甚麼世界？還有連坐法？

happy_lavender

好一個無用的罰法，罰抄罰企根本無助小朋友學懂守秩序！要唔要集體負責(唔想用罰，或可叫補救較好)，要睇情況！

如喧嘩、打架生事，應只罰當事人，旁觀者都罰就點都唔順氣，罰人那位亦有排解釋才可令小朋友明白，浪費功夫但無乜果效！通常滋事者都是想搏出位，希望別人留意自己，只是用錯方法！你咪索性畀個虚涵佢，然後加個維持全班秩序的責任；做得好就勁讚，做得唔好就鼓勵佢慢慢學，總比罰來得好吧！大家又唔駛勞氣，又可讓小朋友了解老師的立場；若然怕誤導小朋友做得不好反受重用，咪定下期限，並與小朋友立約，搞不好秩序就要罰云云..................但其實搞事果D都被你捉晒去搞秩序，D秩序重可以有幾差？

若然是弄污地方，我又覺得可以集體負責。垃圾蟲固然要罰佢執番乾淨，無份弄污的便邀請(語氣當然是溫和的)幫手清潔，讓其學習公民意識，維護自己班房的整潔，也令小朋友明白作為社會一份子，不能自私地只顧自己的事，也要顧別人的事，幫助他人。我在制服團隊聽少年人講得最多的就是「唔關我事」、「唔係我整」！其實心果句就係「我唔願幫忙」！受得太多服侍嘞！

至於有人舉步操訓練時的加操為一人做不好、眾人受罰的例子就真是一個完全錯誤的理解！這其實完全是兩回事。步操乃圑隊訓練，最終目標是要一隊人整齊地操，一人操得不好足以令整隊步操效果不佳！合作得不好就當然要再練，那是加練而不是罰！

little_yolky

Gerard 發表於 14-3-4 20:38
我舉步操例子不是說步操問題，而是引申指出有些家長過份保護子女，唔識放手。試試問下其他家長，我相信大部 ...

怎可以說是過份保護子女呢。我們要認清楚小朋友的年齡, 他們能力可以做到什麼。

在學校, 老師惡晒, 老師話要罰小朋友只可以服從而已, 只有心裡不高興。好彩就返屋企同爸媽講, 唔好彩就積埋積埋自己唔開心, 諗埋一邊。當然, 我囡囡學校的老師有解釋, 她只是有一點唔開心而已(嬲同學唔守秩序累街坊), 所以我徵詢過佢同意, 無任何行動。唔通家長認為一個小一的小朋友無辜地被老師罰, 仲會大義澟然地企出嚟問老師：我無做錯, 點解要罰我。呢啲小朋友真係死一百次都未小學畢業。

heidys

little_yolky 發表於 14-3-5 11:34
怎可以說是過份保護子女呢。我們要認清楚小朋友的年齡, 他們能力可以做到什麼。

在學校, 老師惡晒, 老師 ...

每人都可以有佢不同的觀點. 但不用下下出動 "投訴"去同老師了解, 反映一下意見, 要為老師留點顏面.
否則小朋友點學到要尊師重道? 原來叫媽咪投訴就解決得了!
個人意見啫

hoihoima

wingsma 發表於 14-3-1 22:17
這是甚麼世紀，居然還有連坐。友人仔仔因同班同學排隊時不守秩序，結果全班要罸企，問我可否投訴，我說一定 ...

芝麻小事，家長及樓主也無謂鑽牛角尖了！

little_yolky

heidys 發表於 14-3-5 12:48
每人都可以有佢不同的觀點. 但不用下下出動 "投訴"去同老師了解, 反映一下意見, 要為老師留點顏面.
否則小 ...

