死心！

Chunlokm

教育局對幼稚園是有一定影響力的，依家制度上我認為有改善地方係應規定所有幼稚園上報收生名單，家長最遲於每年一月要選定最多2個offer，到比方說五月要決定最終1間，這樣2月便有大量位方出，唔使家長等得太長時間，好慘！

ricky06

都唔明白點解幼稚園唔開埋夜校，大前題係只收沒有am/pm offer的小朋友，甚至係越多waiting or reject letter 越 high priority！

方二筒

寫我心中話 發表於 13-12-4 00:55
其實，小朋友在家好叻，但出去就晤開金口，已是大問題，點解唔針對呢點去克服呢？好似一個跨欄賽跑運動員， ...

點克服呢? 有咩方法呢? 我已

1歲開始上PLAYGROUP, 一路上到2歲幾入PN, 放假去公園去街, 見到人就叫佢叫人, HELLO 同BYE BYE, 而家除左返學一個星期2日跳舞班

咁你教吓我仲可以點做?

siutsunboy

原帖由 寫我心中話 於 13-12-04 發表
得罪講句, 我是過來人,
小朋友太怕陌生人
絕大多數原因是

我同意你。好老實，參加左呢場遊戲真係要明白遊戲規則。我自己仔仔係中B，都唔太識講野，唔睬人，又黏身，之後多d同佢去街，之後就冇咁怕陌生，起碼有反應，如果努力左都係咁都冇辦法，小朋友同家長都盡左力。所以仔仔去PC in冇喊我已經好開心了。其實家長壓力好大，我見好多家長覺得仔女入唔到好學校係因為自己背境冇人好，影響仔女前途而自責。

kkwish

小朋友怕陌生人超級正常，佢哋得2歲，唔怕人，見到咩人都yo晒咁先驚! 呢個更加係佢哋先天的防衛系統，唔係阿豬阿狗都跟。當然，佢哋亦要成長，慢慢學習面對家庭以外的社會，但這正正是學校的功能，幫小朋友學習群體生活，香港小朋友2歲返學根本已很早，還要為咩跟咩遊戲規則train 到佢學前已經唔怕生保? 超Harsh , 對小朋友對家長都harsh, 咁學校要來做咩?

abby0624

小朋友怕唔怕陌生同肯唔肯答老師問題係兩回事。好睇小朋友本身性格，我小朋友唔怕陌生人，仲會主動同人say hello. 但佢慢熱，如見到某啲老師(個樣唔係咁nice)佢要適應一段時間先會講嘢，但你換個滿面笑容或者小朋友佢就好多嘢講。心情好啲又講多啲，冇乜mood就唔肯講。所以對小朋友唔可以咁理想化，佢地都有自己GE情緒同喜惡，唔係一定train up咗就可以如你所願。

Ryan_baba

kelkelng 發表於 13-12-3 23:49
話明係名校，點會咁易入，又要捐款，又要悉心打扮，每個月俾過萬元去栽培小朋友，又要保証佢地入到名小學， ...

請問邊間幼稚園係需要捐款？

lovebb2

原帖由 寫我心中話 於 13-12-04 發表
明白大家的睇法

我以前都係同大家一樣

你好老實，夠坦合

yiyiyi

我女暫時都無 offer, 個心都好急, 如果無一間收都唔知點

我現正經歷緊幫個細嘅教幼稚園, 又要幫個大嘅搵中學 + 溫書考呈分試, 我直頭癲咗咁, 但喺 d 細路面前又要扮輕鬆,

到小學同中學仲 '好玩' 呀

msalice

回覆 kkwish 的帖子

認同！單憑幾個測試，一時三刻點能夠全面地認識我地嘅仔女呢？我地無需懷疑小朋友嘅能力。加油！定能有人賞識！

方二筒

yamin 發表於 13-12-3 21:54
同意。但更多情況係識人......識得老師、校監........識人原來好過識字，我以前唔信，但聽過身邊朋友真實例 ...

識人當然好過識字, 我身邊都聽唔少係識人入到名幼, 可能無辦法之下我都要去搵吓人先

dokanty

我都好認同各位講法, 太講到心聲!!!

其實要個小朋友在面試果刻, 在狀態, 無病無痛, 夾到個學校環境,
唔怕果個老師, 面試問題佢是識的(有時都講彩數) , 而當發揮到最後,
學校又同時收佢, 真係唔易..(可能千幾至幾千人, 收 百幾, 200人)

雖然都盡量平常心, 但收到reject果刻, 難免有失落.....

同埋有時係小朋友性格問題, 有d人天生真係較內向 or 怕羞,
其實有時都很無奈呢, 又想佢入間較好學校/ 龍校... 但又要去較遠的地方
(當然我唔主張過海) 但比起村校要去較遠少少的地方.............有時都很矛盾.

希望大家都, 有理想的offer...

Justsayhi

我頭先又發作，突然問c6其實龍校保係咪真係冇機會，佢立即當頭棒喝話，唔好發夢啦，係都輪父母係舊生先啦，仲要有咁多人報，我當場要收聲

小寶貝兒

kkwish 發表於 13-12-3 04:13
坦白講，呢個遊戲都好無聊下，D小朋友在interview冇表現唔代表佢哋唔叻，我見有D小朋友平時醒到爆，說話唱 ...

你講到抽籤, 我最近得閒走去台灣D網站度睇下, 原來佢地D幼稚園收生, 真係抽籤架!
比如你去申請左A校, 即場抽, 唔中既, 攞住張證明, 去B校, B校要優先收你既小朋友架! 個SYSTEM都幾得意又公平~
同埋佢地有幾類人係要優先收左先既, 大約都係D弱勢社群~

我認同你講, 其實小朋友去IN果幾分鐘, 有時仲要唔係單獨係GROUP IN, 每位小朋友都唔知有冇1分鐘對住個老師! 咁就決定收唔收, 同抽籤真係差無幾!

DLOTWKT

剄！