名校神校以外

ANChan59

eko 發表於 14-5-11 17:30
回覆 love_dreaming 的帖子

請見諒本人可能表達能力吳好令人誤會左踩名校。只想補充名校當然系好野, 但無 ...

今次fair comment，對名校不用捧上天，又不用踩到盡，平常心就好！

小曳人

回覆 Argentum 的帖子

thx for sharing睇完，好感慨，呢個世界就係會有人睇唔起讀飛仔學校嘅高中生！

我當年都係去新區新校做第一屆嘅預科生，我係呢間新校入HKU嘅第一人，當年我讀中學嗰間學校係歷史性最好會考成績，要25分先有資格直升預科，我嗰屆升中四，直升唔到嘅可以入到GH！
仲記得有新區舊校睇住我嘅成績單，就話自己學校有幾多學生入到U，我d成績唔會收！然後就打發我走！仲記得入U開學第一日响canteen，巧遇以前中學d同學約埋一齊食lunch，某人驚訝地問我：你做乜响度嘅？
我答：同你一樣
然後轉身就走....講多無謂！

今日升中版話我間中學母校由以往5 banding嘅band 1，跳落band 2 頭嘅英文中學，而預科嗰間飛仔學校有得開英文班...
每次响火車電視機見到嗰位睇唔起我嘅舊同學，到我拖住d仔好幸福咁返屋企同呢位舊同學响電梯相遇... 我都會記得有日曾經有人睇唔起我 .(其實我真係唔係好明，點解眾多舊同學當中，我同呢個人偶遇嘅次數最多，仲要做埋鄰居！)

所以，如果大家見我好似好積極咁研究名校，其實我只係盡力俾機會個仔，佢入唔入到名校，在我真係無所謂(入到固然開心，因為有人賞識佢)，反而，我會好好教佢，响邊度讀書唔重要，最緊要嘅係做好自己本份，唔好睇小其他人！

Argyle

原帖由 小曳人 於 14-05-11 發表
回覆 Argentum 的帖子

thx for sharing睇完，好感慨，呢個世界就係會有人睇唔起讀飛仔學校嘅高中生！

的確，每個人对自己間學校嘅情感都唔同。我會叫自己間學校做街坊小學，雖然有好多頑皮或甚至邊緣同學，卻一定不會自稱飛仔學校，否則是对盡力教過自己的老師和相處多年同學的不尊重。

Argentum

Argyle 發表於 14-5-12 00:43
的確，每個人对自己間學校嘅情感都唔同。我會叫自己間學校做街坊小學，雖然有好多頑皮或甚至邊緣同學，卻一 ...

多年前, 半山那打素醫 院 (現己改建成住宅) 的內科主任 Dr Turk, 很喜歡引用一句英國諺語 : Every archbishop was once a theological student and every admiral a midshipman. 我們中文有句更簡單 : 英雄莫問出處.

一間新區學校創立之初, 蓽路藍縷, 收生良莠不齊不足為奇. 其時可能有－部份街坊、甚至自己老師、學生、家長、分區警 署CID 都可能稱之為「飛仔學校」. 或許只是自謔自嘲 , 更可能是如實報該校的一般風氣, 但相信無人會否定, 百步之內, 豈無芳草, 不會一竹篙打盡－船人, 將整校師生都打成劣品

我覺得自己 稱母校初期為「飛仔學校」, 屬於 fair comment, 並引以為傲. 一間「飛仔學校」, 能在短短幾十年間, 成為本地頂級地區名校 ( 看見 EK 關於母校收生條件的討論, 高得十分嚇人), 不是正正彰顯了多年來師長和同學的努力嗎 ?

我猜測網友「小曳人」稱母校為「飛仔學校」, 原因也是差不多, 就如同她叫自己寶貝家人們做「大小曳人」是自謙 +暱稱一樣吧 !

小曳人

Argyle 發表於 14-5-12 00:43
的確，每個人对自己間學校嘅情感都唔同。我會叫自己間學校做街坊小學，雖然有好多頑皮或甚至邊緣同學，卻一 ...

哈哈，當年啫，嗰時真係好恐怖，試過一個星期兩單血案，訓導講笑話新警署响對面開咗真好，唔駛出市區警署傾計！

Argyle

原帖由 小曳人 於 14-05-12 發表
本帖最後由 小曳人 於 14-5-12 11:35 編輯

當然明白你哋講咩啦，只不過想帶出一個信息，不要標籤化，因為唔係個個小朋友好似你哋細個咁識諗，做家長更加要頭腦清晰，唔好諗住成日同阿仔講: "你間學校幾雞幾差唔緊要咖，最重要自己努力爭氣，好似阿邊個邊個咁……" 佢分分鐘淨係聽到你頭嗰句……

MrBeast

父母對栽培小孩學習的取態與父母本身的成長和際遇有莫大關係。

Argentum

ACE2126 發表於 14-5-12 13:14
不如分享下你認為點解呢間「飛仔學校」 能在短短幾十年間, 成為本地頂級地區名校?
既然莫問出處, 慧眼識英 ...

