呈分試計分方法太過不切實際 ！

ohnono

其實我都同意每一個小朋友或者我地大朋友都好，每人總會有一些強項或弱項。有人喜歡體育運動，亦有人喜歡畫畫、剪紙、音樂等音視藝的科目，現在係好像對一部份同學有利而對另一部份同學不利。

如果改為合格和不合格就好一點，亦可摒除音視藝的計算，亦可加入體育科計算，亦可在中英數常以外選兩科最高分的計算，亦可扣除在banding排名之內的計算，另外在成績表上列出分數給中學選擇或計算分數評核.......總之應可以找出一個更具彈性的方法。

Phoebenana

我間學校音樂及禮藝科呈分試計分方式，我點都想不通，課堂紀律都占分數的20%，仲有其它功課類---學科知識反而占不到一半。

瑩瑩老豆

原帖由 goodboy1 於 14-01-03 發表
本帖最後由 goodboy1 於 14-1-4 00:42 編輯

呈分試以六科計，即中x9, 英x9, 數x9, 常x6, 視x3, 音x2，  ...

又真係幾離奇，經常話要全人教育，所以常視音應該同中英數同一比重。

benny2014

體育科計分有難度，範疇太大，都唔知考咩好，例如考跑步，游水叻既人會反對，考游水，唔識游水既人又會反對，而且咁考法，實有人會為了取高分而過份操練，好易出事(我果間學校體適能測試如果成績達到一定水平，會有獎狀，已經有人為了獎狀跑到幾乎暈低，如果計呈分試，真係可以為了取分而命都唔要)。

如果真的要考試計分，最好考筆試，考運動知識，有範圍可以讀，對大家都公平。

silvia_ng

明白政府苦心，想家長唔偏重齋學術科。但點解pe 唔計(雖然我兩件pe 勁唔掂)? 點解va 係3?  va 點解要過music?  大個同班fd 去唱k 既機會，點都多個畫畫啦

fion6406

其實相傳幾十年的會考，也是有視藝、音樂考，反而無體育呢科考，大家當年會考時有無憤憤不平咁呢？

fion6406

原帖由 silvia_ng 於 14-01-04 發表
明白政府苦心，想家長唔偏重齋學術科。但點解pe 唔計(雖然我兩件pe 勁唔掂)? 點解va 係3?  va 點解要過musi ...

不過係本教科書度畫公仔解悶既人好多嘅喎

yekat169

返番去學能測驗年代大家考同一份卷最公平,  讀書就讀書, 計咩音樂,視藝, 體育, 又唔係去考馬戲班

jaci

silvia_ng 發表於 14-1-4 10:08
明白政府苦心，想家長唔偏重齋學術科。但點解pe 唔計(雖然我兩件pe 勁唔掂)? 點解va 係3?  va 點解要過musi ...

Va 當然重要過music 啦，人有品味一點，才懂將自己打扮得高雅點，香港的國際形象又可提昇。