聽指令 (18month)

ml920

點樣可以教小朋友聽指令啊？佢通常聽到一半就走咗去做自己嘢

Jane1983

慢慢來，18mth吾夠耐心和專注係好正常

langnui1225

咁細冇乜專注力, 況且佢地仍處於探索期, 不用急的.

ml920

Playgroup 老師叫我們訓練佢專注力。都唔知點train....

Ting0408

回覆 ml920 的帖子

請問你要小朋友聽甚麼樣的指令？
十八個月大的小朋友通常只能明白並跟從一個步驟的指令（one-step direction），例如：把皮球拾起來。

如果你所給的指令是多於一個步驟，例如：先把皮球拾起來，然後放入箱子內，小朋友在大多數情況下都只會停留在指令的第一歩（拾起皮球），直等到你再提示他放入箱子，他才會把皮球放入箱子。

這個年紀的小朋友是處於探索階段，喜歡到處走動，接觸新事物，所以如果他「坐唔定」是正常的。

對於喜歡的東西或活動，小朋友的專注力大約可維持於5-10分鐘。

至於playgroup老師說要訓練專注力，請問他有解釋原因嗎？

Potato001

可以講啲短啲嘅指令，同埋因應小朋友玩緊埋已提出指令，小朋友唔理你時就自問自答，或者形容番小朋友現在在做什麼，等小朋友知道動作的名稱。

可以根據小朋友的興趣提出指令，例如我個女14-15個月時好鍾意入洗手間睇/掂個垃圾桶，我就教佢掉垃圾，搣啲紙碎同佢一齊掉，之後佢就學識咗 “掉垃圾”。

開頭的指令通常是做動作，如揮手，bye bye, 飛吻之類只用手的動作，還有俾/攞野，開頭是近距離，伸手就俾/攞到，之後可以加埋地方，如“拎奶樽去廚房”， “放玩具在櫃上”，慢慢加長指令。

另外，小朋友冇反應唔代表佢冇聽，阿女20個月大時我做過一個實驗，佢當時拎住個玩具奶樽，我就話 “不如沖奶俾bb飲吖”，阿女冇望/答我，但扭開咗個奶樽，跟住我話 “點樣沖奶呀？要加水喎”，佢就去玩具廚房拎水壺，我又話 “要落奶粉”，佢就搵咗個罐扮奶粉，畢出來沖奶。佢全程冇望我又冇答我，但跟住我講嘅野來做，所以，冇反應唔代表唔明白或者聽唔到，可能只係小朋友忙緊其他野，唔得閒答你，但其實佢知你講咩。

ml920

謝謝你。