KV真心分享

oooasis

一向欣賞kv，好知道自己做緊咩，有自己特色。
老師經驗足，不用應酬家長，自然師資穩定，流動性低。
有些學校追求十項全能，成日搞這搞那，老師辛苦到不得了，反而兩頭不到岸。

buibuima

回覆 oooasis 的帖子

同意。十分多謝你們一班真正kv用家願意花時間讓大家詳細了解kv的實況，因很怕以訛傳訛，最終只得失實資料。
我曾聽聞kv學生學術好，有禮守規，主動性強，但整體而言，"kv學生唔會係開心孩子"。煩請用家對這點評一評/澄清一下。
謝謝!

貓貓人

講開介片問題，阿仔好遲先介到片。返學都試過賴濕和痾濕2次，我好緊張咁問老師係咪佢唔講VV定點呀，反而老師勁nice勁好笑容地答我好小事咋，濕左唔緊要，而且嬸嬸又勁有禮貌。有日仔仔放學去toilet, 見有個嬸嬸幫個小朋友換緊褲時，我阿仔衰多口喺度講果個同學仔賴左尿，個小朋友想喊咁樣，嬸嬸係咁安慰佢，又不停話唔係賴尿，唔小心痾濕少少咋，好小事，我覺得嬸嬸好識做，小朋友容易下台。

oooasis

buibuima 發表於 13-12-12 00:03
回覆 oooasis 的帖子

同意。十分多謝你們一班真正kv用家願意花時間讓大家詳細了解kv的實況，因很怕以訛傳 ...

我無讀kv，只是很欣賞。

Macylau

原帖由 buibuima 於 13-12-12 發表
回覆 oooasis 的帖子

同意。十分多謝你們一班真正kv用家願意花時間讓大家詳細了解kv的實況，因很怕以訛傳 ...

不如反問下俾呢啲comment既人：難道你見到每個KV小朋友放學都係苦口苦面？

阿仔係KV好開心，佢話老師係魔術師因為老師有變魔術比佢地睇！每日返屋企都大展歌喉大唱KV教既歌！連買xmas禮物都提我記住買埋比老師（不過KV規定老師不能收禮）！KV係嚴！非常重視紀律！但老師絕對可以做到恩威並重！

K1開學頭兩個月完全冇功課！11月開始逢星期五有2様功課，20分鐘一定可以完成！所以我暫時一啲都吾覺得谷！

MrBeast

buibuima 發表於 13-12-12 00:03
回覆 oooasis 的帖子

...我曾聽聞kv學生學術好，有禮守規，主動性強，但整體而言，"kv學生唔會係開心孩子"。煩請用家對這點評一評/澄清一下。

好睇父母點manage 和什麼expectation.  
K1 會是happy 的，k2 - k3 學術加深和傳統模式下，如一定要和一些較活動的kg 比，當然會less happy by comparison, kv 中數強，我想信老師是有方法教，但亦也未必所有學生都跟到，eg, 3+()=5 ，很多小一生也會struggle, 如小孩不明，有些地方kick住，父母又冇方法跟進只是send their kids to 補習，咁小孩又如何會happy 呢?
On the other hand, 入happy kg, 但放學就趕鴨仔去上不同的eca, 咁overall 會happier 嗎?  我小孩在一所頗谷的傳統小學讀小一，同我說正副班長都是kv, 每次黙書測驗都100分，咁我又會諗佢地e加應十分happy.

cymchris

原帖由 MrBeast 於 13-12-12 發表
好睇父母點manage 和什麼expectation.  
K1 會是happy 的，k2 - k3 學術加深和傳統模式下，如一定要和一些 ...

Cool

fc926

原帖由 buibuima 於 13-12-12 發表
回覆 oooasis 的帖子

同意。十分多謝你們一班真正kv用家願意花時間讓大家詳細了解kv的實況，因很怕以訛傳 ...

