聖三一

Sandy_lcy

原帖由 月光夢魔兔 於 14-01-16 發表
回覆 carol0914 的帖子

我都未收到信

Me2

shingGorGor

我小朋友都收左了

kitsa9

乜老師問小朋友咁多野既,我個囡當日IN時,個老師完全無問過小朋友問題,同埋只係問家長點解揀全日制既學校. 我地宜家都係WAITING LIST.

happybbpig

zhiheng718 發表於 14-1-16 13:04
我不是住附近啦, 我住新界的....

BB當日表現正常, 有笑容, 入到課室已經自己主動行埋位自己拉凳坐, 可以同 ...

你bb識講又識做咁多, 你平時點train佢架? 好叻豬啊, 你住新界都報呢間既? 搭車都好遠喎, 你點知有呢間school既?

zhiheng718

我住沙田，問過學校放學可以有校車返到屋苑樓下，約半小時，我覺得都ok；朝早我哋應該自己揸車送到佢，咁就多d時間可以親子下囉；坦白講，我睇過自己區內其他學校，就算有校車都係要兜好多個點，時間都係咁上下，去九龍城其實已經比塞落九龍塘好好多了....

我哋唔係好大力train小朋友的家長，亦無心追求好高的學術能力，我哋重視小朋友的品德同埋佢對生活的積極態度多d，所以我哋平時都係一齊玩多，無上playgroup無去學2文3語；不過我哋好堅持每日落街搭lift見到其他人都同小朋友一齊主動打招呼，就算遇到負面事情都即時會講返正面d(eg搭車俾人打尖我哋會同小朋友講"哥哥趕時間呀,我哋唔趕讓佢先啦")，同埋我哋成日鼓勵小朋友自己嘗試照顧好自己，希望以身作則感染到佢可以有禮待人同埋培育樂觀心態.....

所以我哋好喜歡聖三一因為個教育理念接近，亦希望小朋友從細「學好做人」先！人生好長、好多機會去學知識，但品格一定係從細薰陶培養，將來先唔容易走歪路！

純粹分享下我自己的觀點，共勉之

snowqueen929

Reject左我女，你地話好冇照寫求位信？

hpy1107

好奇一問，如果聖三一同st cat/kv個類學校都收，大家會點選擇？

maplebb

我唔知其他朋友點解揀聖三一, 但我自己就係認同聖三一既理念同教學模式先揀佢, 相信st cat/kv既教學方針同模式, 應該同聖三一都非常唔同.......

JK427

可唔可以分享吓面試考啲乜野同你小朋友當時嘅表現？因為好似好難入，想知多啲。

fchangel

當日入去時，小朋友叫左早晨老師，入左去就俾左的玩具佢玩，老師問佢中意邊樣，教佢點玩，跟住叫佢可唔可以俾人地玩，我小朋友諗左一陣跟住肯俾。跟住就問我問題，例如點解簡呢間學校，會唔會太早俾小朋友讀書，邊個湊佢，有冇細佬妹等等。跟住就叫佢去後面攞玩具，再番來俾老師，中間都有叫佢講野，佢講左好多野，好似多謝老師，俾你，唔該哂你呢類。其實都冇咩特別。仲有送左條毛巾俾佢，叫佢講多謝～

fchangel

都幾好笑，老師知道佢有個細老，就問佢細佬係邊丫，佢答係果邊，屋企，又問佢，你錫唔錫細佬，佢話心悅錫細佬（小朋友叫心悅）