甚麼世界？還有連坐法？

芝士BB

正面看，老師在訓練團隊精神，你們是一班，你在班中的行為是為全班人負責，並不是一人做事一人當，當你覺得有承擔時，自己的行為會自覺地受到身邊人的約束，長遠看，小朋友在團隊中每做一件事會顧及別人感受⋯⋯⋯其實透過此事，父母都可灌輸正面的思想☺️

芝士BB

每論有犯事或無犯事的小朋友，在罰企的過中都可以學到嘢，視乎老師家長事後點教。
罰企罰抄其實在成長中是很小事，不能和留班相題並論😉

pandamommy

原帖由 芝士BB 於 14-03-03 發表
正面看，老師在訓練團隊精神，你們是一班，你在班中的行為是為全班人負責，並不是一人做事一人當，當你覺得 ...

又一次將無辜連坐和團隊精神混為一談，唉！

JustAParent

原帖由 wingsma 於 14-03-02 發表
似乎很多人都認同連坐，或是只因罸企、罸抄、罸跑，屬小事，「豪」給他吧，施罸者則美其名為團體精神。但是 ...

第一，你講既唔係連坐法， 商鞅立法精神在於連坐者互相監察舉報而非同罰，包庇者同死，舉報者卻有功，不要亂扣學校這麼大的帽子。第二，部分人犯錯，整體受罰是否恰當，向來有爭議。我個人會看部分人是多少人，所謂罰是何等程度的罰。偶爾全班罰企罰小息甚至罰抄，我可理解老師難處亦唔介意「豪」比佢，如情況已超越常理，你應列出具體事件給大家討論，把問題推到少數人肥佬全部留級是上綱上線，無助大家了解問題。

pandamommy

我反而覺得如遇不公平的事，能以平靜友善嘅態度，同有勇氣去表達不同嘅意見，都係一種教育。現今社會就係需要咁嘅人。

pandamommy

原帖由 JustAParent 於 14-03-03 發表
第一，你講既唔係連坐法， 商鞅立法精神在於連坐者互相監察舉報而非同罰，包庇者同死，舉報者卻有功，不要 ...

如果大部分人曳，只有小部分人乖。我覺得非常欣賞嗰一小撮人，難得喺咁嘅環境仲可堅持自己原則。另外，如一班入面同一時間咁多人曳，好明顯老師嘅課室管理有好大問題。好多時，全體罰，極其量而收到少少即時而短暫嘅效果。嗰一大班曳嘅，係唔會怕咁多人一齊罰呢招。老師應該另外想辦法。課室管理有好多方法，全體一齊罰企罰抄之類係最低level最慳老師時間嘅做法啫。

20071974

唔通到出來社會做事，預到不公平的事，都要由媽媽打電話同公司投訴

芝士BB

如果媽媽真的覺得小朋友心裡感到委屈，可以鼓勵小朋友問老師為什麼自己也要受罰，看看老師如何回答，如果老師回答合理，小朋友又接受，這是一次很好的教育；我覺得呢D嘢不用家長出面，家長應鼓勵小朋友自己爭取。

pandamommy

原帖由 芝士BB 於 14-03-03 發表
如果媽媽真的覺得小朋友心裡感到委屈，可以鼓勵小朋友問老師為什麼自己也要受罰，看看老師如何回答，如果老 ...

鼓勵小朋友自己爭取都係好

chanwendy

pandamommy 發表於 14-3-3 01:02
我都反對「連坐法」。要分清楚，「連坐法」係一人「犯罪」，其他無辜人都同樣受罰。此與團隊精神不能混為一 ...

我咁睇, 一班同學仔合力去保持班上的秩序, 但就有人唔合作, 係都要唔守規距, 咁同樣係破壞緊團隊精神.

pandamommy

原帖由 chanwendy 於 14-03-03 發表
我咁睇, 一班同學仔合力去保持班上的秩序, 但就有人唔合作, 係都要唔守規距, 咁同樣係破壞緊團隊精神.
...

要想想，呢個有幾可真係學到團隊精神?要計算下抵唔抵先。尤其是小朋友犯規有多個原因如家庭問題，ADHD等等，全體罰根本無對症下藥。
至於團隊精神，課堂上如PE或任何科目都得，教育大家唔好取笑比較弱，未學識嘅，要下鼓勵人，幫助人，咁就好啦。
話時話，我唔係只代表家長，我曾從事教育界都超過廿年。因湊仔提早退休。
我明白凡事總有不同意見，我都過發表下。

Chowying

厲害 竟然有咁多人 like 連坐 . 我既小學生涯只有2年級既班主任係咁樣罰學生, 結果佢失敗左
因為總會有一兩個同學做d小錯事, 反正大家都要受罰, 越罰就越5守規矩, 越罰班房就越

