救世軍, 嶺南, 蘇浙 及維多利亞…….點揀好呢?? 請幫忙!!

進進媽媽

救世軍, 嶺南, 蘇浙 及維多利亞都已取錄了仔仔, 05年尾佢就會入讀N1, 但我依家都唔知點揀好呢??!!  我當然希望佢有愉快的學習環境, 學懂主動自主, 喜歡閱讀, 有自信, 能操兩文三語又懂禮貌規擧及有愛心……人見人愛 (太貪心了, 下省三百字, 嘻嘻!!) 而我打算安排他入讀活動教學式的小學(如果有此類學校收嘅話), 大家可以給點意見嗎?  

救世軍 : 我十分buy佢哋嘅教學方法, 而暫時亦是我最喜歡的學校(以教學方法及老師們給我的印象分計).  但位置離我家比較遠, 而校車亦尚未有cover我的住處.  我亦去過佢哋個開放日, 卻覺得有D小朋友比較污糟, 可見某些家長不太用心打理小朋友 …!!

嶺南 : 校舍比較舊, 而位置比較不方便但有校車cover. (離我家亦不算遠).  Interview時覺得老師比較’求其’…….態度OK但對我的提問好像不懂回答及好似好趕時間!! 但其實在我之後應該已經沒有小朋友在等.  BK朋友比較少討論此校, 有否any朋友可提供對此校的評價及其教學方法??

蘇浙 : 校舍舊但課室都夠大, 上次我去参觀時, 見有很多校車泊在操場內, 空氣十分差, 請問一向都是這樣嗎?? 若是, 小朋友咪唔可以在操場玩??  另外, 佢哋嘅加建工程唔知幾時完成呢??  好處當然係buy佢哋嘅普通話教學啦.  但其實若小學唔讀蘇小, D學左嘅普通話唔知會唔會俾番老師呢??  校風應該比較嚴肅, 小朋友會否唔開心呢?? 但我又見有很多BK家長話佢哋嘅仔女都讀得好開心!!??

維多利亞 : 地方雖然唔細, 但我眼見學生很多, 所以其實小朋友嘅活動空間不太多.  聽說小朋友的英語唔錯, 但我覺得又好似唔值咁貴……!! 其實我亦曾經参加過佢哋嘅laygroup, 感覺麻麻地及again, 活動空間太少, 所以覺得唔值佢哋收嘅價錢囉.

嘻!! 說話太多了………..請各位指教, 謝謝.

noelleung

就是這幾間學校 !! ０

救世軍 - 個校長只認家長的職業，如果你不是專業人仕或大公司要員，回家等消息啦!

嶺南 - 那個不名所謂的校監經常講啟思，如果嶺南不收你，可以去啟思幼稚園!!

維多利亞 - 大商業化!

蘇淅 - 最所因為加建校舍，所以環境有些不好，下學年應該完工。我個女現在上N1，她每天都自願上學，連星期六日都話要返學，可以那裡的玩具多，同學又溫罄，老師又親切。我打算將來她在這校繼續讀K及小學，所以我不用擔心她的普通話退步。


[email protected]

kae

hi
其他的我不太了解，而蘇浙我可以補充番少少，蘇浙的加建工程巳完工啦，只係有d雜物未搬走，另外平時學校如果無大形活動d校車係泊向操場的，但係唔會著車的。小朋友平時返學玩0既地方唔係操場，n班會向操場側邊的"小樂園"玩，我個女就最鐘意呢樹架，k1-k3會向後門個邊有另外一個遊樂場，因為有d梯級所以只會比d高年級學生用，除了遊樂場外有時重會去大禮堂內玩(有玩具無應，如:馬仔、呼拉圈、軟墊for佢地打關豆的)。

我囡囡現在向蘇浙讀緊n1，佢都係話好開心，放假又係成日話要搵老師，上次同佢去spk面試時佢話唔鐘意個老師同間學校所以無答過老師問題，之後我問佢點解佢話佢鐘意蘇浙同林老師喎。

其實若然間學校的老師及嬸嬸不太差的話，小朋友去到邊到返學都一樣會咁開心的，而且佢地只係返過一間學校咁多跟本就唔識得比較。

如果你小學諗住比小朋友讀直資的話，我想信而家10間有9間直資小學都會有普通話堂的，所以學左的普通話又點會哂左呢﹗

但如你鐘意比較活動的學校相信救世軍同嶺南會適合你多d，雖然蘇浙n1同k1係無考試只有評估，但到k2-k3會有考試的。

kae

進進媽媽

noelleung :

看來你很不滿意救世軍, 嶺南, 及維多利亞, 是否有不愉快的經驗呢?  可分享一下嗎??

