又或者倒轉, 揀條難行嘅路又嫌辛苦, 何必姐

pipip929

講得好好

小花媽咪

多謝分享！
我囡剛已後備生註冊了，
放棄一間中學派位好好的小學。
這幾天忐忑不斷，
聽到你講，我放心了許多！

芝士BB

如果一間學校太happy, 各位港爸港媽又會擔心小朋友的學術進度⋯⋯我相信港同在呢幾年的轉變，正好在開心上學及學術程度上爭取到平衡，因為我相信小朋友喜歡上學，主動學習，成績不會差得去邊。

sfly97

我想問德育方面，港同做得怎樣？

ltang7

小花媽咪 發表於 14-3-13 15:30
多謝分享！
我囡剛已後備生註冊了，
放棄一間中學派位好好的小學。

請問你幾時收到call waiting? 你有寫信給校長嗎？

sfly97

回覆 sfly97 的帖子

TYPO.... 已改!


我其實係怕學校太Free, 小朋友會不會不受控, 自理能力低, 不尊重長輩等等!

Charlotte_mom

sfly97 發表於 14-3-14 13:28
我想問德育方面，港童做得怎樣？

港中港小一樣, 都唔係靠惡靠管去教學生

學校講生命教育, 點去愛人, 點去愛自己, 咩叫應做咩叫唔應做, 係靠老師靠大人一路潛移默化去"化", 如果做錯左, 當然有consequence, 但唔會係記過罰抄, 例如小息周圍跑(指定範圍係跑步徑), 會罰去靜思區坐, 無得玩, 有次我仔聽過高年班講, 做埋d唔應該做嘅野就有媽咪麵食, 結果事件暴光, 兩個一齊罰, 其中一個懲罰係哥哥要負責買包媽咪麵因為佢應承左

因為唔係高壓, 所以港小學生同大人關係都會close, 港同從來都教學生自己身在福中, 點解同點樣去幫人, PTA亦一樣合作, 攪活動買件小禮物都會考慮社企, 再向學生介紹返背後意義, 年中都會攪BOX OF HOPE, 步行籌款俾慈善機構等, 我地唔會培養d"對眼生o係頭殼頂"嘅下一代

去到中學, 唔交功課, 咪唔好交, 無分果個係你自己, 老師唔會迫你, 又唔係幼稚園生, 計分制好似大學咁, 每一份assignment都會計落final grade, 遲交就扣分

港同教學生方式就係咁, 有商有量, 每年開學第1,2週係適應週, 小一就由老師帶住創作下班歌班徽認識下, 去到高小, 連班規都係大家傾出黎, 唔係老師迫你做, 老師係希望學生明白同同意點解要做

Piiglam

原帖由 Charlotte_mom 於 14-03-14 發表
港中港小一樣, 都唔係靠惡靠管去教學生

學校講生命教育, 點去愛人, 點去愛自己, 咩叫應做咩叫唔應做, 係 ...

次次睇完Charlotte_Mom的回覆，都覺得仔仔好慶幸可以考到港同。期待今年9月的小學生活到來。

Charlotte_mom

原帖由 Piiglam 於 14-03-14 發表
次次睇完Charlotte_Mom的回覆，都覺得仔仔好慶幸可以考到港同。期待今年9月的小學生活到來。



  ...

港同有佢獨特嘅吸引力，吸引到一d認同鐘意佢嘅家長。家長見學校有放心機，亦好願意配合同付出。要攪好一間學校，單方面努力係唔成事的。學校家長投入度同歸屬感好強勁。好似我o係度分享完，到我搵家長做義工家長幫手，家長都樂意出力，呢份雙贏我係好珍惜的。希望將來你都會鐘意學校

superccc

選擇一間合適自己小朋友學校才重要