嘈. 哈哈哈, 最後大半班家長去校長到投訴, 取消埋 la

sirsix

都係罰既一種不過佢地會覺得其他無辜同學都受罰既,就會有壓力唔會曳掛

sexymami

我細個時都被咁樣罰過。
但依家都會支持。
唔止排隊，仲有轉堂；當需要安靜時過半班／好多人都冇做好時，就會全班罰。
當然有同學係無辜啦，但老師會話：唔想有下次，就請你叫那些唔守秩序的同學都要乖。
都岩而且有成效喎！講真，同學都有責任幫忙維持班上秩序啫！
如果真係那一／2個同學搞破壞，老師一般都唔會罰晒全班啦！
但如果有好多／過半班都有份，咁你叫老師點搵個啲乖的同學唔罰先？
當時都應該係冇老師在場佢地先搞搞震啫。
放鬆啲啦，唔好下下就話要投訴。

vincher

回覆 pandamommy 的帖子

agree.....若次数不多，少干預为妙！
不过由小孩出声，也好！
他們可愛d，出声也容易被接纳！
而且，教他們如何友善地向老師反映意見，
都係好事！小孩都学到嘢！

hadwinboy

原帖由 芝士BB 於 14-03-03 發表
正面看，老師在訓練團隊精神，你們是一班，你在班中的行為是為全班人負責，並不是一人做事一人當，當你覺得 ...

非常贊成此位家長所言。我個仔現在識得叫曳或嘈的同學要安靜了，而他自己也不會曳，因為知道會連累其他乖同學受罰。我冇教過他，是他自己從中領悟出來. 此乃成長.

Mini-mummy

我支持！
但必須事出有因！！
我今天正好遇著了同類型事情。
查詢老師後，老師嘅答覆係想全班整頓。
我認為你要整頓唔係問題，你要好好同同學講發生左咩事情有呢d後果。（例如：帶出問題：班上秩序凌亂）
而唔係令嗰幾位＂所謂曳＂嘅學生被同學、老師及家長標籤，讓那些同學成為眾矢之的！

那些同學被冠以惡名，
同學們將責任推晒落去，話＂最衰邊個邊個累全班罰企＂

尤其是對待初小學生，她們有足夠能力理解分析嗎？沒有〜要靠老師帶出問題。

老師呀老師：
若你想罰全班，應該向全班同學痛痛快快地訓示！
若你想罰某同學時，便當機立斷，勿思前想後。
若你真的為個別學生而處罰全班，也應好好交代事件給其家長們知道，而不是用＂整頓全班＂來安撫個別家長。好讓＂家校合作＂，要知道連坐法用得多便不湊用了！！

題外話，講下d case…
我都見食午飯時間邊班嘈，邊班就要留到最後。但呢d情況，學生們係知道咩事因有咩後果，咁就會見效。

都係嗰句，罰人又唔話比人知衰咩，無論用咩方法都唔會work.

little_yolky

chanwendy 發表於 14-3-3 10:15
我咁睇, 一班同學仔合力去保持班上的秩序, 但就有人唔合作, 係都要唔守規距, 咁同樣係破壞緊團隊精神.
...

但對於一個小一的小朋友, 佢哋係無能為力的。佢做好自己已經唔容易, 點解做好自己仲要被罰。同學唔乖, 小朋友又可以做到啲乜? 我囡囡的case:

1. 小一開學無耐, 午飯時間有高年級同學看守及協助小朋友。因為好多小朋友(尤其男仔)好嘈唔守規, 高年級就要全班罰企吃飯。
2. 近排, 有同學仔(男及女)排隊好似條蛇咁, 老師罰全班無小息。

我同老公當然好憤怒, 因為幼稚園教得我囡囡好自律守規, 亦buy一人做事一人當。適逢家長日, 我問囡囡要唔要我哋同老師講, 囡囡話：唔駛, 因為我哋係同一班。

所以我就無同老師講了，但我仍然唔同意連坐，我細個時亦從無被連坐過，點解咁細個小朋友，要佢哋接受無論佢哋做得幾好，都會有可能被罰，無論是否自己犯錯。我唔讚成這是團隊精神，同打輸波罰跑唔一樣，全隊人係有參與並合作進行一個活動。吃飯、排隊，小朋友除了做好自己，仲可以做到啲乜嘢？

pandamommy

原帖由 little_yolky 於 14-03-04 發表
但對於一個小一的小朋友, 佢哋係無能為力的。佢做好自己已經唔容易, 點解做好自己仲要被罰。同學唔乖, 小 ...

可憐你囡囡被如此思想教育。

而我睇，好多人都係一樣見「怪」不怪。