聖心好定大坑真光好？

Dada1115

原帖由 oooasis 於 14-02-11 發表
只是個案，讀得開心的人一定占絕大多數。
講學校缺點會比人話唱衰學校，我唔想比人話我“別有用心” ...

可否pm我？因為我都心大心细！

Dada1115

原帖由 lawa 於 14-02-11 發表
我女讀聖心 K1, 我非常喜歡這學校, 上年我女同樣有這兩間 offer, 但我最終選聖心因德育, 品德修養好,
課程 ...

請問每日有幾多功課？是否真的有類似閱讀報告/感想？老師們有耐性？樂於和家長溝通？thx!

manbe

每日固定有線條練習，由橫直線開始。每週閱讀報告（中英交替）報告上畫出喜愛書中人物或事情，由家長寫簡單感想。

老師們非常有耐性同經驗，同佢地日常接觸好頻繁，有D仲會join 埋家長what's app group

Dada1115

原帖由 manbe 於 14-02-11 發表
每日固定有線條練習，由橫直線開始。每週閱讀報告（中英交替）報告上畫出喜愛書中人物或事情，由家長寫簡單 ...

Thx a lot! 我好想比阿女入讀，但又怕佢應付唔到。

manbe

回覆 Dada1115 的帖子

小朋友適應力強，老師揀得您囡囡證明您囡囡有一定能力，加油！

Dada1115

原帖由 manbe 於 14-02-12 發表
回覆 Dada1115 的帖子

小朋友適應力強，老師揀得您囡囡證明您囡囡有一定能力，加油！ ...

Thx thx

Kobaby

Dada1115 發表於 14-2-11 18:23
請問普遍入到津小要拿幾多分？
我可以apply 私小，又同時抽津小？

自行計分制入津小每年情況不同, 以今年為例, 25分穩入, 20分申請人要抽籤。
政策有隨時改O既可能性, 直至今年為止, 幼稚園生可APPLY私小, 自行可申論津小, 失敗的話亦可繼續玩統一派位。

少少意見, 揀讀邊間, 除咗考慮升小升中優勢(絕對同意呢點係要考慮), 仲要研究埋學校O既vision and mission適唔適合。
唔係真光用家, 唔識俾意見。
至於聖心, 的確O係靈育同德育做得很好, 宗教氣氛都濃厚, 係一個關愛校園。課程唔深(有人會認為太淺, 但呢點對我黎講唔重要), 小朋友循序漸進學習, 功課唔多, 閱讀紀錄都係簡單目的係鼓勵閱讀。
自己囡囡讀咗3年, 仍係好鍾意學校, 鍾意老師, 覺得自己將來係繼續讀聖心。(我都希望佢得)

我相信每間學校都有人認為好或者唔好, 有小朋友鍾意或唔鍾意, 可以自己參考吓各方意見, 再睇吓適唔適合小朋友,或者問問小朋友意見, 當年我囡囡自己話鍾意間學校(佢當時咁細, 唔係好具體答到點解鍾意, 但我同先生都感受到佢O既感覺)。

Dada1115

回覆 Kobaby 的帖子

Thanks a lot!!

ValerieBaBa

我有個朋友個女讀聖心，話聖心谷得好勁，啲同學 K2 已經補習，攪到我朋友壓力好大（其中一個例子係老師投訴佢個女讀1至100唔夠快，當時個女 K2）。

朋友日日迫個女讀書肯定就會有磨擦，甘樣值唔值破壞母女關係呢， 最後升小學就離開左聖心了。

另外一個朋友個女讀真光就直升，佢就冇訴苦水。

doggy2013

jenjenny 發表於 14-2-11 22:17
兩間差唔多level,名氣聖心大些；但中學成積這兩年又好似真光稍勝一㸃；真光backup100%,聖心上面講解已十分 ...

以2013年DSE計，兩間中學成綪差不多，聖心33222比率為89.0%，真光為88.6%

lawa

ValerieBaBa 發表於 14-2-12 23:10
我有個朋友個女讀聖心，話聖心谷得好勁，啲同學 K2 已經補習，攪到我朋友壓力好大（其中一個例子係老師投訴 ...

其實真要視乎小朋友的資質同學習進度, 我女讀 K1, 功課量好合理, 讀得很開心.    而有時同校車其他家長傾談,
她們女兒正讀 K2 & K3, 都說課程充實但讀得輕鬆.     她地只考慮上聖心私小 or 津小.

相反, 我朋友女兒在真光完成3年幼稚園, 佢話小朋友真的很開心因完全無功課而且以中文為主, 開心到連 在 Nursery 學的26個英文字都忘記得一乾二淨所以放學要上英文惡補，最終佢比小朋友考聖心私小而家讀一年級。

keio

原帖由 ValerieBaBa 於 14-02-12 發表
我有個朋友個女讀聖心，話聖心谷得好勁，啲同學 K2 已經補習，攪到我朋友壓力好大（其中一個例子係老師投訴 ...

