BB 聽力測試不合格

Mancy0203

我個bb現在四個月大，在健康院做了兩次 OAE , 兩隻耳都不合格, 排期去下葵涌特殊教育中心再做。
期間, 我到帶她到浸會做了ABR 合, 兩隻兩都合格。 上星期二, 到下葵涌, 又再做OAE, 都係FAIL..... 而家等排期做ASSR, 要食鎮靜藥做......... 要等1-2個月.........

而家, 日日以淚洗面, 好旁惶。 原本做完ABR 合格, 滿懷希望.... 點解又唔合格? ????
我而家應該點做?
平時同阿女傾計, 佢都會有反應, 對某D聲音, 她會宥反應, 會轉頭去搵....
好沮喪............... T_T

好朋友可以分享指都一下嗎?

eggb

Hello Mancy, 我個女都在健康院做OAE測試右耳fail, 之後我去唯聽做ABR,右耳都係fail. 現排期做ASSR. 你做了ABR test合格就唔駛咁擔心呀. ABR test準過OAE test架. Don't worry. 現階段還是努力照顧bb日常飲食事項吧~

babycat9001

我個仔當年係健康院做耳仔,兩次都唔合甲,之後再排期做ASSR,醫生同我講心急想知既就打鎮靜針做,如果唔打就等半年,小朋友大D再測試,我簡左半年後再測,係呢半年間裡,我覺得BB唔似聽唔到野...
半年後去做耳仔測試,見到專家同BB玩,對聲音全部都有返應,冇事了.
醫生同我講:可能第一,二次訓左做測試時BB太眼訓,所以對聲冇返應...樓主唔洗咁膽心,可能同我個仔一樣,只係太好訓呢.

icanhear

如果ABR有反應, OAE不合格，可能是因為:

- 胎脂、羊水仍然殘留在外耳道（很多時會慢慢自然散去）
- 中耳積水（很多時會慢慢自然散去，也可以藥物治療）
- 生理性噪音（如呼吸聲大等）

只要ABR正常，小朋友的聽力大致是正常。不過政府醫院不會因為你私人做左ABR而唔跟進，點都會做多次ABR/ASSR。咁都多次都好，安心D。不過好少情況係私人做ABR合格，政府做會唔合格（除左BB短期內有弱聽、或中耳積水嚴重).

不用太擔心。

諾諾爸爸

安慰的說話我不講了, 相信你已聽了好多.

Mancy0203, ear test不合格可以是好大件事的.
隨了耳之外, BB隻手可否握住你的手 ?  

佢隻眼是否有性的望住你?你有冇懷疑眼亦有問題?
識唔識笑?
會否超級怕沖涼 ?

SawMo

我兒一直2隻耳仔都係高音FAIL....但對聲音有反應, 講野無問題, 上星期再做TEST (依家3歲幾), 終於岩岩合格...所以唔好絕望, 希望在明天, 加油!

s@bk

我仔2個半月大....初生時醫院check 又話一隻耳仔fail, 轉介去醫院check, 剛做完第一次test...應該係叫abr 吧, 要瞓著check 腦電波表皮反應.....
2隻耳都fail ........
完全唔明點解會變2隻都fail ....
除左等同膽心,我都無野可以做....

e+同佢講野又有時好似有反應, 又好似試過我係佢隔離放屁 同係街d 手拉車落樓梯聲, 令 佢瞓瞓下彈起,  .......
噪音令佢醒到,個感覺好開心 ...

carmenkmlo

想問下…高音fail,
屬於弱聽嗎?
咁有無轉介專科或CAC跟進？
不好意思，問題較多…
因為小兒也被評定弱聽

carmenkmlo

樓主…
妳情況跟我一樣…
現在應該會由CAC跟進…
做完駁電腦那個test後,會有報告出。
我是因這份report,才知小兒弱聽…

3-4個月後，CAC會再安排小朋友做行為聽覺測驗，有需要會轉介政府專科!