好似係支持的家長認為反對的家長同學校講=投訴喎。

我從來都無話要同學校投訴，我諗好多反對的家長亦唔係要同學校投訴，而係同你所講既一樣，同學校反映意見或了解情況。我一直係尊師重道既人，有乜可能會教小朋友唔尊敬老師，佢細細個我就教佢讀三字經同弟子規了。不過，我會教佢爸媽或老師都會有錯，亦教佢見到長輩犯錯時應如何處理。

wingsma

「投訴」只是一時戲言，同意大部份家長的意見，不應小小事就投訴。
其實主要是想看看大家對連坐的觀感。

joyjoyparent

回覆 pandamommy 的帖子

我女兒曾參加過黃埔軍校升中營, 他們也是要一隊人達標及守紀律, 方為合格. 童軍步操也一樣.

akwchan

其實羣眾壓力會另小孩有責任感去保護其他人而會走正確的路，做錯事會影響其他人及社會秩序，所以是應該一齊罰以示各同學警掦。

1773

請問什麼是「連坐」？即是坐無形櫈嗎？那是體罰，犯法㗎

pandamommy

咁多人支持，真好想知支持者邊個嘅小朋友係經常被無辜連累（呢d好偉大）丶邊個嘅係曳累人哋（唔怪之咁支持啦，多人反對佢咪弊?!）丶邊個係會咁罰人嘅老師（唔好投訴佢）。小小好奇啫，不喜勿插。

natnatbaby

小囡一，二年級都比較多全班沒小息。三年级後很小，可能d小朋友大左，定左d。小三後的小息,多是補課，練習朗誦，小息也很忙。

魚兒小寶貝

突然諗起有時d西片（例如d災難片呀、恐怖片呀。。。），有起事上黎，總有一個角色會彈出黎講：唔關我事呀!（跟住佢一係自己走左、一係死左、一係累街坊。。。）咁好多時，確實又係唔關佢事嘅! 做人處事，往往係無數小事累積。

wingsma

我又想起一齣電影<<舒特拉的名單>>中的一幕︰一納萃集中營的一個營區失了一隻雞，一德軍將該營區的十多廿人集合起，逐一審問，不認或不指出那一個是偷雞賊，便一槍打死他，然後再問下一個，下一個又不肯承認，德軍正要開槍之際，一個小童舉手想說話，德軍問他是不是他偷的，小童說不是，但知道是誰偷的，德軍叫他說出來，他指著剛被射殺的那一位！

littleteapot

Totally different scenario. 如硬要用此比喻，我覺得曳，而且連累人地被罰的人，似你所講的劇中角色多點，因習慣自己做錯別人被迫一齊擔當。好多時這種學生都因眼見乖都會被罰而不會改善自己。久而久之，有損品格發展，不慣自己承擔。

littleteapot

我是reply魚兒小寶貝的。PS純粹討論，非攻擊

wingsma

家長覺得罸下企，罸下抄是小事，這點不難理解。
小朋友無緣無顧被罸，他們會有何想法？真的會覺得自己有責任令同學守規矩嗎？我小學也試過，有同學嘈，班長叫他們靜，但他們不理，結果自己要和全班被罸，你說他管不好秩序，抵罸！但老師管不好秩序，不用受罸，反而罸無辜的班長和守秩序的同學。

至於施罸者的老師又會怎樣想？他如何會忍心去罸一個沒有犯錯的小朋友？這是甚麼心態呢？

有人以打輸波作比喻，其實打輸波為甚麼要罸？我就覺得即使打勝，但如果其中有球員不盡力，也可處罸該不盡力的球員，但盡了力而打敗的，也可褒獎！

little_yolky

wingsma 發表於 14-3-12 00:20
家長覺得罸下企，罸下抄是小事，這點不難理解。
小朋友無緣無顧被罸，他們會有何想法？真的會覺得自己有責 ...

噚日阿囡又被連坐了。

夜晚7:00放工返到去見佢仲食緊飯(一般6:00開飯), 問佢做乜食咁耐, 佢話因為被罰抄。聖經堂好多少朋友無背金句, 所以全班罰抄, 好唔公平。我話無背金句抵死, 佢就哈哈哈。

wingsma

如果很多學生在課室喧嘩，老師不能一眼關七，唯有貪方便全班罸，好似還有點理由。但很多人沒温書，只要逐一發問，或一起默金句，便能輕易找出哪些同學不温習。不温習便罸抄，有温習的便嘉獎，這樣學生便知努力。

*在教育上︰
用獎賞好學生的方法，是上策；
用處罸劣學生的方法，是下策；
用處罸好學生的方法....是反教育。

hahemami

akwchan 發表於 14-3-9 17:05
其實羣眾壓力會另小孩有責任感去保護其他人而會走正確的路，做錯事會影響其他人及社會秩序，所以是應該一齊 ...

同意，無乜問題