唔該大家幫幫手丫!唔知轉唔轉校好……

careysum

真係慘，我講個細路，一年班就因為累，起唔到身就已經開始被打，當然明白當父母嘅難處，你個case又真係幾兩難，佢宜家先一年班，再遲D功課又多，考試默書又多，咁邊有時間玩或者休息呀？9:30訓～6：00起身，佢仲咁細個，覺得唔夠訓唔出奇，你家樓下果間校風好嗎？如果校風ok, 轉返近D係百利而無一害，津校，間間都只是抽獎入，仲有位唔代表校風唔好，好多人可能覺得某D學校唔多人爭，學術唔夠先唔選擇姐，宜家你小朋友係入左一所唔錯嘅小學，但佢每日唔夠訓，起唔到身就比爸爸打醒，來回車程又長，本身本土教育又谷又緊張，咁嘅情況下，個小朋友仲會鍾意返學？無精神下，仲可以留心聽書？如果能夠搬屋是最好，但前題下是，不會因搬屋而令到家庭經濟緊張，反之，轉校，轉返近屋企，最重要揾間近而校風不錯嘅學校，比小朋友多返D私人時間，同埋盡量唔好同其他小朋友比較，阿邊個邊個都坐咁耐車都ok la, 人地唔等於你小朋友，以上只是我自己睇法，希望你能盡快搵到個合適方案，祝福你！

momama

七點校巴可六點半起身，早餐車上食

crazymum

原帖由 careysum 於 13-12-24 發表
真係慘，我講個細路，一年班就因為累，起唔到身就已經開始被打，當然明白當父母嘅難處，你個case又真係幾兩 ...

唔肯起身返學會否另有原因？係唔想起身定唔想返學呢？

csyy

點解唔問下“番學“個個自己点想！

chingcging

唉…點頂都搬出去啦。

rainbowcov

老實講，好難得先入到一間好小學，俾我唔會放棄，去了另一間小學再想入好中學都唔易，因banding問題，有無考慮自己送返學？或者遲半小時起身？

Charlotte_mom

唔好急。等3月左右又係插班季節，試下搵間又好又較近屋企？

gigayan

其實天水圍去屯門都唔係咁遠, 而且7am上校車時間亦都唔算好早, 我諗樓主應該要做好些time management

e.g. 7am上校車, 其實6:30am起身都okay, 唔使6am起身咁早

但, 如果小朋友返學係唔開心, 又或者進度未能跟上, 轉校或者對小朋友來講會適合些, 屯門既保記小學唔易讀。

yy449

原帖由 redredpig 於 13-12-17 發表
我家住天水圍，呀仔讀緊屯門保記小學一年班，每朝要6點起身，7點上校車返8點，放學一樣要一個鐘車程。返左 ...

搬！
一     好噶學校唔易入
二      細仔可跟哥哥直入，唔洗煩
三      用 校車費用來幫補上升的租金

cuccw

到阿女間學校15 分鐘車程，其實好近，都係7點上校車（因有早讀課）。一般學校先比校隊走先，所以回到家的時間同同區家長接的學生差唔多。7點上車好正常。

Joyce.Wong

想辦法搬近學校一點，訓練小朋友做功課快一點，星期六才上課外活動，才是辦法呢。