icanhear

carmenkmlo 發表於 14-3-26 23:04
想問下…高音fail,
屬於弱聽嗎?
咁有無轉介專科或CAC跟進？

要睇程度。正常聽覺是指低音至高音都正常才是正常。如果有高音弱聽，可能會將“車“，“遮“，“姐姐“混亂，及有發音錯誤（聽得唔清，就講得唔清）。

所以要睇高音弱聽是什麼程度。如果是嚴重或深度的高音弱聽，可能要戴助聽器才可以減低弱聽對語言發展的影響。如果是輕度的高音弱聽，要看小朋友清況才能決定怎樣安排。

一般來說，最少都會建議安排聽覺及語言治療及定期跟進。

icanhear

s@bk 發表於 14-3-26 15:23
我仔2個半月大....初生時醫院check 又話一隻耳仔fail, 轉介去醫院check, 剛做完第一次test...應該係叫abr  ...

記住有弱聽不代表完全聽唔到，弱聽分為很多程度。不是全聾才算是弱聽。
一個輕度、中度弱聽的小朋友都會Fail聽覺測試，但他對環境聲音，及人叫佢的聲音都會有反應。記住，這不代表他的聽力是足夠。如果有輕度、中度弱聽的小朋友，若聽力學家診斷需要戴助聽器，就必須配戴才可以減低弱聽對小朋友語言發展的負面影響。同時也要接受聽覺及語言訓練。訓練越細開始越好。3-4個月大都可以開始訓練架啦。
輕度、中度弱聽的小朋友，若沒有合適的跟進，很大機會會有語言遲緩，及發音問題。



希望解答到你

icanhear

s@bk 發表於 14-3-26 15:23
我仔2個半月大....初生時醫院check 又話一隻耳仔fail, 轉介去醫院check, 剛做完第一次test...應該係叫abr  ...

記住有弱聽不代表完全聽唔到，弱聽分為很多程度。不是全聾才算是弱聽。
一個輕度、中度弱聽的小朋友都會Fail聽覺測試，但他對環境聲音，及人叫佢的聲音都會有反應。記住，這不代表他的聽力是足夠。如果有輕度、中度弱聽的小朋友，若聽力學家診斷需要戴助聽器，就必須配戴才可以減低弱聽對小朋友語言發展的負面影響。同時也要接受聽覺及語言訓練。訓練越細開始越好。3-4個月大都可以開始訓練架啦。
輕度、中度弱聽的小朋友，若沒有合適的跟進，很大機會會有語言遲緩，及發音問題。



希望解答到你

chuchu1018

icanhear 發表於 14-3-27 23:14
記住有弱聽不代表完全聽唔到，弱聽分為很多程度。不是全聾才算是弱聽。
一個輕度、中度弱聽的小朋友都會Fa ...

我BB四個月， 測試結果右耳60db. 想問下3-4個月大可以做開始什麼訓練？有任何資訊可給我參考嗎?

mybaby0221

你好，我囡囡14個月大，已配戴助聽器三個月，兩邊耳朵分別60及70分貝，現在識講爸爸媽媽，哥哥這幾個字，正排早期訓練，想問吓這一該可以做什麼訓練呢？

yannietimb

原帖由 mybaby0221 於 14-05-09 發表
你好，我囡囡14個月大，已配戴助聽器三個月，兩邊耳朵分別60及70分貝，現在識講爸爸媽媽，哥哥這幾個字，正 ...

在家多同bb講野，要慢同清晰，重複你想教佢既音，無論做咩都講一餐，佢會慢慢吸收的，亦鼓勵你培養囡囡閲讀的習慣，因為聽障小朋友始終比健聽小朋友聽少一點，閲讀能豐富她的詞匯！聾福會有個叫約翰賽斯課程，你可以報讀，而兩間早期訓練既機構(聾福會&宣美)都有私人位(約$400堂，可在等政府位既同時先訓練，但也要看有無位)，你可以嘗試聯絡他們了解多d! 聽障小朋友愈早訓練，言語發展不會比健聽的差，加油！

PBL

回覆 mybaby0221 的帖子

邊到配？