FYI , 我女今年聖心k2, 而家學緊英文字細楷點寫，中文呢期學＂巴、車、明...etc" 再加其配詞例如：巴士、尾巴、校巴。數學寫緊15~20。另外開始教加數concept: 4+0 =4, 3+1=4, 2+2=4, 1+3= 4, 0+4 =4。一日兩本功課，一星期一份簡單嘅book report , 深不深,谷不谷見人見智。我女都有上下英文班，學下普通話。我叫呢d興趣班而非補習因針對的不是學校功課或課程。

oooasis

ValerieBaBa 發表於 14-2-12 23:10
我有個朋友個女讀聖心，話聖心谷得好勁，啲同學 K2 已經補習，攪到我朋友壓力好大（其中一個例子係老師投訴 ...

我聽到的聖心負面評價都係一樣，不過係多年前：老師向家長投訴，直頭同話你個女唔得，跟唔上，個爸爸好唔開心。但其實個女仔係好聰明的。前一排有個聖心post都係一個媽媽話讀完k2上學期退學，因老師投訴佢女女，話班上得佢一個唔明，好似係講緊組合數。不過佢都話大部分小朋友係讀的開心的。有興趣可以搜索下。

聖心並非唔好，只是每間學校都有唔同教學方法，適合可以讀的好開心，在入讀前了解清楚適唔適合自己囡囡好重要。
真光聽過好多次就係淺

oooasis

Dada1115 發表於 14-2-11 23:53
Thx a lot! 我好想比阿女入讀，但又怕佢應付唔到。

如果是心儀聖心的，點解要怕應付唔到而唔讀？kv，學之園果d更深，也有很多小朋友讀的好開心，要相信自己的女兒的能力。
除非有更好offer，如果唔係好少人會放棄。

jenjenny

我自己唔會點睇33222，看入三大率看更準，只可惜聖心沒有公佈。如看入大學率(非大專)，2013年真光69%，聖心62.2%；本地加海外大學率真光86.5%, 聖心75.5%。兩間都係好學校，好適合女仔讀。揀得龍校，我自己會第一先睇保證升小%，第二中學成績，第三小學升中派位，第四才是幼稚園深淺。我自己好重視幼教，女兒現亦讀程度出名深的pn，但其實大部分pn教的入學前已懂，她現在懂5以內的加減，數1-100, 看部分簡單英文句子，全部我自己教，只要父母肯花時間，讀真幼聖幼分別不大，亦未至於會連abc都忘記。

maomaofifi

原帖由 jenjenny 於 14-02-13 發表
我自己唔會點睇33222，看入三大率看更準，只可惜聖心沒有公佈。如看入大學率(非大專)，2013年真光69%，聖心 ...

路過，不能不請教一下。
小朋友讀緊PN, 已經識加數？
真心覺得叻！請問點教？佢理解到嗎？

jenjenny

原帖由 oooasis 於 14-02-13 發表
如果是心儀聖心的，點解要怕應付唔到而唔讀？kv，學之園果d更深，也有很多小朋友讀的好開心，要相信自己的 ...

贊成，聖心雖在龍校中算較深，但不少非龍校更深，所以如果父母有跟，應該不怕追不上。

vandr

關於聖幼升聖小的機會率, 大家可參考Ian Tsang 的舊post.
http://www.edu-kingdom.com/forum ... &extra=page%3D5

Kobaby

ValerieBaBa 發表於 14-2-12 23:10
我有個朋友個女讀聖心，話聖心谷得好勁，啲同學 K2 已經補習，攪到我朋友壓力好大（其中一個例子係老師投訴 ...

我囡好ENJOY返學, 冇咩壓力, 加上我本身唔主張谷, 亦唔會安排佢補習。
自己未試過,亦未聽過同學仔(以玩開O既一班來說, 當然 我一定唔係知晒全校每一個CASE)曾經因學術問題被老師投訴, 學校唔係催谷學術O既類型。反而, 行為欠佳O既老師係會立即同家長跟進改善(呢類就聽過唔少)。

聖心,認為淺O既人就唔少, 反而認為谷O既係絕少聽到。

如樓上所講, 功課都能輕鬆應付, O的閱讀報告都係簡單的。

sofayefung

其實點為知淺呢?我認為真幼只係教番小朋友响3-5歲應該要識的野,並不是淺,我阿囡讀緊,每日愉快上學,開心放學,可能我比較buy愉快學習,我覺得佢學到佢應該要學的野,已經足夠.

今年要報小一,我一間私小直資都無報,只在真小留位,見身邊朋友個個成日又要面試,然後又要等收信,但我就可以輕輕鬆鬆同阿女星期六日四圍去玩,不過我仍然有參加自行同統一派位,自行衰左,而家等統一派位,填表時我只係填左甲一,二同乙一,不用傷腦筋,抽唔到就再叩門,都唔得就疊埋心水讀真小,我個人覺得真小唯一的唔好處,就係要交學費.

不過以上只是我個人的小小感受,未必每一個人都適合.