只要心中有團火, 到處都會找到「英雄」. 這個其實就是我出文的原因.

可惜很多父母, 隨波逐流, 只顧「贏在起跑線」, 忘記了人生是個長跑, 根本不需要甚麽「贏在起跑線」. 最好保持精力, 到最後幾分鐘才突圍便夠了.

逼小朋友去學十幾種興趣班、每科一個補習老師、大量的物質享受, 只會撲滅他心中的一團火. 遇到逆境不想求生.

早幾天吃午飯, 見到鄰桌的一位媽媽, 吃飯不忘教英文, : What is this ? This is carrot ! This is  noodle ! This is butter  ,,,,, 飲 D orange juice 啦甚麽的. 她的幾歲大兒子望著他的午餐, 一面茫然., 而他的爸爸, 面黑黑望著他, 罵他為甚麽昨天才教完, 今天又忘記了 ?

其實媽媽只要不經意的問他 : 呀 , 阿仔呀, 遲 D 你大個 D, 我同 Daddy 帶你去外國旅行好唔好  /  去外國讀書好唔好 ? 阿仔梗話好. 跟住媽媽諗一輪之後話 : 不過 , , 外國 D 餐牌全部用英文個喎 . . . . 都唔知點算好  . . . . ?

咁可能個仔己經即刻話想學英文點菜都未定, 咁爸爸媽媽就已經得其所哉. 冇的話, 或者媽媽自己提議, 不如我地得閒學下吖 ?

bubuG

原帖由 Argentum 於 14-05-13 發表
只要心中有團火, 到處都會找到「英雄」. 這個其實就是我出文的原因.

可惜很多父母, 隨波逐流, 只顧「贏在 ...

題外話：我真是好怕家長用唔純正英文與孩子溝通。毛管豎起。

bubuG

原帖由 Argentum 於 14-05-13 發表
只要心中有團火, 到處都會找到「英雄」. 這個其實就是我出文的原因.

可惜很多父母, 隨波逐流, 只顧「贏在 ...

題外話：我真是好怕家長用唔純正英文與孩子溝通。毛管豎起。

喜樂果子

bubuG 發表於 14-5-13 16:33
題外話：我真是好怕家長用唔純正英文與孩子溝通。毛管豎起。

無錯, 我有時見到成家都係地道既HK人, 講一半純正廣東話, 一半純正地道HK英文同小朋友溝通,
有時仲錯埋文法, 有時勇於嘗試係啱, 但O係小朋友初學既時候, 應該是教一些比較正統D好D, 我好推介用兒歌學英文

Argyle

原帖由 bubuG 於 14-05-13 發表
題外話：我真是好怕家長用唔純正英文與孩子溝通。毛管豎起。

我以前都係咁諗，但係香港人有幾多講純靜英文呢？如果你係大型誇國公司做嘢，你會發現真係英文联合國，印度、法國、瑞士、蘇格蘭……啲"鄉音真係嚇死你，真正講純淨英文嘅人分分鐘係少數。

我唔會驚人哋笑唔同仔女講英文，因為大部份學校唔會提供足夠的語言環境，只有父母在孩子早期能做啲嘢。

AgapePa

Argentum 發表於 14-5-13 15:35
只要心中有團火, 到處都會找到「英雄」. 這個其實就是我出文的原因.

可惜很多父母, 隨波逐流, 只顧「贏在 ...

找到間貎似「飛仔學校」的好學校, 重難過找名校.
你其實好好運能遇到好學校.

我當年間九流學校都有出勁人(會考8A), 但幾十年歴史都係得一個.
要係九流學校讀得好, 一D都唔易.
雖然有好老師, 但當年大部分的老師都很差,
教PE的擁有50"腰, 行歩路都慢過人, 堂堂自由活動.
教數學的, 日日係教員室研究或然率, (即係刨馬誙), 用史前筆記, 連會考syllabus都跟唔足.
教美術的, 未教過畫一筆畫, 堂堂做手工.
教中文的, 毎課只係由頭讀到尾, ( 教讀字? )
教社教的, 最愛寸學生
教化學的, 因為Gas違返消防, 實驗都唔使做
總之罄竹難書

多年後我都見過學校見報, 一次係門前火警, 一次係臥底神探智破校園販毒案..

