珈琳幼兒園好唔好?

finger

珈琳係私校, 請問好唔好呢?
學費有冇得減免呢?

bobo

請問係問邊區嘉琳呀? 我仔係元朗果邊讀緊 n 班, 睇下有咩可以幫到你

旦旦媽咪

我有女兒讀過珈琳，覺得非常商業化，而家細仔入學，都唔會選佢，我同佢報左生命同三育，我個仔話鍾意三育。
至於元朗的幼稚園，十個人有七個都話肖真最好。
至於我意見係，你想細路仔日後讀名校當然要選名牌幼稚園，如果想細路仔多些空間又開心點的話，則可考慮些功課小又行活動教學的學校。
而我一定會選擇小朋友開開心心，自由發展。

finger

bobo : 請問學費係幾多呀? 有冇得申請減免?
校舍裡面 ok ma?
老師如何?
食物又 ok ma?
是否安寧路果間珈琳呢?

finger

旦旦媽咪 : 請問肖真係元朗邊度? 是否水邊圍果邊?
幾多歲才可報名入讀?
學費又幾多呢?

kitty-tko

我去過富健花園附近的珈琳, 我覺得環境幾好, 好乾淨, 仲有一位外籍老師係sch.

bobo

finger, yes, 我仔係安寧路果間, 我仔讀 n 班半日學費係 $1550, 可以apply減免but我 apply 唔到(因超入息),校舍共三層, 我都好讚成另一位媽咪講嘉琳好 commercial, 不過我都係比仔讀一年遮,因為我都同細仔 in 左信義, 收佢就會轉校架啦, 我覺得佢地辦事唔係好交帶, 就算你果日無返, 佢都唔會打電話問你, 佢地有一將電腦咭係比小朋友借書架, 但我連影都未見過就唔見左啦,佢話比左我仔,我唔知係因為我仔拎左出來玩唔見左定點,我要求補領,佢收我錢,but我話咁重要o既咭佢應該通知我一聲先派,依家唔見左反而要我比錢,我連張咭係點都未見過,咁對我好唔公平,我話如果要收我錢咁我唔要張咭啦,final佢都話幫我做過張,but事隔半年我到依家都未收到,咁你話呢間學校o既辦事係咪有 d 問題呢, 從呢 d 小事睇起來, 我都覺得呢間學校麻麻, 至於 d 老師有 d 都好好心機o既,我打去傾我仔 d 麻煩野, 請老師幫我教導佢, 老師都好肯聽我講同埋都有做過野, 而食物方面, 因我仔讀半日, so 只提供早點, ok 啦, 早點唔係好多野食, 通常都係三文治仔, 麥皮果 d 囉