急問，小三操行D，將來升中有影響嗎？

wyzhao

vincat

升中最多睇小四開始既成績，神級就唔知

CALVEN

小三影響不大,但問題未解決,小5至小6就有影響

但按你所寫行為,不至於D操行?

你所寫既,大部分小朋友都會咁做,頻密度不同而已.

bb_2001

我小朋友試過小五上學期操行去到C+, 但下學期和小六上學期有進步，仍可入b1中學，只要有改善，問題不大。返而要找出原因，但怎樣說突然去到D，一定有原因。

找老師商量，留意有否專注力不足症狀，未必同時有過度活躍症，因專注力下足的小朋友多坐唔定，容量分心，但成績可以好好。
先別理升中問題，先找出問題和解決方法。

wyzhao

回覆 bb_2001 的帖子

過年前, 已經開過家長會。老師說在校行為會影響操行,當時心裡有準備, 預左c級。但是昨日小息被老師罰, 話佢用可以發光的筆照小朋友,然後就說這次操行是D。並要寫檢討書。
之前的行為:

          1. 上課時, 沒有拿出課本,叫左2次.

           2.買年花, 我忘了給仔零用錢, 同學送他10元, 然後阿仔在校買左玩具, 老師說要退回給同學,怕對方家長有誤會。(這點我同意,要教仔對錢的使用態度).

          3.小測時, 仔忘了是在測驗時間, 舉手問老師中文句子的標點,點樣做?(老師哭笑不得)


          4,坐姿唔啱,被罰,並要寫檢討書。


          5.平時上課, 老師話好唔專心。
我每晚都有同仔談下學校發生的事情, 做過點什麼, 基本都知道, 也都及時作出教育。我在仔面前一直讚老師是好老師, 從無說過半句負面的話.

就以上這幾點, 會令到操行到D? 想問下姊妹的意見


煩惱+傷心媽媽

HaYi

我覺得應該不是只是以上行為, 我好覺得小學 C/D哩D操行的學生應該會有SEN 影響.

我阿仔小1時,  咩大事都冇發生, P1上學期的操行可以去到B-, 因為是marginal ADHD, 太多小事引致, 而且可能老師不知他ADHD, 同較嚴. 今年P2, , 可以正常返在B+, 老師說有進步,  現更開始服藥, 控制多左, 希望下學期都可以是B+以上. 所以如果已是C, 或在D, 其實睇下有冇其它問題好些.

CALVEN

上課講野,我仔間中有,佢話講1,2句老師唔會話

坐姿我仔小一時有次比我見到都眼火爆,佢話老師基本上唔會話,

我上星期家長日有同班主任探討過,佢話要小朋友端正坐全日有難道,除非好過分,就會提醒小朋友

我仔由小一開始,操行B+,及A

今次A-

ppsfung

wyzhao 發表於 14-2-18 09:58
回覆 bb_2001 的帖子

過年前, 已經開過家長會。老師說在校行為會影響操行,當時心裡有準備, 預左c級。但是 ...

細路仔佻皮很正常, 特別是男仔, 睇落去你仔仔應該幾聰明, 上課唔專心都有好成績... 你要比D耐性慢慢引導佢, 靠駡, 日哦夜哦一定改變唔到, 仲會令佢更加反叛.....
我認為只要頑皮不要緊, 但不能傷害或影響其他人, 以上行為來講, 我認為用光筆照人 和 #2 最不能接受.

至於什麼行為才令操行變D級無謂評理, 標準在學校嗰度, 比小朋友係度讀就要接受呢個標準, 況且趁少受教瞓令佢了解頑劣的後果, 對佢來講都係好事, 現在仲有幾年才升中, 仍有幾年時間可改進, 所以不用太擔心.

如果你仔仔成績很好, 亦不需太擔心影響升中, 因升中可跟成績派位, KEEP到BAND 1 成績便很大機會讀到好中學.

我女現在P.4, 成績雖好, 但都有被學校記缺點, 成績表上亦睇到, 我本來都很擔心影響升中, 但後來想通了, 既成事實, 擔心都無用, 唯有努力將來.

bb_2001

如果我是你, 我會要求學校的註校社工安排做評估, 看看小朋友是否専注力失調, 因為我大仔是過來人.  他的操行分永遠上不到A- , 有B+ 已經好節目制.

他是那種座不定, 不専心, 可同時做功課, 看書, 一會兒又攤咗响處發白日夢, 中文字很醜, 行路橫衝直撞. 我是直到他上中二才發覺佢的問題不是他的錯 (因為同事讀小五的小朋友也是這樣, 但她小朋友較嚴重, 要吃藥), 在唔明白他的問題時, 關係曾經很差, 以為是他教極都唔聽.

小學有些老師很會處理這類型的小朋友, 對他們多了很多體諒與理解, 但當遇到那些很執著的老師時, 小朋友會很唔開心. 自信心也會打折扣.

所以, 不論是否専注力不足症, 先多留意小朋友的行為, 再找社工做評估, 坊間也有些外國網站, 答問題後可作出初步評估.

vincher

小四成績表才看，放心！
不过要对症下药，快跟老師商討对策

5tgb

學校比得D，其實等於叫你自已退學。唔好話D啦，C都好難有好學校收。阿仔學校，極頑皮的，都是比C。比得D，無理由不同家長講，你盡快攪清楚學校想點，4年級再比D，轉校就遲啦！

bb_2001

5tgb 發表於 14-2-18 21:42
學校比得D，其實等於叫你自已退學。唔好話D啦，C都好難有好學校收。阿仔學校，極頑皮的，都是比C。比得D， ...

同意你部份，找老師弄清楚是一定要的，但操行分給D等同叫離校卻太快jump to conclusion. 另外，很多學校的操行分是由中，英，數三科老師一齊決定，亦分開數個範籌比分，包括儀容，禮貌，盡責，自率，勤學等組成。。去到D應該要見訓導主任了。       另外，如果真的需要轉校，五年級轉也可以，我小朋友小五時有轉校生轉入，雖然入不到精英班，但卻以很好的成績入了band1a 中學。世事並非絕對，樓主先弄清楚再決定下一步如何走。在沒清楚問題原因時，別加太大壓力給小朋友。