派咗考試卷, 勁唔開心!

hellohelloruby

我個仔今年小一, 第一次考試全部唔合格, 諗住佢初初唔適應先至會咁, 於是同佢搵補習, 逢星期補3個鐘, 平日又請個miss同佢單對單補, 我放假時又同佢温下習, 到琴日派卷, 又係全部唔合格, 我勁嬲, 心諗佢智商係咪有問題呢? 但我琴晚叫佢做改正時大部份又識喎, 真係好唔明, 如果考試時都係咁做起碼都有六七十分! 佢成績咁差, 我而家有d擔心係學校會趕佢出校或者留班。我勁唔開心, 唔敢同人講, 好醜!

Jane1983

自己教、自己執。教功課、教學習態度、教考試技巧。

細細個，好快追得番，比心機！

annawongwong

努力加油

PandaTam123

唔好唔開心, 你知唔知仔仔錯乜, 如果佢平時都識, 係測考至咁樣, 可能心情緊張, 理解錯份試卷問既野, 寫錯字, 咁樣唔好怪佢, 要慢慢講比佢聽再教佢小心D, 我都明你心情, 亞女小二, 雖然未試過唔合格, 但分數都係6X,7X咁上下, 有時聽人講話小一, 小二取9X,8X好容易, 但見亞女考到咁既分數, 心都有些失落, 係咪囡囡比人差呢, 但再想心一層, 只要佢盡左力, 考前有比心機溫習, 出來成績點都無法改變, 現在仲係初小, 比些信心佢呀, 唔好一兩次就打擊佢, 加油呀,媽媽!

HaYi

小一初通常是考番幼稚園已識的, 是否幼稚園所學太淺不配合?那只有努力些, 相信再考一次會好些.

一係學校份卷好深, 超出應有的程度, 其它同學呢, 如平均分差人好多就要追, 做多些課外, 限時做會有好大幫助.

另是有讀寫障礙/ 過度活躍/ 專注力不足等SEN, 幼稚園時不覺, 小一就開始覺了, 此是最需要留意的.

魚王

原帖由 hellohelloruby 於 14-01-23 發表
我個仔今年小一, 第一次考試全部唔合格, 諗住佢初初唔適應先至會咁, 於是同佢搵補習, 逢星期補3個鐘, 平日 ...

同老師傾下，看看有沒學習問題。學校有無教深一兩年？程度是否比較深？

judy

我個仔今年小一, 第一次考試全部唔合格, 諗住佢初初唔適應先至會咁, 於是同佢搵補習, 逢星期補3個鐘, 平日又請個miss同佢單對單補, 我放假時又同佢温下習, 到琴日派卷, 又係全部唔合格, 我勁嬲, 心諗佢智商係咪有問題呢? 但我琴晚叫佢做改正時大部份又識喎, 真係好唔明, 如果考試時都係咁做起碼都有六七十分! 佢成績咁差, 我而家有d擔心係學校會趕佢出校或者留班。我勁唔開心, 唔敢同人講, 好醜!

有幾醜呢？小一生，盡咗力考得唔好，有幾醜呢？如果智力有問題，通常都係似父母，有咩辦法，佢有得選麽？

hellohelloruby

回覆 Jane1983 的帖子

我要返工, 放咗工返嚟食完飯最快都要8:00pm, 到10:00pm又要訓覺, 冇時間

longlokma

原帖由 hellohelloruby 於 14-01-23 發表
我個仔今年小一, 第一次考試全部唔合格, 諗住佢初初唔適應先至會咁, 於是同佢搵補習, 逢星期補3個鐘, 平日 ...

咁你同佢温書时，有冇发现他不明白呢？

hellohelloruby

回覆 PandaTam123 的帖子

多謝呀, 其實佢d好簡單, 而佢又識的都錯, 咁先比佢激c! 我今次考試我已經提早佢温, 諗住唔會咁差, 點知又令我失望

hellohelloruby

回覆 judy 的帖子

智力問題真係似父母? 因為c6細個讀書都係咁差, 但我唔係lor, 我讀書都中中地ga!

Jane1983

回覆 hellohelloruby 的帖子

一日一個鐘，足夠有餘。熄晒電視，一齊溫習。
最好你回家之前，佢已經做好晒功課，你幫佢對吓，溫吓當日教的嘢。

看Hayi的 回應，如果吾係第三種case，肯比心機實追得番。千祈咪拖，越搞越跟吾上的。

hellohelloruby

回覆 longlokma 的帖子

我同佢温習時一d d ok ga, 不過有d教極都唔識就會放棄咗, 我覺得係佢冇專心冇認真做份卷, 佢琴晚見我面色就做得好好!

kp_sin2001

回覆 hellohelloruby 的帖子

不用覺得醜, 有咩咁大件事啫, P1不合格有咩出奇, 我仔小一至小二上次TEST, 次次都大分平咁, 一起90幾, 一起同一科可以跌到70分, 今次重勁, 每科跌至少15分, 連宗教咁易取分都可以得70分, 而且學校無卷派, 衰咩都唔係咁清楚, 但我發覺每次越温得狠, 衰得更狠, 不知是否玩嘢啦, 我只係簡單同阿仔講有咩問題, 他只答考嗰啲書本都無既, 我諗係衰課外多, 這些無得講. 我唯有同他講下次勤力啲睇圖書啦..

Jane1983

其實真係吾使覺得醜，咁細個小朋友，小一第一個學期，邊話得埋。

寧欺白鬚公，莫欺鼻涕蟲。

longlokma

原帖由 hellohelloruby 於 14-01-23 發表
回覆 longlokma 的帖子

我同佢温習時一d d ok ga, 不過有d教極都唔識就會放棄咗, 我覺得係佢冇專心冇認真 ...

我觉得首要是思想教育，要孩子清楚明白讀書是為他自己，不是為父母。要孩子醒覺，他才会積極学習，用腦去记，否則你全日陪住佢，请十个補習老師都冇用

魚王

佢識唔識自己讀題目？你唔出声佢自己作答自己寫，答得正確嗎？

hellohelloruby

回覆 Jane1983 的帖子

我地平日已經冇開電視好耐, 佢放學去課託, 有時會抄漏手冊, 又唔抄手冊, 攪到返嚟又要補做返功課, 都冇乜時間温習, 另外佢需要幾日時間温習默書!

hellohelloruby

回覆 魚王 的帖子

我睇過份卷唔深, 上次家長日, 個班主任豎起尾指向住我個仔話佢考第尾 (事實係尾二), 所以我都唔多lkie佢, 唔會同佢講!

hellohelloruby

回覆 魚王 的帖子

我都有諗過呢個問題, 琴日就係唔出聲等佢自己改正!