名校神校以外

wwsugar

小曳人 發表於 14-2-6 17:09
但好多好學校，係收生不足嗰d.....
家長抽到喊3聲，然後設法逃亡

點為之好，人人標準不同，你講的要逃亡的學校，恐怕不是我心儀的級數，我心儀啲中等熱門的，因為暫時未有能力考入直資，又沒錢讀私校。

再分享一下，有能力考入熱門學校的當然開心，但是入不到，都有不少學校，是可以接受的。尤其是近屋企又校風不錯的話，放開少少接受，養精蓄銳，小朋友有才能的話，家長自己多點留意一下，加以鼓勵和校外栽培，其實都可以補足不少。有時(不是人人一樣)，在大國做一個小官，不如小國做一個國王開心。
名校不名校，也都是集體教學，老師也是忙碌的，老師未必會花時間個個都因材施教。如果孩子不入名校，但其才能都可以發揮，得到認同和指引，這樣都是會海闊天空。

hero1234

我是Band5學生，完成 POLYU High Dip.課程。

Potato001

原帖由 wwsugar 於 14-02-06 發表
本帖最後由 wwsugar 於 14-2-8 13:01 編輯

校風的確重要，我讀的只是普通官小和band2 中中，小學和中學，都是著重學生的品德和言行，中學的老師更講過，我們的賣點是“校風純樸”，不是成續好。我校甚少參加校際比賽，老師話是因為學生的資質只是一般，花時間練習參加比賽，不如花時間教學生好過。

band2中學，同學們不會是醫生律師，但從事各行各業都有，護士、教師和工程師為數最多。我小學時年年頭五名，本有機會一試名校，但只選了區內的二線學校，繼續年年頭三名，讀中大，一級榮譽畢業。

現時的同事，大多是名校神校畢業，大家做相同的工作，工作能力相若，最大的差異是英語水平。雖然大家公開試英文成績差不多，但不得不承認，名校生的英語水平，尤其聽和講兩方面，是優勝一點。

其實，出來工作，態度最重要。學歷只是入場券，人生漫漫長路，一日未死，都未能分出勝負。贏在起跑線，未到終點已出局又有何意義?

whitepurin

Agree, 其實點為之贏？做醫生律師？其實我想講，入到地區band 1中學後，我的成績非常好，幾乎是狀元級，但自己性格不是很aggressive 那種，所以雖是大學first honour畢業，但最後又只係大公司小職員，及c9仔一名, 叫比上不足比下有餘, 但成就肯定同成績不相配。之但係我又覺得人生都算係咁啦，起碼自給自足, 養得起兩個女之餘又俾到家用阿媽，事業一般但可以放多d時間在家庭，如果我女將來好似我咁, 我已經好安慰了。

iluvchun

身邊人知道我為小女搵既小學以愉快教學為主, 十個有八個都話: no pain no gain

我活左咁多年, 我好清楚呢個道理.  但我亦知道小朋友既天性和本質係不應被埋沒.

有些小朋友不論天資或性格都適合在神校環境讀書學習, 但有些小朋友卻未必能承受日復日既競爭.

等於一對好靚既高踭鞋, 見到人地行到妸娜多姿就心郁買對著下.  但到自己著上腳就起哂水泡, 行得快仲拗柴

讀名校一定有好多好處, 否則唔會咁多人爭崩頭.  但大前提係要適合小朋友與家長.  盲目地崇拜, 一定唔會係件好事

janette_chan

入到神校好多人以為贏在起跑線,但係永遠無人諗其實一樣會輸在終點,好似我公司請咗幾個DXS嘅畢業生,有兩個做嘢唔掂,完全唔MAKE SENSE,另外有一個仲啱啱俾人炒埋,咁你話入到神校係咪真係已經贏咗?!

elizatyy

名校再要加強勁家底·

Cowbit

原帖由 elizatyy 於 14-02-25 發表
名校再要加強勁家底·

最緊要係強網絡! 呢個亦都係有部份人恨入名校原因!

MASAYA

janette_chan 發表於 14-2-25 17:49
入到神校好多人以為贏在起跑線,但係永遠無人諗其實一樣會輸在終點,好似我公司請咗幾個DXS嘅畢業生,有兩個做 ...

唔識做野都有人請，呢d就係神校既威力 LOL

sbux

原帖由 janette_chan 於 14-02-25 發表
入到神校好多人以為贏在起跑線,但係永遠無人諗其實一樣會輸在終點,好似我公司請咗幾個DXS嘅畢業生,有兩個做 ...

我識嗰個女神生做梗傳銷

sbux

原帖由 whitepurin 於 14-02-17 發表
Agree, 其實點為之贏？做醫生律師？其實我想講，入到地區band 1中學後，我的成績非常好，幾乎是狀元級，但 ...

家庭嘅reward係自己嘅，所以你嘅成就絕對可以大過打工仔

Gooblovebb

原帖由 whitepurin 於 14-02-17 發表
Agree, 其實點為之贏？做醫生律師？其實我想講，入到地區band 1中學後，我的成績非常好，幾乎是狀元級，但 ...

同意！點為只快樂，自己最清楚。

AEteam

回覆 wwsugar 的帖子

you are from SKHMST?

sweetheartb

原帖由 Charlotte_mom 於 14-02-06 發表
唔揀母校(教會學校, 非名校), 最大原因: 我自己經驗過果十幾年, 好封建, 高壓式管治, 全部都NO NO NO, 我話 ...

JM, 我非常認同！我一樣從來冇考慮比小朋友讀自己母校，因我一樣經歷過十幾年高壓統治, 對母校唯一感情係認識左一班當年所謂「曳」人，成為好姊妹至今！
自己小朋友已行國際路綫, happy learning now

sakbbjaijai

原帖由 wwsugar 於 14-02-05 發表
本帖最後由 wwsugar 於 14-3-7 22:27 編輯

我當年是在很普通的小學，父母小學程度，忙碌而沒能力栽培我 ...

看來，你是我的師姐，我也是在那"地區名中"讀了7 年，但我很享受這7 年的學校生活 :).

wwsugar

sakbbjaijai 發表於 14-3-20 16:05
看來，你是我的師姐，我也是在那"地區名中"讀了7 年，但我很享受這7 年的學校生活 :).



  ...

你開心就好！我當年也開心，只是才華沒有在學校得到栽培吧了。好像美好的花兒插在花瓶中，很好看很相配，引人注目，但是沒有營養，幾天就花落人「忘」兩不知。可能放在有泥的地上種，有栽培有改良，長得更美更健康長久。名校像是深愔選花插花之人，能展現花已有的最美一面，栽培者卻是追求看到花兒的成長，甚至是品種的改良。兩種追求是不同，有時並存，有時不。父母是栽培者的最佳人選，學校是其次，我想鼓勵一下大家，不要灰心於選校的競爭中。

sophiali_mama

個人意見, 揀學校一定要視乎仔女嘅性格同程度, 唔可以淨係自己鍾意間學校, 一定要同佢去下 open day, 簡介會, 了解清楚, 如果揀錯, 就大家都痛苦, 話哂讀 6年。不喜勿插~~

bernardbaba

社會越來越現實，以前屋村學校，中小學同學無分彼此，仲好有感情。依家好既學生去哂神校，中小學同學係人脈基礎，仔女既朋友係咩人，長大後就會點。呢樣因素，加重我希望仔女入好學校既信念。

masterpiece

sbux 發表於 14-2-25 18:39
我識嗰個女神生做梗傳銷

我識一個做Waitress