小曳人

Argentum 發表於 14-5-13 15:35
只要心中有團火, 到處都會找到「英雄」. 這個其實就是我出文的原因.

可惜很多父母, 隨波逐流, 只顧「贏在 ...

引起/保持學習動機，係一門學問，我努力學緊 (亦都係資優家長小組中最常見課題之一)

               但要搵到啱嘅嘢，一擊即中，唔係咁易！

Argentum

Argyle 發表於 14-5-14 12:47
我以前都係咁諗，但係香港人有幾多講純靜英文呢？如果你係大型誇國公司做嘢，你會發現真係英文联合國，印度 ...

我覺得起碼有兩方面看.

1. 始終是學外語, 如果自少可以學到比較純正的口音, 講出來, 比帶有廣東話音調的英文好得多. 起碼被人聽錯誤解的機會少得多,  聽者亦會第一時間想到你曾在外地居住或留學過, 可能另眼相看.  
當然, 每個英語地區都有自己的口音, 我想, 能夠學到像英國 /  美國主流電視台的新聞主播的口音就差不多了.

這個其實不難, 只不過很少父母願意犧牲自己心愛的本地電視節目去這樣做.

我夫婦一向只用中文和子女溝通, 但家中電視一向長著英文台, 讓他們自己吸收, 好過聽我的 Chingish 千萬倍. 到他到外國讀書, 居然有同學不信他是香港來, 而以為他是土生的.

2. 不錯, 不同國家的英文口音大不同. 印度、中東、大馬、蘇格蘭 . . . 真令人「聽出耳油」, 但你有否留意, 無論他們的口音有多畸怪, 只要他們受過相當教育, 他們寫出來的英文, 基本上和同等學歷的英、美人一樣, 十分好. 這個和香港 / 大陸人略有不同.

且不說口音, 我午飯見到的父母 , 犯了一個常見的錯誤, 以為學英文就是學生字, 主要是名詞 nouns ( carrot, noodle, butter ..... etc) , 識得越多越深, 就表示英文越好. 甚至有學校也是如此, 所以幾歲人仔就要識 Dinosaur,  Astronaut, Crocodile . . .

但很多大學生連作一篇通順、言簡意賅, 文法正確的短文也有困難. 會看得出, 他是將中文, 直譯成英文. 結果就是只有香港人才看得明的英文.

我想起 F. 1仔時 一件往事. 有一天, 有個同學拿了篇作文給我看, 現代潮語即是「挑機」. 我看了第一句, 背脊已經出冷汗, 到今天還清楚記得, 第一句是 " My grandmother was an octogenarian . . . " 跟著每句起碼有三個生字, 真是一句－驚心. 好在看到最後, 突然驚覺, 這篇根本不是英文, 是用中英和同義辭字典製造出來的怪獸文.  最後, 我禮貌地對他說 : 嘩 ! 好深啊 !

但他的英文, 始終沒法出頭, 一位英國來香港旅遊, 兼職做代課老師賺路費的牛津畢業生, 語重深長的向他說, Simple English is good English !

此路不通, 最後他到大學讀中文.

Argentum

AgapePa 發表於 14-5-14 14:14
找到間貎似「飛仔學校」的好學校, 重難過找名校.
你其實好好運能遇到好學校.

你間學校很不錯啊 ! 「自由度高」, 我當年會 Like 到爆 !
唯一缺點是冇 Lab, 考 Chem 變了讓賽, 但讀文科、數學冇問題.

話時話, 現在 DSE 仲駛唔駛考 practical ?

Argyle

原帖由 Argentum 於 14-05-14 發表
我覺得起碼有兩方面看.

1. 始終是學外語, 如果自少可以學到比較純正的口音, 講出來, 比帶有廣東話音調的 ...

當然，條條大路通羅馬。能夠只看英語电視，也是學英語好方法。
寫作基礎在於多閱讀，与口音無直接關係。現今(或甚只以前)華人高官英文口語多純香港口音，寫作能力卻不得叫人佩服。
敢問一句，未到外國讀書前，你家孩子讀的是傳統或國際學校？他幾歲到外國留學？

Argentum

Argyle 發表於 14-5-15 00:04
當然，條條大路通羅馬。能夠只看英語电視，也是學英語好方法。
寫作基礎在於多閱讀，与口音無直接關係。現 ...

LS IS 都讀過, 口音卻未轉過.