救世軍 - 據BK網友及救世軍的園長稱, 佢哋係以收到申請表的先後次序嚟決定收生嘅先後, 即係話係排隊.  而園長亦稱佢哋係有教無類嘅, 意思係窮嘅都要收, 俾我嘅感覺係連園長亦無權唔收一D窮又或者唔係幾醒嘅小朋友!!??  其實以我去過兩次所見, 小朋友並不像來自中產或富有家庭, 反而幾草根添!!  有否其他BK網友或救世軍家長可發表一下嗎??

嶺南 - 啟思個名好似做得唔錯, 但嶺南給我的感覺是很古老, 很落後似的.  佢真係活動教學??  最近我知我有一個不太相熟的鄰居, 佢個女係讀嶺南嘅, 但以我所見佢個女十分怕羞亦唔叫人.  我知喱D嘢唔應該賴哂學校, 但我認為學校都係應該付上某程度上的責任!!  唔知啱唔啱呢??

維多利亞 - 其實我唔介意佢商業化, 反之可能會令某些家長覺得賓至如歸添!!  可惜的是玩完佢個Playgroup後, 未能令我覺得物有所值.  

蘇浙 - 那麼, 你並不認為蘇浙的校風嚴肅, 反之老師還十分親切??  你是一向這樣認為還是囡囡讀了蘇浙後才改觀呢?? 不知為何, 我總覺得蘇浙很嚴肅呢!!

請指教  

進進媽媽

Kae,

多謝你嘅補充及意見.  之前我亦看過你的發表及意見, 你給我的感覺是你對囡囡的選校已一早有計劃及定案.  唔似我咁仲未有決定, 所以都有D煩.  唔知可否分享吓你嘅心得呢?  

另外,如果我無記錯嘅話, 你個女出年會轉去浸幼, 是嗎??  為何不在蘇浙讀下去呢?  是太遠嗎? 還是浸幼真係好好多呢? 浸幼又有冇普通話學呢??  

唔好意思, 咁多問題. 嘻嘻   !!

yoyodaddy

其他學校我不太清楚，我致電救世軍問位時，他們都是說依輪候依序入學的。

noelleung

Hi!  我去過好幾間幼稚園面試，這是我對這四間學校的看法。我並不認為蘇浙的校風嚴肅。不然，我每天怎能花整個上午帶我女在這裡上學呢?我bb早上一話要上學，就立即起床話要更衣及拿書包啦! 星期六日及假期都話要返學，我都不知為何? 我想只有一個原因，就是她喜歡學校的生話啦!

其實，我也曾是這間小學的學生。沒錯，一些覺得校風嚴肅，但當你(應該是你的bb)能融入學校的生活，你就覺得老師教學認真。當我帶bb上下學時，我都能和她們談及bb的發展，我也經常在上學時看看他們在課室的情況，所以我都能了解小朋友在課室的真實生活。你有空也可去班房外看看。

上個月，我有機會與二個小學部的小師妹談話，她們都很喜歡這個學習環境，只是話蘇浙公學(中學部)成績不如理想，所以我都打算bb繼續在這間讀K及P。

或許你都去蘇浙家長會的題一看，其他家長都覺得蘇浙的優點遠多個缺點。當然，我不能否認還有其他學校可供選擇，但是就這四間來講，當然大部份家長都會選KSC啦!

Noel

noelleung

還有，我忘記了告訴你一個真實個案。我外甥女曾報讀港島某教會辦的幼稚園，我姐夫(也是教友)的職業是司機。面試後收到信話不獲取錄。然後他經另一個親戚(是某某高層)引線，最後被取錄，還可選上午校。

kae

進進媽媽 寫道:
Kae,

多謝你嘅補充及意見，  之前我亦看過你的發表及意見, 你給我的感覺是你對囡囡的選校已一早有計劃及定案.  唔似我咁仲未有決定, 所以都有D煩.  唔知可否分享吓你嘅心得呢?  

