個仔智力發展越來越遲緩

aoisonic

本來早期測試只發現佢慢左半年, 而家測第3次已經慢左一年. 醫生話佢的語言能力只可以處理到2樣野
又話要多D訓練但唔好迫(唔迫又好難訓練?) 有時我俾D連線和油顏色練習佢做, 做少少就好疲勞
係味都係俾佢繼續做同埋不斷參加其他貨外活動?
而家佢返學返全日, 阿媽湊佢放學, 只有等我放工返來先教到佢
(阿媽同老公完全教唔到佢任何野, 包括ABC)
自己在家應該如何訓練佢??

pandafood

如果你已經在體能測驗中心做過評估，佢地有圖書角可以借啲書番去。有啲書教你做訓練。幾好架

siufung

小朋友幾大？

aoisonic

回覆 siufung 的帖子

而家4歲2個月, 測驗結果只有3歲2個月

margo_ming

講真..真係要靠你....吃飯後同佢玩多些..訓前講故仔....認知就買些字卡...貼係當眼處...眼見到就教下佢讀/ 知

siufung

醫生話語言同時處理到2樣野具體是什麽？是否只有2個動詞，即例如:我想食野。(想和食)除了語言發展外，小朋友在大小肌、社交、智力方面有遲緩嗎？先不要太擔心和困擾，耐心引導小朋友學習，係要花多d時間。學習要引起孩子興趣，例如教ABC，不要直接教個字，要將教學融入遊戲，引發他們的興趣。不要狂去課外活動，如他不感興趣迫他去會造成反效果。

aoisonic

回覆 siufung 的帖子

佢就係整體都只有3歲2個月的程度. 佢識講"我想食野", 但就處理唔到"我想去麥當努食漢堡包同薯條" 呢d複雜少少的concept. 佢而家多數會拒絕外出, 而且社交方面比較退縮, 所以我諗會唔會係接觸課外活動會好d

monkeydiary

原帖由 aoisonic 於 14-02-27 發表
本來早期測試只發現佢慢左半年, 而家測第3次已經慢左一年. 醫生話佢的語言能力只可以處理到2樣野
又話要多D ...

我的經驗是唔一定要迫先可以做到訓練，因為可以透過遊戲做訓練，有時小朋友越被人迫，反而越唔肯做，結果就變成越來越退步

aoisonic

回覆 monkeydiary 的帖子

例如有咩遊戲可以介紹下? 教佢認一個中文字, 一晚讀十幾次, 讀幾晚都認唔到

monkeydiary

原帖由 aoisonic 於 14-03-06 發表
回覆 monkeydiary 的帖子

例如有咩遊戲可以介紹下? 教佢認一個中文字, 一晚讀十幾次, 讀幾晚都認唔到 ...

我只係一個媽媽，非專業人士，我自己教女女中文，就只是用幼兒園歌書逐個字教

monkeydiary

原帖由 monkeydiary 於 14-03-06 發表
我只係一個媽媽，非專業人士，我自己教女女中文，就只是用幼兒園歌書逐個字教



  ...

同埋我覺得一晚唔得就教多一晚，總有一日小孩會學得識

winwinwan1121

原帖由 aoisonic 於 14-02-27 發表
本來早期測試只發現佢慢左半年, 而家測第3次已經慢左一年. 醫生話佢的語言能力只可以處理到2樣野
又話要多D ...

我仔仔都係delay,佢返全日n1, 而家日日放学後都帶佢去公園同家居訓練，我係沒做野只有時間攪佢，勸你唔好靠老人家，可以的話自己來。唉，佢模仿能力差，呢排教佢砌三塊品字積木，教極都唔係好識，叫佢模仿畫十字，更加唔得，有時都几激氣，唯有努力啦！!

winwinwan1121

想問奌解可以評估3次咁多? 係唔係私人評估?  仲有你而家間幼稚園有冇建議你小朋友留班? 我果仔而家n1, 評估整体遲8个月，老師建議佢重repeat n1.....

cecilau

回覆 aoisonic 的帖子

你仔仔有無上言語治療? 你有無去睇住上呀? 咁你就可以學到技巧.
小朋友要不斷訓練, 不進則退.
要學兩個指令, 你可以放不同的物件 / 圖片, 慢慢學聽你講要拎一至兩樣, 可能要學一星期, 兩星期,
訓練要晚晚做, 最重要係恆心, 耐性.
認字--> 你可以張個字post 出來, 你可以同佢玩遊戲咁玩的, 唔駛下下坐係到, 一星期只學一個字, 每次行過就講一次.

努力!! 加油!!! 呢條係漫漫長路呀.

aoisonic

回覆 winwinwan1121 的帖子

我果個又係咁, 模仿能力超級差, 砌品字積木又係砌唔到, 寫筆劃完全根唔到個範本 (唔係字, 係筆劃而已)
佢已經係讀緊第2年K1啦, 完全唔明白點解跟唔到!
佢係政府度做評估, 每隔一段時間會約見一次\

aoisonic

回覆 cecilau 的帖子

佢有上過語言訓練(一群小朋友一齊果D), 不過導師都唔收佢. 而家係出面排緊單對單, 好貴呀成7XX一堂! 不過我地又唔合乎申請津貼資格! 好愁!

aoisonic

回覆 feipow 的帖子

佢而家對戶外活動變得越來越畏縮, 多數會要求留係屋企唔願意出去玩
咩叫統感?