學珠心算好嗎？

hha

請問各位小朋友有學珠心算的家長， 覺得珠心算對小朋友數學上有好大幫助嗎？

stockmike

我覺得係可以測試你仔囡的記憶力好不好（同同班比較），同谷唔谷得，因要恆常練習.但計極都加減，對數學無乜用

tantanmama

珠心算對數學幫助不大, 而是訓練小朋友專注力同持久自律的學習態度.

mandyk105

我就覺得學珠算啟發我兩小孩對數學的概念, 奠好基礎. 我就非常滿意

stockmike

舉例 12+56—34+58—45 . 現仔仔K3心算几秒計到, 但問佢俾20蚊買12蚊嘢找几錢佢可以唔知，佢有幫到小兒考小學，但概念嘢都係差。但從學習時观察到仔仔谷唔谷得同專唔專心，因反覆學習過程是很悶的

hha

多謝各位, 其實值得花幾年時間去學嗎？ 因為我個仔未開始學，唔知應唔應該開始好。

longlokma

原帖由 hha 於 14-01-02 發表
多謝各位, 其實值得花幾年時間去學嗎？ 因為我個仔未開始學，唔知應唔應該開始好。



  ...

学幾年不值得，当学前興趣班玩下好了

cowboybaby

請問仔仔學左幾耐？我仔學左10堂，仲用梗算盤計，學了三個口訣，想知幾時至唔駛用算盤，老師只叫我唔好咁心急

chunyatmama

My son has never learn about this.  But my sister's had son learnt this for a few years.  Her comment is that it might confuse the arithematical calculation at a later stage cause normally, we add up the unit before adding up the tens.  But this one (sorry that I do not know the English name) is adding up tens before adding up the units.  My sister's son used a lot of time to correct the concept.

stockmike

我學個間講明係其實最後教記憶，唔係教數，佢都講明計數計得快無乜用，但我仔仔本身記性都好好，加上末發現佢開始教記憶，所以唔知佢記性好同學珠算有無關，佢大約學咗一年

arthurl

好多人都說無用 ，或者說d實際情況。
小兒和其他同期學珠心算的小朋友，
基本上p.1-2的說都係完全唔使擔心。對於只是加減數和到p-2才是簡单的乘除
而小兒我會這樣做 ，有時間教他一些三四年级的數，
在P3暑假時就開始教他p.5-6的數。

arthurl

回覆 stockmike 的帖子

其實通過珠心算本身，自然記憶力不知不覺內在會加強，教方法只是表像的東西。還有是專注力和學習紀律。

現在新的珠心算會更加注重珠算應用，而不是死操或為了比賽獎牌。

ronming

數學分兩類:(數學是計數)+(數理即是文字題),珠心算是個計數機,幫我們行路,數理是跑步,

例如一

一支手槍,珠心算是子彈,我K1以經開始裝子彈,上了一年級,我就教他點發射(即是數理),

當然要教他射準,冇子彈,又要再裝過,即教兩種,小朋友會身苦小小,又要學計,又要學文字理解,

開頭會計得慢和錯得多,除非個小朋友是非常聰明,一敎就明,測驗考試要計時,做快D有著數,

可以夠時間覆多幾次數,我個囝K1以裝定了子彈,現教他開制發射,都敎到嘔血,但都贏了起跑線,

考試測驗都有九十多分,但點都冇100分,因教行易D,以經教了3年,教跑難好多,又用好多時間,D文字又陰濕.

例二:

小芬有紅花37朵,美美忠比她多5朵,她們共有花多少朵?=79

(教他skill,有兩個( 多+, 多+)即是37+5+37

又快又準

MimiCactus

自己有兩個孩子，大囝K2學公文數，上到K3時已超越學年，程度等於小二。升上小一停左，因同香港小學不能接軌，完全兩回事。細囡天資無哥哥更叻，現K3。但對加減數都好混淆。於是報左珠心算。剛上了第一堂。回家後同老公講開今天的學習進度：是用算盤計數，像3-1+2，點知亞女即刻答等於4。若果是平時，她會想好耐先識。其實我只想佢打好加減數個底就夠。升上小一後可能又不能接軌，因現在小一的文字題越來越古惑！假如小朋友聰明可以谷可以報公文數，如果天資平庸，珠心算對打好數學底不失為一個不錯的選擇！但升上小學又另一個境界，家長們要自己𧗾量！

446948

回覆 hha 的帖子

我女由K3開始學, 依家小二, 珠算可以加強佢計數, 已經學咗雙位連續10個加減, 雙位乘數同埋千位加減數, 嚟緊就嚟開始學除數, 每日都有功課做, 未必個個都鍾意, 你可以比佢去試下堂先, 睇下佢鍾唔鍾意啦

446948

回覆 cowboybaby 的帖子

我女學咗2年幾, 一路都要用算盤, 其實係分開珠算同心算, 所以一路都應該要用算盤架.......

pjbb

我個囡現時k3，大半年前開始學珠算，現在已懂萬位數心算加減！老師同時已經開始慢慢教除數，比起佢細表哥（讀小二），明顯阿囡優勝，而且我已經比小二下學期數佢做！我暫時覺得珠算ok!嚟近會同時學埋奧數