青衣卓思同康傑都係pm,點揀？

rabbitbaby1

原帖由 fixedstar99 於 13-12-20 發表
回覆 fionliss0522 的帖子

另外 仲有一個疑惑佐我好耐既問題，就係康傑既外籍老師是否流動性非常之高？我 ...

可能因我今年k1無上午位比校外人，所以少左人報

VC20120101

回覆 rabbitbaby1 的帖子

晌卓思面試當天咁啱有個Net老師走過來同我囡玩左幾分鐘，佢唔係西人亦都唔係南亞人，但我就真係唔知咩國家既，(感覺佢有d似墨西哥個種）我感覺佢好nice，同埋個刻我只係好留意佢英文既發音，我覺得她發音似黎自美國！唔知有無現任的用家可分享下^_^

dj2002

Hi 請問康傑K1收到信的媽媽，是否30/11 interview 架呢?

rabbitbaby1

原帖由 dj2002 於 13-12-22 發表
Hi 請問康傑K1收到信的媽媽，是否30/11 interview 架呢?

是呀

VC20120101

回覆 dj2002 的帖子

你仲未收到信？

dj2002

真係未有信…

kisskids2012

原帖由 dj2002 於 13-12-22 發表
真係未有信…

我都未收到信，我打去學校問話面試後四星期先有結果。

fixedstar99

回覆 kisskids2012 的帖子

我估佢地擔心pm offer未必個個都會留位（尤其第一批offer中都好似好多家長強調只要am offer），所以後面waiting果D佢地暫時都唔通知住，等第一批offer有人放棄，佢地會再出offer比後面waiting既人

FVY1005

有其他媽咪話卓思得3日英文，2日普通話，有net同有教phonics

VC20120101

回覆 FVY1005 的帖子

係呀！我之前打過去卓思問過，我覺得學卷學校有3日Net都唔錯了，同埋喜歡傳統教學，有品德，有Net,有phonics,有普通話，我覺得各方面都平均！其實我反而想知康傑日日都個半鐘Net,另外個半鐘學d咩？有無家長分享下？^_^

rabbitbaby1

原帖由 VC20120101 於 13-12-23 發表
回覆 FVY1005 的帖子

係呀！我之前打過去卓思問過，我覺得學卷學校有3日Net都唔錯了，同埋喜歡傳統教學， ...

係？之前有家長說卓思日日有NET架

fionliss0522

回覆 fixedstar99 的帖子

一樣一樣答你先：

1. 外籍老師今個學年度就真係換左人，但你話兩次openday都唔同人我就唔清楚啦！因為有三間分校，外籍老師調配幫其他分校都有可能。

2. Open day我諗你都清楚，康傑係邀請形式，分時段。可能有部分人無去掛！康傑始終係無學券，又唔係名校，感覺冷清都唔出奇。

3. 校長就一定無轉過，康傑係有兩位校長。

4. 你問我想同讀咩小學？唔會係國際小學。所以我簡幼稚園時已經考慮這個因素。我之前都比較過，若派位，兩間幼稚園派即小學校差唔多。而叩門其實好睇小朋友彩數，學校只能幫到一少分部。

兩間學校都係好學校，兩間學校既學生上傳統性小學都有優異成績。你慢慢諗下先啦！

我當時兩間都交左留位費，攪到落大訂時(今年年中)至做到決定！明白做父母作出決定時，真係幾難作出選擇。

過多幾年，又要為簡小學、中學再傷腦筋。大家加油呀！

chywong

我都有聽過有d老師走左, 校長同主任就冇走, 有d原本走左之後返返黎...so far 接觸既老師同嬸嬸都好好, 就算唔係教我個女都好caring, 叫得出佢個名, e.g. 知道佢邊個接放學, 幾時冇返學會問候佢

至於上課時間, 學校門口有上課schedule, 你可以望下.

rabbitbaby1

原帖由 chywong 於 14-01-02 發表
本帖最後由 chywong 於 14-1-2 17:30 編輯

我都有聽過有d老師走左, 校長同主任就冇走, 有d原本走左之後 ...

