十三個半月BB唔識用手指遠野 好擔心

Angel1202

我BB十三個半月 識幫我梳頭 識拿自己鞋仔去街街  識聽簡單指令 除着唔識手指指 反playgroup與其他BB冇唔同  咁樣有冇問題呢

積奇百事

我 bb 2 歲前都唔識手指指, 依家 3 歲, 唔覺得有乜大概問題.

Angel1202

但聽講手指指遲有可能係認知慢 會講嘢遲 又有可能係自閉  聽你咁講我放心好多啦  多謝積奇百事家長回復

積奇百事

你咁講, 可能有少少關係.

我小朋友唔覺得有自閉概問題. 但講野係比較遲, 要足兩歲先講野. 兩歲之前只會講 bb 話. 就算可以發到爸爸媽媽概音, 但佢都唔識叫你, 或你問佢依個係邊個, 佢都唔會答你. 又或者爸爸媽媽坐係佢旁邊, 你問佢邊個係爸爸或媽媽, 佢都唔會指或講, 用眼神表示都好少. 直至到兩歲講野果刻開始, 個問題就消失左. 依家小朋友三歲, 說話好清楚, 同同齡小朋友比較, 可以講中間左右, 但一定比女仔差, 女仔表達能力強過男仔好多.

兩歲之前, 你同佢講野, 佢係完全明白你講乜, 亦做到唔同概指令. 好似你叫佢攞件野俾爸爸或媽媽, 佢係識得攞俾果一位. 但就好奇怪一問佢依個係邊個, 就好似變咗另一個人咁. 因為果時岩岩要面試 k1, 而又未識講野(要明白唔識講野走去面試, 成日俾日問你叫乜名, 依樣係乜係一件好慘概事). 咁岩同 playground 老師講開, 佢叫我地同小朋友做多 d 拋高/舉高動作, 或同佢打多 d 韆鞦, 刺激佢前庭, 做左大約半個月, 我個小朋友就開口講野. 我地唔知有無關係, 但如果有需要, 一試亦無防. 希望可以幫到你

Angel1202

多謝回復 謝天謝地 我家小朋友終於識指了 我依兩個月好似癲着咁周圍指嘢俾佢睇 為着佢可以多D同其他小朋友接觸 我特登坐几個站去美孚個個公園 吹bubble俾佢指 響屋企開燈關燈  所有關於佢嘅起居飲食都係我 以前係工人姐姐做 無論如何好多謝你回復 讓我覺得心定好多 希望我們的小朋友將來健健康康 聰明伶俐

Destination121

請問你小朋友當時眼神弱嗎？會唔會怕sir滑梯？

Destination121

原帖由 積奇百事 於 14-02-07 發表
你咁講, 可能有少少關係.

我小朋友唔覺得有自閉概問題. 但講野係比較遲, 要足兩歲先講野. 兩歲之前只會講  ...

請問你小朋友當時眼神弱嗎？會唔會怕sir滑梯？

積奇百事

眼神缹問題，亦唔怕滑挮

Potato001

我女歲幾時都唔識手指指架，因為佢想攞咩都會自己走去攞，攞唔到都會試，想爬高自己攞。佢算少少遲講野，17.5個月才懂叫媽媽，但之後進步很快，現在2歲3個月，講句子，和大人講野都冇問題。佢差唔多歲半至識得手指指。

Angel1202

我個仔依家都係得爸爸媽媽嫲嫲 發音唔係好正 超怕生保  返playgroup會喊 見到陌生人唔采人 好多古怪行為  鐘意轉圓形嘅嘢  唔跟老師做動作 但又記性唔錯  識八種形狀 識認七八十種唔同嘅日常嘢  眼神冇問題 脾氣唔大 但都好擔心 因為佢好鐘意記嘢

Destination121

原帖由 Angel1202 於 14-08-18 發表
我個仔依家都係得爸爸媽媽嫲嫲 發音唔係好正 超怕生保  返playgroup會喊 見到陌生人唔采人 好多古怪行為   ...

點樣好記性？如果有眼神，不用擔心呀

Angel1202

我同佢講一兩次關於日常ge嘢 僻如 膝头 牙齒 舌頭 等等 佢第二日就識指俾我睇 不過 我去協康會做語言評估 話咁樣鐘意記兩面睇 怕機器性記憶對佢發展冇幫助 所以我E家冇再俾特登記嘢

Destination121

原帖由 Angel1202 於 14-09-06 發表
我同佢講一兩次關於日常ge嘢 僻如 膝头 牙齒 舌頭 等等 佢第二日就識指俾我睇 不過 我去協康會做語言評估  ...

噤應該點先可以幫佢發展語言？

Angel1202

話要我多D同佢講嘢 慢D講 玩嚇煮飯仔 講故事等等 我好心急丫 蒼天