就讓孩子輸在起跑線上吧

yamin

原帖由 lauwingtai 於 14-01-14 發表
本帖最後由 lauwingtai 於 14-1-14 15:15 編輯

十分同意。我不認為大家抱有那種心態，我沒有。或者係當事人咁樣諗人地，先會認為人地咁樣諗佢。你呢個比喻一流！我諗我c6一定同你好啱傾....haha。但精英大師是由頭帶到尾，哈哈，是嗎？可能大家都想自己小朋友係精英大師。我朋友個仔，由小學至初中都係補底班，但中四先發力，DSE考到不錯成績，考入了本地大學。佢應該勁過靚蝦王

sweetcandychan

其實"谷"是什麼意思? 我覺得"谷"就係要小朋友學超過能力的事. 其實最緊要按小朋友能力培養佢地, 有d叻d, 有興趣學, 做父母就提供機會比佢地, 每個小朋友資質都唔同, 有d小朋友真係有能力學深d, 而佢地又有興趣, 我覺得這樣沒有問題. 我小朋友返過happy school, 我都以為小朋友返happy school係好happy, 但原來我小朋友竟然覺得happy school悶, 而家返一間大家應為深的幼稚園, 佢反而有興趣返學學新野, 學完返黎話教我, 佢好滿足感, 所以最緊要係按小朋友的能力同興趣去培育佢地, 所謂"happy"同"谷"都係我地大人覺得而已, 最重要係由小朋友感受出發, 唔好迫佢地做d能力以外的事.

大前題是小朋友有平衡生活, 我唔贊成小朋友學太多課外活動, 學1-2樣佢有興趣的已足夠. 一定要足夠休息同玩的時間, 多d同小朋友出去感受及經歷不同的人和事. 很多人認為比小朋友學較深的知識, 就是等於谷佢, 等於佢會冇晒時間休息同玩, 等於佢抹殺左佢培養creative, 思考及品德的機會, 其實只要按小朋友能力平衡各方面, 品德, 知識, 快樂, 健康是可以共存的

初級媽咪

早前同三姑六婆食飯, 問我個仔今年9月讀邊間K1, 我答XXX, 係村校, 屋企附近...跟住佢地問點解唔係民X, 培X嗰D, 我話, 一來佢細B, 機會都微, 二來都唔想佢咁快咁辛苦...不過佢地都好似唔多認同的樣子, 仲話, 唔試過點知呢...其實, 每個家長都有自己的想法, 有D想谷, 有D想快樂童年, 根本各有各好, 各有各的難處, 好應該尊重唔同人的想法, 因為點揀, 點會比人問''點解''! FB見到朋友個仔, 比我個仔細3個月, 成日被阿媽考佢唱ABC歌, 佢阿媽就拍片放出嚟...我見小朋友像背書一樣的讀出A-Z, 沒有唱歌的歡欣...表面睇個小朋友好似好勁, 實際上, 個小朋友一D都唔自願...唔明個朋友拍出來同UP上嚟做乜, 似SHOWOFF多D.

sunnymama2

初級媽咪 發表於 14-2-10 13:50
早前同三姑六婆食飯, 問我個仔今年9月讀邊間K1, 我答XXX, 係村校, 屋企附近...跟住佢地問點解唔係民X, 培X ...

講真，我唔覺得你朋友個仔識唱abc歌有幾叻，我會唱好多英文兒歌比仔仔聽，但唔會迫佢跟我唱，見佢要我echo再唱，我已經好滿足啦
自問個仔係受教，但唔會專登教佢a-z,1-10,只係符號，而家我最着緊係仔仔的解難能力，至於學校，我好無奈跟大隊報名校，但一定唔會報死讀書的名幼如民x

fdsafdsa

記得田北辰o係一集"窮富翁大作戰", 體會完窮人生活後講咗一句. "香港社會對讀唔成書既人 punishment 實在太大". 呢句我好認同, 窮人好多時比其它人仲勤力, 仲有生活智慧, 但就因為讀唔成書, 細果就扒唔上.

現代家長, 大都明白呢個道理, 所以先會用盡方法, 迫子女讀好o的書. 而香港人急功近利, 所以"揠苗助長"o既方法變得理所當然 ....

yipsoso

好多人話是香港環境造成要迫小朋友學早d，學多過其他人，其實只係大家見別人的小朋友係咁，而跟風，怕比人笑out，又無得在別人表前認叻。是家長的虛榮心主宰了「起跑線」，不是社會。我們是有得選擇，唔好講到是被迫，no say。我沒有在小朋友6個月上英文堂，但在9個月上中文遊戲playgroup。我有自己的選擇，選對自己小朋友合適的去玩。我不會同小朋友去商場，放假去公園，這也是我的選擇。大家可以盡情幻想小朋友長大多成功，多搵錢，但記住，佢地是一個獨立的生命個體，不是玩具，你可以用盡一切辦法控制，但結果通常好有趣。
小朋友是家庭成員，不是你的手下。