push

yankaka

我囝囝是由N開始讀康傑, 今年K3了, 當年N也有考過卓思但唔收, 基本上只有康傑offer, 就讀了康傑, 到K1時卓思亦有offer但完全冇諗過轉, 覺得囝囝適合康傑多D!
其實諗住讀康傑的父母, 一定要肯放時間喺小朋友身上, 因為佢地有很多親子功課, 每年兩次評估亦要溫習! 絕對不是輕鬆的課程, 不過小朋友真係學到好多嘢, 同埋學校班級少, 相對地老師的關注亦較多!
睇了5頁post, 回應大家的提問吧!
2013年開學時的確轉了很多老師, 外籍老師亦換了, 不過校長沒有換! 我見囝囝學習進度上並沒太大影響!
至於英文課, 以我所知, N班時NET的上課時間冇1.5小時咁耐, 正式應該只有30分鐘, 不過佢地會喺其他課堂加入參與! 並不是限死只是上英文, 較為靈活!
教學模式方面, 康傑並不是外間以為的極之活動教學, 連接不了升小, 他們是有很多參觀, 亦會外出, 目的都是利用日常生活作為教學的一種! 品德教育亦非常好, 所以K2K3的哥哥姐姐, 是很會照顧K1N組的!
至於升小方面, 不用擔心難適應, 反而是怕小一時學的K3已學了! K3開學兩個月起每星期已有默書, 中英文隔星期默, 雖然只是生字, 但亦是習慣的一種! 功課一至四有2樣, 星期五較多, 連工作紙等有時會有6-7樣. 當中有家長要協助做的.
非常鼓勵閱讀, 每星期會派一本圖書閱讀, 亦有獎勵計劃, 全個學期讀滿100本書會有獎狀.
K2起可於下午參加課外活動, 有跳舞, 珠心算, 交通安全隊, 普通話, 英文等, 另外收費!

希望幫到各位!

cchowls

我小朋友都係康傑讀緊n班，等我又講下自己的感覺 :

1. 學術程度不錯 - 進度如前面mm所述。雖然教學方式是較活動，但學校對學生的學術是有要求的。

2. 多親子活動 - 如敬老日、聖誕party等，可以了解小朋友在校的情況，而亦給予每位小朋友有表演的機會。

3. 品德教育 - 除了每月的品德主題外，我最深刻印象是高班的大哥哥大姐姐會照顧低年班的小朋友，而學校有活動時更會幫手招待家長。另外，當我小朋友sharing時，會講老師教他們分享。

4. 老師在每星期派回的手冊上會寫返小朋友在校的點滴，有時都幾窩心。


其實兩所都是好學校。希望大家都可以揀一間合適自己小朋友的學校。

fixedstar99

回覆 yankaka 的帖子

請問你個小朋友升小一成績如何？

康傑有愛心嗎？能容納較活躍坐唔定小朋友嗎？

yankaka

原帖由 fixedstar99 於 14-02-12 發表
回覆 yankaka 的帖子

請問你個小朋友升小一成績如何？

回覆 yankaka 的帖子 請問你個小朋友升小一成績如何？

康傑有愛心嗎？能容納較活躍坐唔定小朋友嗎？
因我居住的不是青衣區，所以不能作準，而今年K3有一半都是跟兄姐在自行階段有offer，其他要6月先知。小兒抽中40網的一線，純粹是舊生，和讀那間幼稚園關係不大。
康傑老師都是有愛心，可能學校有宗教信仰關係。對於較活躍小朋友亦很有方法，小兒也算是該類小朋友，老師會多給他們工作，等他們有「勢藝」，就能減少作怪。

fixedstar99

回覆 yankaka 的帖子

唔知康傑考私校或直資是否好過卓思？因我小朋友得15分，靠大抽獎好難。

另外，請問康傑英文能夠培養到小朋友用流利英文做日常對答嗎？謝謝！

ValerieBaBa

我會揀康傑。