你們的言語治療師教到有意義地用單字嗎？

rd21gn54

仔仔的ST, 每堂都是給他不同的物件配對。
佢明明已出到，apple, orange, car, 說餅，糖。背ABC，及無意義的模倣單字。仍不改教學方法，引導佢自發講有意義的字。

我想轉個 ST。
你地個ST點敎佢理解單字及自發地運用呢？

csy_0101

我女女剛上左2個月st....睇住圖咭，佢又淨係講到好多單字，st 話佢無溝通動機，教我用圖咭交換法，如我女女鐘意食野，就預備2-3張佢鍾意的食物圖片，然後，佢要俾張咭我（讀埋出黎就最好），我至會俾佢食，慢慢試做；另外，st會開始教我女女單字的動詞，如開，倒，擺等等，等佢繼續儲詞庫，同埋為佢日後建立基礎

alexcmlam

rd21gn54 發表於 14-1-10 16:26
仔仔的ST, 每堂都是給他不同的物件配對。
佢明明已出到，apple, orange, car, 說餅，糖。背ABC，及無意義的 ...

我所認識r嘅ST, 佢會就著小朋友嘅進度作唔同治療方法, 加上小朋友治療當日有唔同嘅情緒狀態, 有時會沉静一啲, 有時會稍為活躍一啲, 睇到ST富有經驗, 佢會有時用玩具刺激, 有時用鼓勵, 有時用奬勵, 加埋會每堂完咗後用時間教爸爸媽媽在家訓練. 等下一堂返嚟有進步, 佢又會再加深一吓程度. 佢就比較少用圖咭(唔係唔用), 因為佢認為實物玩具更能具體讓小朋友嘅腦袋加深印象, 更有效刺激言語表達, 所以, 每次佢都有唔同玩具做言語治療.