樂天密習？

cvpigpig

有冇人試過去樂天做密習？仔仔早2日上左去見治療師，佢話仔仔有d行為踩界，建議做密習可快d改善。因為仔仔已排政府評估，話到時會好d。有冇人試過做？真的好d嗎？

JJran

樂天是很商業講錢的機構，但我兩年前仔在佢度上了半年，都唔錯既

cvpigpig

原帖由 JJran 於 13-12-17 發表
樂天是很商業講錢的機構，但我兩年前仔在佢度上了半年，都唔錯既

咁姐係有$俾就好？你仔上左幾耐？有明顯改善？我其實見其他中心d密集課程都差不多$，所以唔知點揀！$俾左唔緊要，最想就梗係見到仔仔改善

JJran

我仔本來係自閉兼嚴重遲緩的，因為貴，只返了6個月，但佢返左樂天後開始有意識知道自己做緊咩…樂天可以觀課，同陳校長原本在協X做了很多年，睇小朋友好有經驗，但聽仍在樂天的媽咪話佢地近年越來越商業味重下下講錢叫你加服務…
但之前我覺得佢地的感统-職業治療師好hea , 相比OT應該是邁步或領思較好，總之有利有弊，樣樣都係錢，要看自己小朋友邊方面問題較大自己取捨

little-panda

講明先, 我無利益衝突(最近見到BK有駡戰), 我小朋友在樂天train 過, 是不錯的, 小朋友有明顯進步.....如果係讀小幼苗或幼適型, 月費include ST, PST 同OT..校長好少叫你加嘢....不過如果你去主流學校讀唔再返, 佢就可能建議你返ST, PST, OT或社交班...是否商業化見仁見智, 因為有些小朋友的確需要(就像政府E位).......又無人迫你一定要參加

陳校長確實是很資深, 我覺得佢算係有心人....另外師生比例OK足夠

我個人認為唔同機構適合唔同小朋友, 樂天也不一定個個啱, 有時試過先知, 好多小朋友試幾間才找到合適嘅.....你小朋友年齡, 認知, 行為, 情緒如何?

cvpigpig

原帖由 little-panda 於 13-12-18 發表
講明先, 我無利益衝突(最近見到BK有駡戰), 我小朋友在樂天train 過, 是不錯的, 小朋友有明顯進步.....如果 ...

謝謝，之前上去見過陳校長，佢話我仔最主要係唔肯聽指令，佢自己自由玩可以坐定，但有人叫佢點玩就立即走路！小肌肉超弱，手指冇力。所以有機會影响佢說話，佢現在2歲幾都係得幾個單音，仲要係唔準。認知冇問題，記性幾好，有d野未見過，玩一次俾佢睇之後佢就識，但要佢跟住指令做就爆喊。有少少鐘意擔天望地，行路有時似醉酒佬，有眼神接觸但唔夠多，冇特別固執但興趣狹窄，佢話都係小問題。最主要針對聽指令同加强小肌肉先，語言治療可以遲d先。所以佢叫我返小幼苗建立個規律俾仔仔。因為佢出年返K，如果照現況一定俾人覺得有問題。其實見面過程大約1個鐘，由初初一叫佢做指令就爆喊走路，到最尾一聽到陳校長叫佢埋去已經識自己行埋去但係一路喊一路行……

cvpigpig

原帖由 JJran 於 13-12-17 發表
我仔本來係自閉兼嚴重遲緩的，因為貴，只返了6個月，但佢返左樂天後開始有意識知道自己做緊咩…樂天可以觀 ...

佢叫我仔返小幼苖先，未有叫我加野。但我要新年後先有時間返，所以佢叫我返住ST先。其實我有排緊政府見醫生，但個姑娘話要等8個月以上……所以自己出去同佢做住先

little-panda

同我的小朋友差唔多. ..主要係紀律,,聽指令同唔專心, 樂天應該OK適合, 你參觀過應該知佢哋啲模式活動比較似幼稚園, 會訓練聽指令.....我小朋友是先上小幼苗執紀律和坐定定, 再升上幼適學幼稚園上課模式......樂天其中一個好處係透明度比較高, 你可以觀課, 至少你知小朋友真正表現如何

個個小朋友開頭幾日去都爆喊, 通常過一排都無問題....

你怕唔適合咪報多幾間機構排住隊先囉....唔啱再轉

cvpigpig

原帖由 little-panda 於 13-12-18 發表
同我的小朋友差唔多. ..主要係紀律,,聽指令同唔專心, 樂天應該OK適合, 你參觀過應該知佢哋啲模式活動比較似 ...

Thanks.咁你小朋友返左幾耐？快唔快見到改善？小朋友有冇去評估？

little-panda

Train 咗6個月，上了1個月已適應，肯坐定定和排隊。評估過，排e位。

little-panda

忘了說，我小朋友是先評估，之後去樂天train

cvpigpig

原帖由 little-panda 於 13-12-18 發表
忘了說，我小朋友是先評估，之後去樂天train

去政府評估？介唔介意講評估結果？咁現在返政府e位定普通幼稚園？

cvpigpig

原帖由 cvpigpig 於 13-12-18 發表
去政府評估？介唔介意講評估結果？咁現在返政府e位定普通幼稚園？

其實如果訓練完之後都ok..返到普通幼稚園，仲使唔使返政府評估同排位？

little-panda

私人評估，輕微自傾，讀普通幼稚園。政府服務好長龍架

cvpigpig

原帖由 little-panda 於 13-12-18 發表
私人評估，輕微自傾，讀普通幼稚園。政府服務好長龍架

唔該晒！我會試左去樂天訓練先，如有問題可以在這裏再傾嗎？

JJran

有得上就上著密集式先，陳校長真係似乎無A仔唔怕佢!

cvpigpig

原帖由 JJran 於 13-12-18 發表
有得上就上著密集式先，陳校長真係似乎無A仔唔怕佢!

咁你仔仔衣加點？返緊咩位？

crystal媽咪

識有幾個小朋友都上過樂天, 大部份都有改善,
有D由周圍走, 而家可以坐定定. 有D無咩聲音,而家開始有D聲音同簡單單字回應.
好睇小朋友同導師夾唔夾.

至於是否商業??  其他私人的都好商業, 但呢間可以觀課, 有家長由小朋友一上課睇到放學.  放到家中再跟學校教具整家居訓練.

未排到政府可以上下先. 一般小肌肉/ 安坐都會有改善.

JJran

我仔智能本來麻麻，尤其語言很弱，所以在政府S位讀緊