東華三院馬振玉紀念中學OK嗎？

thomson528

家住元朗，小朋友就快升中學，想小朋友快D獨立同學識自理，東華三院馬振玉紀念中學OK嗎？成日搭車經過呢間學校，見到有宿舍，又有海外交流團，唔知呢間學校得唔得？另外學生操行同老師師資OK嗎？如果有老師或者學生係呢間學校教或者讀書，可以幫手答嗎？又或者有其他父母或街坊知道呢間學校的情況，可以幫手答吓。唔該晒。有冇其他元朗區學校可以達到我的目標可以介紹吓嗎？

vincentchin

我朋友的小女兒亦在東華三院馬振玉紀念中學就讀中二級，聽講校風很好，有好多課外活動：如海外交流團(上年度好似去英國) 、制服團隊(好似中一級全部學生都有參與) 、有好多領袖團隊(聽講經常邀請校友回校分享交流) 、又有宿舍；學生很守規矩，聽講學校是以小班教學為主，學生有課堂、課外有很多機會發揮。你試上東華三院馬振玉紀念中學既校網看看。以上資料希望對你有用。

chanmimi01

聞說這所學校剛開校時校風平平，但最近七、八年學生很有進步。學生很「四正」，校外BANNER可見高考、文憑試成績多科高於全港水平、全級第一名可以免費去英國交流。剛從校網可見學生於2013DSE有5**、5*成績，學校似乎不錯。

P.S.我住在這間學校附近十多年，希望可以幫到你啦~^^

701003

原帖由 thomson528 於 13-12-04 發表
家住元朗，小朋友就快升中學，想小朋友快D獨立同學識自理，東華三院馬振玉紀念中學OK嗎？成日搭車經過呢間 ...

老師超有耐心！可以寄宿！band 3，校風不算差,而且校舍位置寧靜！唯一考慮的是高中選科,此校科目針對就業實用性多於升學學術需要！

thomson528

多謝咁多位解答，701003，我有D混亂，我係維基百科見到呢間學校文憑試選修科的及格率高同成績都好似都唔錯，係另外一D網又講到好似好好，我都想畀自己小朋友試一試，因為自己小朋友唔係考頭十名，唔係好"標青"，我主要想訓練佢自理同自學能力，同埋希望畀一個開開心心學習的地方畀佢。

thomson528

另外想問一問chanmimi01，你係附近住，有冇撞過D學生，佢哋放學返學的情形係點，學生操行同言語行為得唔得？多謝各位回答。THANK YOU。

701003

原帖由 thomson528 於 13-12-05 發表
多謝咁多位解答，701003，我有D混亂，我係維基百科見到呢間學校文憑試選修科的及格率高同成績都好似都唔錯 ...

只係合格，無可能入大學!最起碼要over20分才有可能入八大最低入學資格的合格率，無實際價值！

ksc0607

我個仔o係呢間學校讀緊中三，呢幾年DSE 的成績都唔差，以今年為例，有個在該校讀左六年的學生，DSE 後順利入讀中文大學人類學；另外，仲有學生入讀左演藝學院的學士課程。
呢間學校近年發展非常不錯，除左之前提及「英國交流團」外，佢o地好著重領袖訓練，讓學生發揮領袖才能。

chanmimi01

我放工好晏，唔係好知放學既情況。

但我每朝早都見到校長、老師都會係校門迎接學生，D學生都好主動咁同人講早晨，師生關係睇落都唔錯。
D學生都好有禮貌，校服企理，個樣都幾乖幾純品。

thomson528

我係另一個POST都問緊人，元朗區有乜好選擇 (不考慮天水圍)，有好多人畀唔同的回應，多謝各位先。

我想問除咗公開試成績、入大學情況、學生同校風，仲有乜嘢係升中揀學校時要留意？我個女又冇意見，都係聽聽埋埋D同學仔講，我開始有D擔心。唉!

ksc0607

作為家長，選校時一定會考慮好多因素，
例如以往入大學率、校風、活動等；
另一方面，要考慮的，是間學校由上至下的努力，
唔係賣花讚花香，記得個仔初入學時新校長上任，都擔心唔知個情況點，
但而家有目共睹，見到間學校上下都為該校的學生努力，
所以極之贊成選擇該校。

701003

如有band 2成績，不需要去馬中

thomson528

我只係想女兒有個可以學會自立同學會學習的地方。由於小女好黐身，係屋企兩老成日服待周到，唔想寵壞女兒，小朋友始終需要一個學習自律，自理同學習的地方。我都怕女兒會入咗一間唔好的學校，可惜女兒成績唔"標青"，我經過呢間學校，知道呢間學校有宿舍，另外係佢校網又好似有好多唔錯的活動，又話注重學生的領袖發展，所以想知多D，好似可以幫我個女。

701003

原帖由 thomson528 於 13-12-07 發表
我只係想女兒有個可以學會自立同學會學習的地方。由於小女好黐身，係屋企兩老成日服待周到，唔想寵壞女兒， ...

訓練獨立有好多方法！唔使移船就磡！

陳文文

回覆 701003 的帖子

馬振玉校風幾好，校風純樸，學生同學生之間關係緊密。
我本來未入呢間學校都好擔心呢間學校係點。會吾會好差，讀完中一，我開始中意呢間學校。
曾經有一排我吾想反學，但因為老師嘅關心，我改善左吾想反學嘅習慣，加上學校有好多補習，可以改善學生跟吾到進習或成績較差嘅學生，仲有佢地有宿舍可以可下點照顧自己，又多活動，一定吾會悶。
加上佢地小班教學，老師一定會照顧到學生。同埋老師又關心學生，同學生關係好好。
如果考第一學校會全數資助去英國交流團。
加上攀樹隊，係好特別嘅課外活動，其他元朗區嘅中學係冇。
加上馬振玉都有學生入讀八大，所以成績並不差‪
校風純樸，學生同學生之間關係緊密，並吾係外人眼中日日打架嘅學校。
加上學校對學生嘅儀容髮式操行要求高，所以令到學生儀容整潔。
加上現時學校加入了IELTS課程，以提升學生英文水平

701003

咁多人開新a/c挺呢間中學？新校咩？之前無人問津？呢幾日無啦啦狂推銷？咁樣此地無銀三百兩其實害咗間學校，令人惋惜

zhuzhu

701003 發表於 13-12-8 00:46
咁多人開新a/c挺呢間中學？新校咩？之前無人問津？呢幾日無啦啦狂推銷？咁樣此地無銀三百兩其實害 ...

所有學校內年報都睇唔度,  呢間band3校有D奇....!

2012HKDSE :通識科、數學科、中國語文科及英文科及格率分別是92.5%、75.5%、71.7%及54.7%。

6年英語學ABC only !

701003

原帖由 zhuzhu 於 13-12-08 發表
本帖最後由 zhuzhu 於 13-12-8 12:40 編輯

信任唔係靠灌水

hkangel89

回覆 thomson528 的帖子

多口問多一次，你一定要知小朋友是B2定B3，選擇分別很大，至於自理能力方面，到了中學，很多事自己攪掂，問題是要放手。

thomson528

我都知自理能力小朋友升到中學就可以慢慢攪掂，但係家有兩老，另一半又有聲音，所以唔想夾係中間，小朋友又無所適從。你哋D意見，我都係聽咗先，我會慢慢求證，有消息或者資料再同大家分享。