點搵社工？

christytsui

點搵社工？請問係去cac見完姑娘就自動比個你跟你定要自己搵架？

HopeLJ

正常一個月內社工會call 你約你見面，小朋友不需出現，傾傾家庭狀況，排服務及申請傷殘津貼事宜。也可主動早點打上CAC同社工約時間，記得quote 檔案號碼。

HopeLJ

補充：係指CAC醫生評估完寫你需要服務之後，不是見過姑娘就得。

Anan3388

你想找社工係咩事的呢？
我當年(3,4年前)見姑娘後仲要排醫生評估，醫生出咗結果係咩位，就即時會有醫務社工跟進。

若係私人評估的話，就係家庭服務中心(住那區)的社工跟。

christytsui

多謝大家，如等cac醫生評估咪有排？我搵左私人臨床心理學家做test,report都出左，所以我想知有無方法經社工排相關學校及訓練。我無概念下一步點做呀，我住九龍城區，點搵地區社工呢？

Anan3388

如果咁呢不如去cac找醫務社工先，佢哋熟些，睇下佢肯唔肯幫你

我所知心理學家要填一份叫form2交俾社署，裡面有孩子診斷，好似同埋建議嘅位。唔知你做嘅那些熟唔熟程序，你都可同時問埋個心理學家或中心

最後都未得就找家庭社工，找社署網站有資料(綜合家庭服務中心)，打過去同佢哋講你地址，就知係咪你那區，or佢會俾啱嘅中心資料你。家庭社工一樣做到，但佢哋唔專，唔熟，有咩你上返嚟問清楚先。

http://www.swd.gov.hk/tc/index/site_aboutus/page_familyserc2/

順便提埋，呢d中心社工服務免費，遇到孩子問題情緒都好多時困擾，上去找當值社工傾下舒解下，有需要可有免費輔導，有時又有小組，都係幫自己多些support嘅方法呀

王王爸爸

其實之前我有講過揾私人評估要揾一些社處認可的心理專家，從而排埋服務，如E,I,S位。
如你心理專家沒有寫你|referral，你可叫普通任何一位西醫寫張肉緊啲referral 排返Cac，早見e生，再排eis位，再見社工，+-傷殘金幫補下。
等侯期間如經濟許可，就開始私人訓練或排其他如協康比錢服務。
冇錢都可以/借書自讀，家居訓練。丰檢由人。

唔好浪費孩子黃金期！
唔好浪費金錢和時間在另類治療！

christytsui

多謝以上兩位

sochi81

回覆 christytsui 的帖子

我同你一樣拎住私人報告同轉介信，去返你當區的家庭綜合服務中心
社署網站找會見到你住址係去邊間中心
之後辦公時間去就有當值社工接見，跟住會有人跟你case幫你排政府位

之後，繼續等CAC評估，因為CAC結果是你等邊種服務的最終決定依據
醫生如覺得你有需要申請傷殘金，便會自動轉介你見醫務社工
咁醫務社工只跟傷殘金，但輪候服務等仍由綜合家庭服務中心跟進

你唔明再PM傾。

christytsui

明晒，唔該你