＂kv學生唔會係開心孩子＂對我們兩位用家來說，絕對不同意！

她們由KG至今每天都渴望上學，我有問過她們為什麼喜歡上學，她們簡單地答：返學很開心。現在上了小學，仍然很渴望及重視返學，實在很感激KV不但幫她們打好學術基礎，而且更重要是建立了自學的態度及責任。所以入小學的適應其實是她們的 honeymoon period。

yokeeland

回覆 貓貓人 的帖子

我仔仔都有相同經驗。姨姨會帶佢地埋一邊換褲仔，令小朋友唔會覺得醜醜和尷尬，讓他們從錯誤中成長。

siufung

原帖由 oooasis 於 13-12-12 發表
我無讀kv，只是很欣賞。

感謝你對我們學校的欣賞和認同，實在很難得在友校遇知音！本人正是欣賞學校的實是求是，不搞gimmick，實而不華。我亦同意好些標榜學術深的幼稚園，教導一些不設實際內容(例如友人間學校要pn小朋友學十種史前恐龍學名，那些地理學專有學名難串又難讀，大人睇見都頭痛！)，反而摒棄由淺入深和生活化的知識，目的在標榜他們syllabus的內容多高深。

siufung

另外想借個位感謝Kv..小女之前因家事請假近2個月...本來有點擔心復課後要重新適應融入，但學校真是很細心很懂關顧小朋友。我很驚喜第一日復課班中小朋友已叫喚小女，老師指示小女已調了新座位，有同學仔誠意引她入座！原來每天老師點名後，會告知學生哪位小朋友因什麽緣故沒有出席(例如A病了、B事假)。在缺課期間小女每日被提及，老師還提醒小朋友到她返學時可能有課堂程序忘記的話，要多多幫忙她！學校教導學生互相守望，能力佳的協助有需要的；令所有小朋友都能被注視！

bbalau

原帖由 siufung 於 13-12-12 發表
另外想借個位感謝Kv..小女之前因家事請假近2個月...本來有點擔心復課後要重新適應融入，但學校真是很細心很 ...

如果小朋友不小心打翻了自己帶的茶點，老師會叫其他小朋友share 自己茶點俾佢。手望相助。如果學校係派茶點，老師咪再派過囉。

cyberz

絕對同意，雖然我個囝入唔到， 但佢地既效率係我同阿囝in 7-8 間最好， 唔需要細路同家長等得咁辛苦。有d 真係亂到係要求時間之前到都要等差唔多成個鐘

jess725

想問下k2的家長，小朋友由k1（am）轉k2 (pm),有冇唔適應？
阿仔依家返左k1幾個月，返學時間習慣晒，午睡2小時，晚上9時睡覺，有點擔心升k2後又要重新適應過新時間表。http://www.edu-kingdom.com/static/image/smiley/default/bb27.gif

siufung

原帖由 jess725 於 13-12-12 發表
想問下k2的家長，小朋友由k1（am）轉k2 (pm),有冇唔適應？
阿仔依家返左k1幾個月，返學時間習慣晒，午睡2小 ...

小女在迦南Pn時是上午班，每早7:20起床，下午回家睡1.5小時....
但接受3歲時她已自然地戒除午睡，改爲早少少瞓(約十時)....由於她已慣了不作午睡，上K1我由得她返Pm，沒有要求調往上午班....因為知道反正K2全部也是pm。其實小朋友大大下會咱行調節，可改爲瞓長少少一覺到天光，小女現時是晚11pm朝10am，共11個小時，對於3，4歲小朋友已好足夠。Kv(以我所知sc都係)全K2爲pm，全K3爲am，用意是希望小朋友在K2時開始戒除午睡，而K3改番做am係想小朋友重拾早起習慣，爲全日制的小一生活作準備！

vineslam

可否講下KV的教學模式？是否互動教學，小組活動、主題研習及參觀？

easybring

vineslam 發表於 13-12-16 10:39
可否講下KV的教學模式？是否互動教學，小組活動、主題研習及參觀？

讀過的家長也很難答你呢幾個問題.  KV的老師和嬸嬸就好似一班十分有經驗教和照顧兒女的媽媽. 有一個已定的課程, 有人話深有人話唔夠深, 上堂有互動, 又唔會有好多PROGJECT.

vineslam

其實對KV教育理念，老師，甚至嬸嬸嘅專業都不會懷疑，亦好相信佢地有一套方法，只係，有d學校係主題教學，有d係小組活動，有d係要小朋友親身體驗，透過參觀要小朋友思考等等，我見KV冇人講。

siufung

我小朋友只是K1生，番學只幾個月。講真實質具體教學方式未摸清。但我知道小朋友上課好投入好開心。每日有中英數，有唱遊、手工、共讀等。真正活動式講不上，但過往家長亦講及有活動、有參觀、show&tell等。其實多年來Kv被評爲死板不重英語，近年睇得出學校有心求變、精益求精，今年起引入Net和phonics便可見其逐步走向大趨勢..真心感受學校有心辦學及有志培育幼童。