Delete

monkitkit

我都係比小朋友讀比較深嘅冇學券學校，與其讀d淺嘅學校，跟住又要放學去上其他語文班，咁不如讀d深嘅學校，在學校學習語文，比出面補習社有系統同有效。星期六日我會同小朋友周圍去玩，放鬆下，唔洗日日都上堂咁辛苦。我唔係target名小，唔洗咁谷，只係想佢讀區內1，2線小學，升小一唔洗追得咁辛苦

yamin

原帖由 rabbitzai 於 13-11-28 發表
想請教一下各位家長，如果小朋友讀程度較淺的學券幼稚園，每個月會用幾多錢去學英文或上其他學術性的班呢?  ...

我覺得如果小朋友返半日班，下午放學食飯訓覺後可以返補習班或興趣班都幾好，唔使成日對住外傭

Paypaybear

我覺得而家的教學模式已同以前唔同。講真,我地年代,我係80後媽媽,我記憶係都無學過phonics, 就算有,都唔記得晒😔我本身都係大學degree。有學歷都真係唔等於會識教架。 係要有方法去教先得,所以我信出邊咁多人補習,自有人地的一套方法,呢d錢有時真係唔慳得的。

我都覺讀私幼會好過讀學券星期六日出去補習,除非本身覺得出去補習係無必要啦。 小朋友其實都唔識咩係谷同唔谷,你比咩佢學佢就學咩,最緊要小朋友唔好抗拒番學同學習,就唔怕學習啦!其實學習都係開心架!

讀無學券同谷的幼稚園,都唔等於無快樂童年嘅,只要家長多留意自己小朋友係邊type小朋友,而唔好人云亦云,睇下佢地對學習有無濃厚學興趣,學野快唔快,就再決定幫小朋友揀一間咩學校就最好不過啦！

rabbitzai

我都覺得甘樣幾好!

monkitkit 發表於 13-11-28 21:18
我都係比小朋友讀比較深嘅冇學券學校，與其讀d淺嘅學校，跟住又要放學去上其他語文班，咁不如讀d深嘅學校， ...

rabbitzai

Paypaybear 發表於 13-11-29 00:21
我覺得而家的教學模式已同以前唔同。講真,我地年代,我係80後媽媽,我記憶係都無學過phonics, 就算有,都唔記 ...

講得好好，其實比較深的幼稚園可以愉快學習的，如果返學返得開心，又能適應到較為深的課程就讀私幼比較好，起碼唔怕上小學辛苦。

rabbitzai

剛果公主 發表於 13-11-29 00:36
我有超過廿年教學經驗，對住自己既小朋友都唔係一定攪得惦！始終媽媽既角色係唔同架，唔關乎你讀過咩書，或 ...

又係wor, 我個仔好記得老師講既野，如果我教他學術性既野，他可能無心機聽

cal@wicked

我覺得有學券已經夠。

我自己做英語評估，多數做小學生，local/直資的學生見唔少，到小三後根本幼稚園影晌係小之又小，直資有直資的問題，傳統有傳統的弊處，呢個唔講住。但我堅持要洗的錢，係小朋友小學先至用得其所。

我可以講，小一小二係唔會太辛苦，小朋友到6歲係進入另一個學習摸式，唔好低估佢哋學習能力，到小三左右(local school)，英普幼同學券幼的小朋友程度係爭無幾，除非係入直資小，英文先見得可以持續運用落去。
只要你學校有tsa呢一件事，最後家長都會陷入"操券"的死局，呢類家長我見得多，煩到升中為止。
直資的問題，一樣谷，只係谷得比較活潑，英文用多咗時間，中文就相對少，而且中文係絕對難過英文，到咗小學，中文就成為咗煩惱。
當然，我指的都係大部份，但幼稚園的確係無想像中咁大威力。
所以，如我上面提出，錢係小學(乜嘢小學都好)用就最見效。幼稚園應該比佢哋玩吓drama呢類同時強化語言肢體又的"課外活動"，同埋及早培養閱讀興趣已經夠。

初級媽咪

回覆 cal@wicked 的帖子

多謝你的客觀分析...

teambuilder

唔係樣樣野都可以自己教，我自問唔識教佢唱歌跳舞彈琴，英文更唔駛指意，因為阿女英文流利過我，我d普通話。。。唔好提喇。如果我教佢，佢最多都係學到我識既野，始終自己唔係尊業。我女K2,學校教緊phonics,普通話，口風琴，我自問無一樣掂。

kvvvcheung

原帖由 cal@wicked 於 13-11-30 發表
我覺得有學券已經夠。

我自己做英語評估，多數做小學生，local/直資的學生見唔少，到小三後根本幼稚園影晌 ...

講得好好呀！

魚王

一般net teacher英文堂$300一堂，國語百髹到二百。自己計一計。我高峰時用extra 4-5000一個月。應不誇了。depends want y want

cal@wicked

回覆 剛果公主 的帖子

唔係建議，係事實。:)
我見好多自小不停放錢喺小朋友身上的家長，乜都學，到小三最終都會cut晒，又唔見得個小朋友真係好全面。補習又未見有咩成績，反效果就有，令小朋友對學習更加卻步。


對小朋友，要用啱方法。學習興趣同自發性係最重要，有呢兩樣的小朋友我見佢哋差極有個譜，係有呢一類小朋友的，佢哋喜愛學習，家庭影晌或天資聰敏都有，而學習興趣同自發性呢兩樣正正係零至六歲養成，成日講打好個底，呢個就係個底，完全唔係坊間所講的學術。

我唔係覺得必需要快樂學習，傳統學校同直資學校一樣谷，而係要洗啱錢，用啱方法，認清小朋友性格，小朋友先會走啱路。而喺幼稚園階段嚟講，乜都言之尚早，語言係浸出嚟，唔係谷出嚟。

YS_mommy

同意。不論是否私，也要外補!

w_y

cal@wicked 發表於 13-11-30 17:04
回覆 剛果公主 的帖子

唔係建議，係事實。:)

你講到晒我心底話, 咁多年來眼見班家長亂咁黎, 浪費金錢都算, 累到小朋友要見言語治療又有, 情緒出問題又有. 人講乜又信拼晒命咁催谷, 攪到天才都變白痴先甘心。

michelleung

請問自發性同學習興趣可以如何培養呢？
我知道大量閱讀對小朋友好，是否每天伴讀就有效？是否應該找一些比較少功課的學校等佢地有時間睇下課外書好d?

pokmanma

Push!!!

cal@wicked

回覆 michelleung 的帖子

off topic，借位答。
由早期教育開始，就要及早令小朋友明白負責任係乜嘢一回事。多數自發性高的學生共通點，係佢哋會向自己負責，會求證，會改正。

學習興趣，父母只需要從旁協助，適度調節，唔好干預太多，個個小朋友都有學習興趣有求知心，只要家長唔好打沉就可以。如果小朋友自我要求高，父母角色應該係幫佢減壓而非盡谷，因為小朋友自己心理已負重，你唔需要再幫忙施壓，學習興趣先得以維持。

伴讀好有用，但要持之以恆，小朋友係畢生受用的。同埋當小朋友閱讀時候，父母盡量以身作則，唔好打機住，咁說服力又再高一啲。

功課多或少，當然係少好，但大環境都無得點揀。不過小朋友係好少做唔完功課的，只係效率問題，呢層唔同小朋友要用唔同方法去拆解。如果小朋友鍾意睇書，同多少功課無關，佢自己會要求睇書。即係同打機一樣，小朋友唔會因為太多功課做而無時間打機的。