發展遲緩-老師建議n1留班，留唔留好?

winwinwan1121

仔仔發展遲緩，現兩歲八个月，被cac評估只有兩歲左右，剛剛家長日，老師建議佢重讀n1, 因各方面包括語言，小肌肉，理解都未得，怕佢k1跟唔上，因k1要執筆連線寫字。 而家排緊i位，究竟留唔留好?  n1都要留班，真係好沮喪....各位有乜意見? 有冇經驗分享?

siufung

其實距離升K1还有半年时间，可否一路讀一路自行家居训練，睇下用餘下的時間可以追到几多。如到時仍未ok才repeat N1

pandafood

你唔駛咁沮喪，我都係同路人。 可以互相支持下。 或者調轉諗，宜家打好個底，可能對佢更好。 宜家仲有半年先K1, 唔好放棄住。 同佢勤力做多啲家居訓練，真係有幫助架！ CAC點評？有冇話邊度特別弱？

winwinwan1121

cac話佢各方面都遲，包括語言，大小手肌，認知，而學校果張進度表上好多項目都係未能掌握，諗緊如果真係要留係留k1 定n1 好? 當然最理想係可以升k1兼收組（可能係派到好麻麻嘅學校），但我剛剛至排隊都好大可能k2至有兼收服務....你會揀重讀k1定n1? 呢半年會多D家居訓練，但沒乜信心可以追好多...其實我都懷疑佢有D自閉傾向，cac評估話有DD特微又不太明顕，叫我留意佢社交發展。

kk9129helen

我認為唔使理咩班，最緊要適合個仔，幫到個仔。

lolotwo2003

我个女3歲半，上年插班讀N1，老師建議留班，結果我們聽從，都好既，與其勉强讀K1，不如慢慢來，現在班主任說小女進度，N1合格，K1就不合格，所以大家加油，努力啦!

lolotwo2003

我個女排緊S位，不用灰心，老師坦白講你知，好過自己唔知嘛，冇辨法，大家小孩發展遲緩，慢慢來，不能和其他小孩比較

winwinwan1121

想問你女女評估完後比較同齡差多遠? 要讀s位?

winwinwan1121

我老公聽到老師叫去留班n1後好反感，雖然我都知道有機會會發生，但系親身聽到老師同自己咁講，感覺好難受啊。

lolotwo2003

我个女在政府兒童智力中心評估為發展遲緩，幸好N1班老師提点才知她需要留班，小女言語遲，智商遲，只有肌肉發展合格，起初真的很難接受，但如果不幫助她，她以后的路更難走，學會接受，不作比較，醫生說可以排i位or S位，我和老公認為只要對她好便可以，所以排s位

lolotwo2003

其實我都好感激老師提議小女留班，如果冇佢善意提醒，我和老公都唔知佢讀得辛苦，其實只要小孩讀得開心，大家就放心，係會比其他人遲升學，但既然是事實，不如學會接受和包容，万一勉强升K1，到時老師日日投訴仲麻煩，心裡仲難受，大家努力加油啦，總有康莊大道的

winwinwan1121

介唔介意講你囡囡大約遲了多少? 医生只建議我排e或i位. 老師話呢條道路會好漫長，有D感慨!

aoisonic

留吧. 我個仔遲緩左成1年. 現在4歲幾, 無論外表和一切其他方面與3歲無異.
佢舊年的同班同學(正常果D)升左上去後都覺得好辛苦, 唔俾佢留班照升根本追唔上=理解唔到=無讀過.  而家趁佢細留級好過等佢大左懂事先留級, 仲傷佢自尊心.

而家打好個低, 俾多D時間佢, 俾多D時間自己

keen

如果cac和學校都有同樣的意見，當然 repeat 啦。其實 repeat 好正常，特別小朋友咁細，repeat 是想幫佢地打好個底。你而家唔 repeat, 過多幾年你會好後悔的。

lolotwo2003

我个女現在3歲半，言語能力只有歲半，智商比同齡慢1年，現在開始做舌針，政府圖書館有呢本舌針書借，書名叫舌針解百病，作者孫介光，孫雪然，舌針在此不便多談，恐怕其他人以為我賣廣告，總之老師認為小孩需要留班就留班吧，打好个底，總比日後上小學時才知不足

pandafood

我暫時都會㨂K1, 本來都打定輸數原校重讀N班（出面應該揾唔到位重讀）係有兩次面試時老師比信心我。話小朋友應該可以讀K1. 而且我們比緊佢嘅訓練一直持續的話，應該會改善到。我嗰排臨急揾學校揾到失魂，聽到佢地講有些想喊。

shanna1114

如果小朋友N1留班，學卷方面要如何處理？

winwinwan1121

決定會轉去救世軍讀k1, 因果間學校校長好好，好support有問題学生，但問題係佢i位多人排，可能要k3至有i位，諗住完左k1再睇下點，到時真係有需要至留

lulumelody

其实N可以唔讀，同N和K1其实教D野差不多，如其留N，倒不如試下K1，唔得至留K1好過！