教養自閉兒的獨特見解

wan_sosin

chloe_pak 發表於 14-2-4 22:12
Wan_sosin,

請問你仔仔是否在青衣讀幼稚園？其實佢地宜家係米同學？

我pm答咗你啦!
你哋d小朋友好可愛!

我個仔都會同我講好愛我!但係其餘大多數時候都唔會講好說話!

由BB開始我已經講笑咁講,佢有天使嘅面孔,但魔鬼嘅行為!

chloe_pak

今日收到CAC電話，約左下星期做小一前評估，請問有無小朋友做左？會問咩？有D擔心佢會話我B女智力低

Capricorn2521

回覆 chloe_pak 的帖子

我地上年做咗。首先家長入去同心理學家傾計，主要問小朋友現況，問家長有咩擔心，而小朋友會在大堂玩玩具。我傾咗一個鐘。之後就小朋友自己跟心理學家入去做測驗，答問題，做咗45分鐘。再一會，一起再入房睇報告，完成。

chloe_pak

Capricorn:

請問問小朋友的問題難嗎？你小朋友有無講問D咩？

Capricorn2521

回覆 chloe_pak 的帖子

我冇問呀！反正結果都出咗，當時心理學家同我講，做到後期亞仔好吾專心。成45分鐘，佢有咁好專注力我就吾洗見你啦！

chloe_pak

請問係米IQ test? 會否知道佢IQ幾多分？

chowqv

原帖由 chloe_pak 於 14-02-04 發表
今日收到CAC電話，約左下星期做小一前評估，請問有無小朋友做左？會問咩？有D擔心佢會話我B女智力低



  ...

9月開學已經做左，因為要報小一。

Capricorn2521

回覆 chloe_pak 的帖子

應該係，佢吾會話比你知分數，只會話比你知孩子智商屬：有限/中下/中等/中上/優異.....等詞語。再問你同吾同意將報告交給獲派小學。

chloe_pak

Thanks a lot! 有D担心做出來的結果！

chowqv

chloe_pak 發表於 14-2-5 16:25
Thanks a lot! 有D担心做出來的結果！

無得擔心。
8月果陣阿仔要做，要見職業治療師，物理治療師，言語治療師，醫生。真係搞足一日。
拎住份報告，會剔可以報咩小學。個心定好多。
派到再交俾學校。

Capricorn2521

回覆 chloe_pak 的帖子

順其自然啦，自己個小朋友有幾多斤兩，父母或多或少心中有數。呢個評估只做一個鐘，就好似考試咁....一試定生死。之前都聽過呢度D媽媽話個結果吾理想，所以我都冇期望。我個仔評估果日臨時有D吾舒服，我索性改期，費事吾舒服仲要比人煩成個鐘。我只當呢個評估係例行工事咁做。申報：我仔評估話佢智能中等。

chloe_pak

中等都好好啦！我希望我女女有中等啦！

wan_sosin

chloe_pak 發表於 14-2-10 16:02
中等都好好啦！我希望我女女有中等啦！

加油呀!其實父母大約都知自己小朋友去到邊!不過人哋話比自己聽又唔同睇法!
有時小朋友係咁嘅評估,唔容易表現如常!

我仔係CAC做一般智能評估時,人哋比幾幅圖叫佢排次序,佢根本睇都廢事睇!其求放,放完要講返出黎,佢就亂作故仔!所以我知佢係正常範圍就算!

希望你囡囡嘅評估一切順利啦!

Capricorn2521

回覆 wan_sosin 的帖子

冇錯啦，我仔小學老師就係話佢識做而吾做或亂做，所以仔嘅分數應該可以再高D。但特教老師就話識做而吾做或亂做，本身已經係行為問題，會影響成績/結果。我當然知道呢D係行為問題，也知道會影響成績/結果。但行為問題同智商係2件事，要分開看待及處理。評估員見一/兩個鐘吾知我仔嘅情況吾出奇，但特教老師對咗我仔成年，冇可能吾知，仲要用反3年前的數據同我講，真係吾知係專業定吾專業。身在商業社會，有時我會想..... 如果不特顯自己的專業，很快這個專業就會被人遺忘，淘汰。有時我也會想.....可能專業都總有一些固執，相信我仔大咗都會係”專業人仕”。

catmervin

回覆 chloe_pak 的帖子

我阿仔做左啦。
因為語言發展仍是比人慢,所以語言組得有限知能;而操作組係中上知能,OVERALL係中等智能
教育心理學家給我的意見是,一定要持續追語言,才可以發揮出他本來的知能。

其實,我覺得阿仔似爸爸,爸爸係O個D,落手落腳做一次,就一理通百理明,手作仔可以做得好好,父系O個邊,個個都係做定私/木工/釘板/建築的,讀書反而俾語文阻住,我老公算係最高學歷啦,有個學位。

唔使擔心個結果,好多時都唔準架。

我做中學教師,有學生自閉症的,6歲時評佢有限智能,12歲已經唔同左,同埋佢只係有社交及行為問題,講野、作文有條理,只係佢唔願講你迫佢唔到囉。也有語障女孩,真係好靜,性格好被動,入學時的報告,評為輕度弱智,當時教佢中史,唔計D有得背的題目,在歷史資料分析題中,佢取得近似滿分,如果佢輕度弱智,有何能做到嗎?現在她已經中六,成績當然不是最好的,但同一般學生無異,只係唔講野。

仲有讀寫困難O個D,只要個學生唔願寫,就中晒架啦。

chloe_pak

多謝你們的分享，明天會去做了，希望佢合作啦

wan_sosin

回覆 Capricorn2521 的帖子

"一般"專業人士係唔會比人挑戰佢哋嘅睇法！咁先代表佢哋識多過我哋!加上佢哋有一套工作指引,只會照做!
我仔當初同時見咗三個醫生,其中一個比較高級的女醫生，我隱約聽到佢話我仔唔知邊樣唔係好得!好在另一個男醫生話，4歲大差唔多啦!如果唔係，可能唔知再寫我仔邊道有問題!或是佢智能唔達標!無可否認，佢當時無心機做個評估!幾歲人仲要唔係一般小朋友，邊有耐性呀!

但見得多我個仔嘅朋友，都覺得佢係醒目仔，學校評語仲清清楚楚寫佢聰明!我都聽過一個本來正常嘅小朋友，評完之後IQ得80.

Capricorn2521

回覆 wan_sosin 的帖子

同意！

希望其他家長睇完我哋嘅意見，吾好將個評估睇得太重。

LeeCC

醫生說阿仔記憶力強，觀察力強，表達能力強，但中左社交同固執兩樣，都系屬于自閉，醫生臨尾說好好發揮他強項，以長補短


大家努力!

chloe_pak

做完啦，結果強差人意，但仍建議讀主流小學，唉！失望！