小一生社交欠佳

bee918

老師說隻bee不善社交和自我管理, 同學也有因此而較為針對他.
請問社交班, 或制服團體(如童軍)會比較有幫助改善?

huba

原帖由 bee918 於 14-02-20 發表
老師說隻bee不善社交和自我管理, 同學也有因此而較為針對他.
請問社交班, 或制服團體(如童軍)會比較有幫助 ...

讓孩子參加小童軍吧，同時最好家長也幫手做領袖，易子而教，助己助人。

wan_sosin

原帖由 huba 於 14-02-20 發表
讓孩子參加小童軍吧，同時最好家長也幫手做領袖。

我都讚成童軍，我仔雖然仲係K3，佢K2,K3都有參加女童軍嘅小蜜蜂，團隊生活幫到小朋友很多!

Jane1983

了解小朋友做了什麼，令其他同學針對他，幫他改善。

另外，都贊成參加小童軍等制服團隊。一來，他和多d機會好同學相處，玩多d、熟d，關係自然好d；二來童軍教愛己愛人、日行一善，團隊氣氛令小朋友容易friend起來。

MrBeast

坊間有社交班，最好找非牟利or if u dont mind, for special need (因為導師專業一些）那些。

其實這些社交班只可improve techniques, 性格ge 野，好難一時三刻改變到，如小孩有些強項，我會從這方面發展，其他人知你叻自然理你dui.

huba

原帖由 MrBeast 於 14-02-20 發表
坊間有社交班，最好找非牟利or if u dont mind, for special need (因為導師專業一些）那些。

其實這些社 ...

有些叻仔只是叻埋一邊，唔想同一些轉數唔夠佢快的小朋友一齊，普通一點的小朋友想同佢做朋友也不成。

bee918

多謝大家的建議

erniewellie

協康會有開辦兒童社交班，SEN 同普通小朋友都有，口碑幾好，可惜要平日上堂

happy_lavender

改性格這題目，我有親身經驗。

12歲時驚覺自己粗心大意，便立心改變，結果19時開始有人讚我細心。另外，我26歲結婚時仍保留優柔寡斷的性格，被老婆鞭策多年及經工作上的鍛煉，今天已頗為決斷。

我們的制服團隊也收過不善社交的隊員，他最初被其他隊員杯葛，導師們經幾年的努力，接納他、教他如何待人、教他檢討自己的行為及明白別人的感受、給他時間改變及在適當時間為他出頭，阻止其他隊員的惡意杯葛行為。今天的他總算較為其他隊員所接受，亦變得極之積極！要修正偏差行為，確實費時，但只要有心及不放棄，一定可以見到果效，努力吧！

bee918

也不是要改變小朋友的性格, 只想他的社交技巧可以改善, 能與別人好好合作.

因為小一生功課開始忙了, 時間少了, 小童軍是一個較持久的活動可以玩多年, 我會給隻bee參加童軍.

bee918

happy_lavender 發表於 14-2-21 11:21
改性格這題目，我有親身經驗。

12歲時驚覺自己粗心大意，便立心改變，結果19時開始有人讚我細心。另外，我 ...

請問是什麼類型的制服團體呢?

Charlotte_mom

我仔係ADHD+非典型自閉, 做事衝動又唔識睇人面色, 社交麻鬼煩煩

制服團隊有D幫助, 但有限, 以我仔果隊, 返齊人成70人, 領袖邊睇到你咁多, 當然知道邊D人弱D都係會留意多D (我仔易有脾氣同易喊), 但唔好期望真係幫到咩, 最多都係傾下, 之後講返情況俾你聽(領導都無受過訓練點去TRAIN呢D社交野架)

如果要唔太貴, 小童群益會, 明愛, 保良局, 聖基道等機構都有社交/EQ/溝通課程, 可以去睇睇, 我仔上過D自理小組, 而家O係聖基道健苗軒上緊情緒管理班, 由以前小小事就大反應, 到而家識/習慣左要快快收拾心情, 點去理性/正面睇一D唔如意既事, 雖然離畢業仲有一段距離, 但都進步唔少

你可以去睇睇, 唔岩區的話打個電話去問下
http://hke.bgca.org.hk/0785/file ... .pdf?l=C&id=731

http://www.poleungkuk.org.hk/200 ... ervices-centre.html

http://www.kidsmind.org.hk/site/kids/home/activity.html?cid=16

貴少少, 余德淳我聽過效果都好好, 不過九龍我未上過
http://www.cytchk.com/gp_age.htm

happy_lavender

基督少年軍

happy_lavender

制服團隊有導師訓練架喎，我已上了近20個課程，其中包括兒童及青少年心理，自己亦另外上了6、7個家長教養子女的課程。

據AYP及我們團隊的指引，通常1名導師睇7~10名隊員，除非人力資源很不足，否則應該能顧及各隊員的需要。

我們分隊的導師每人跟進4~5人，自理能力低、過度活躍、讀寫障礙、自閉、聰明、hea、社交障礙，全部有遇過。我認為主睇D導師有幾落力，盡心的話，隨時跟得比老師更貼，因為我地限制不多，做得導師就大多是有心人，好少hea。

Charlotte_mom

唔好誤會唔係話導師hea, 唔係有心點會花呢d時間呢? 不過童軍本身有進度要跟, 又一大班小朋友要照顧, 導師可能分身不遐呀

對於唔清楚就話無training, 我致歉先

wan_sosin

好欣賞你好有心!導師有心，小朋友就已經有得著!

little_yolky

happy_lavender 發表於 14-2-23 09:35
制服團隊有導師訓練架喎，我已上了近20個課程，其中包括兒童及青少年心理，自己亦另外上了6、7個家長教養子 ...

請問 "基督少年軍" 跟童軍除了宗教差異以外, 還有什麼分別? 我囡囡學校有童軍, 又有基督少年軍。請賜教。

happy_lavender

點評little_yolky  點解 "聰明" 都係有問題?   發表於 半小時前

以我個人經驗，有D聰明仔女好寸咀，善意惡意挑戰，全部有齊！自己教學時，轉數慢D都死！我相信有老師會當此為麻煩製造者。

happy_lavender

回覆 little_yolky 的帖子

我沒有服務過童軍，只能就我所知的輕輕說一下，這只能作參考，因我實在沒有資格評論任何一個制服團隊。

基督少年軍(簡稱"少年軍")是全球第一個青少年制服團隊，我們的創辦人與童軍的創辦人是認識的，我們的創辦人亦有就創辦童軍提供過意見。

兩者主要分別是宗教，雙方的獎章制度也頗接近。童軍的獎章訓練較多元化，即有多些獎章可供報考；而對步操訓練的要求，相對不及其他制服團隊嚴厲(最低限度不及民安隊少年團及紅十字會少年團，我中學時參加過紅十字會少年團，當時的主要訓練九成是步操，一切課程要在集隊以外的時間到紅十字會總部上的。)步操形式方面，童軍的是陸軍操(除了海童軍)，少年軍的是海軍操；兩者分別唔算大。少年軍由於有宗教背景，在生命栽培方面自然比重較高；也由於基督教是宣揚愛的，所以相對較包容。

希望能令你對兩個團隊有初部瞭解。

bakusensei

原帖由 bee918 於 14-02-20 發表
老師說隻bee不善社交和自我管理, 同學也有因此而較為針對他.
請問社交班, 或制服團體(如童軍)會比較有幫助 ...

除了尋求專業人士協助改善社交技巧及情緒管理的問題外,家長還可以考慮增加孩子與同學一起玩的機會,令他們熟絡起來.