轉唔轉校好？

cae688

兩個adhd 。
之前選擇小學，問幼稚園老師意見，
都話間小學嚴格d，佢地可以應付到。
仲覺得小朋友跟得上，同學習到規矩

到現在過了一個學期，
成績差到全級十大（尾數上去）
班主任建議搵補習。

學校重成績，多考試，默書，但功課不算多
學習支援少，一星期只有兩天功課輔導班，仲要得一個鐘。

兩個係唔係轉返活動教學會好點？
但，又要重新識朋友，適應會唔會唔好？
好矛盾，可以俾d意見我嗎

shuna

點解個幼稚園老師會咁建議? 其實adhd 小朋友應該要冇咁嚴既學校, 有心做融合既學校, 如果學校許可, 可以比佢動多一點才好。 咁嚴既學校, 點繼續讀上去? 一年級既課程係好簡單, 三年級先到戲肉, 你同小朋友都辛苦, 佢學習冇左興趣, 點繼續? 我就覺得轉校會好。 見過好多自閉症或adhd 小朋友入左啱佢地既學校, 學習得好好。 亦見過入左太嚴既學校, 佢地情緒行為變得好差。

josephbaba

原帖由 cae688 於 14-03-02 發表
兩個adhd 。
之前選擇小學，問幼稚園老師意見，
都話間小學嚴格d，佢地可以應付到。

你住邊區？我小孩case 跟你差不多，都係揾緊多d支援，校長老師有心既融合學校。

cae688

原帖由 josephbaba 於 14-03-02 發表
你住邊區？我小孩case 跟你差不多，都係揾緊多d支援，校長老師有心既融合學校。



  ...

咁你有無諗轉校？
我天水圍

pocoyo123

adhd小朋友讀嚴謹小學, 會好辛苦,而且仲要重學術, 一年級已叫你去補習班, 足以証明學校只是重成績, 今年唔轉, 讀多一兩年, 見你追唔上, 佢都可能迫你走,  一年級轉校都好快適應,活動教學是否一定合ADHD小朋友我覺得在香港要搵真正活動的小學好困難, 反而搵一些比較包容和多支援仲好

josephbaba

原帖由 pocoyo123 於 14-03-02 發表
adhd小朋友讀嚴謹小學, 會好辛苦,而且仲要重學術, 一年級已叫你去補習班, 足以証明學校只是重成績, 今年唔 ...

agree, 但如一班二十五人有十幾個係SEN，老師兼顧到嗎？我怕上課太亂

josephbaba

原帖由 cae688 於 14-03-02 發表
咁你有無諗轉校？
我天水圍

有，揾雲港九新界揾到幾間支援夠既學校，打算明天打去教局問下意見

sentrainer

有D重成績嘅學校，班都唔俾你留，等你快快讀完六年就算，最後個底打唔好上到中學都係辛苦，所以可能轉間啱佢好過。

pocoyo123

多SEN學生的學校, 支援一定係足夠D, 但老師兼唔兼顧到, 家長就要自己去學校, 問下讀緊的用家, 睇下學校是否能做到包容又照顧到每一位小朋友, 暫時, 我本人聽得最多做容合好, 校長老師又有愛心的小學, 是上環新商會小學, 不過, 我無小朋友在此校讀, 只是聽其他家長講, 有需要自己去學校參觀下

cae688

原帖由 josephbaba 於 14-03-02 發表
有，揾雲港九新界揾到幾間支援夠既學校，打算明天打去教局問下意見

喺邊度搵到？我都想知

cae688

有愛心真的好難知道，為這問題煩惱到。。。

矛盾是現讀的小學，程度小朋友是可以跟上，
但就是不能專心聽書，令到他不明白老師講咩，所以無興趣

靚寶

我同你case一樣，仔小1,2由尾數上，我叫佢60分先生，因為科科60幾，學校算有愛心耐性教仔，但傳統學校都係重成績同埋坐40min上堂，仔覺得好辛苦，捱到3年級就變得災難，有60分已經中頭獎咁開心，3x分都拎過，佢根本在校只吸收到2,3成，宜家打算同佢轉間開開心心的學校，最好遊戲為主，接受左佢係難專注學習，所以唔再迫佢，揀間開心學校比佢渡過快樂學習童年了