另外,如果我無記錯嘅話, 你個女出年會轉去浸幼, 是嗎??  為何不在蘇浙讀下去呢?  是太遠嗎? 還是浸幼真係好好多呢? 浸幼又有冇普通話學呢??  

唔好意思, 咁多問題. 嘻嘻   !!

進進媽媽

多謝你讚我有計劃，其實我當初同你一樣係咁煩，但而家煩左以後個10年都唔駛咁憂心嘛。

原來你有留意我的留言，係呀，我今年9月會幫囡囡轉去浸幼讀k1，其主要原因﹕1) 我家本住九龍 2)老公好好好...鐘意 3)學校資源充足，教育理念好。浸幼係兩文三語教學的，主要用廣東話另輔設英文堂及國語堂。

其實浸幼同蘇浙可謂兩間完全唔同0既學校黎，我比較喜浸幼的教學模式，少壓力無功課無考試，主要培養到佢有自主學習模式，自己有解決問題的能力，有信心及情緒管理等，而我點解會比去蘇浙讀n1呢？係想佢返k1之前聽多些國語，等佢第日唔會對講國語有恐懼，而英文就在佢細細個時不繼有接觸所以不用太擔心。(因為我有個親戚的女兒在九龍塘一間非常出名的國際學校就讀，無疑英文好好但佢好怕講國語)。其實無論小朋友去邊間學校讀n班都唔會有壓力，因為返去都係玩下，學下自律、自理及少少知識勞作等，最主要我又想佢多聽國語咁無疑蘇浙可謂最好選擇啦。

其實你對小朋友的教育問題有了定案未？想佢向物野教學環境下成長便從那些學校著手吧。

如有問題可再傾下，睇下可唔可以幫到你。

kae

anna_gigi

noelleung 寫道:

"救世軍 - 個校長只認家長的職業，如果你不是專業人仕或大公司要員，回家等消息啦!"



我個囡囡都係讀緊救世軍,你唔清楚唔好亂作 :evil:

Thomastrain

Hi all,

看到您們的討論, 我都有些愚見,其實本來我都有同樣煩惱,但現在已有定案.

我同老公都看了一些書,都認同早期教育的重要, 但必須"專",循序漸進,須則我們的決定可影響孩子的一生. 經常轉變我們的方向會令孩子無所適從,必須量力而為,所以,我們最後決定先學好母語,再專攻英文,之後,普通話,再之,其他語言. 因為,孩子仲細,漫漫長路,無必要一下 把所有野塞俾佢,只要佢唔抗拒返學已是成功第一步.

其實您所提的學校都各有特色, How to choose, very depends on the character of your kid. 我個朋友個仔,佢響Kowloon Tong 一間富貴學校讀K1,佢之前同個仔choose international stream,但個仔已唔肯返學. 因為佢其實唔適合international stream. 現在煩惱非常.

我沒有報蘇浙 及救世軍,只有嶺南 及維多利亞, 並非蘇浙 及救世軍唔好,只是我之前做research 太少,現在我揀了嶺南,亦參考了嶺南家長的意見,覺得比較附合我們的要求.

noelleung

還有，我忘記了告訴你一個真實個案。我外甥女曾報讀港島某教會辦的幼稚園，我姐夫(也是教友)的職業是司機。面試後收到信話不獲取錄。然後他經另一個親戚(是某某高層)引線，最後被取錄，還可選上午校。

進進媽媽

noelleung 寫道:
還有，我忘記了告訴你一個真實個案。我外甥女曾報讀港島某教會辦的幼稚園，我姐夫(也是教友)的職業是司機。面試後收到信話不獲取錄。然後他經另一個親戚(是某某高層)引線，最後被取錄，還可選上午校。

其實這些事周圍都發生緊啦, 唔駛唔開心噃.  所謂朝中有人好辦事, 你應該替你家姐及姐夫高興因為佢哋有一個幫倒手嘅親戚   !!

進進媽媽

Kae,

好多謝你咁詳細嘅講解.   睇完你嘅分享之後, 我覺得我哋對小朋友嘅期望及對揀學校的要求都好相似.  我好同意你話揀間 "少壓力無功課無考試，主要培養到佢有自主學習模式，自己有解決問題的能力，有信心及情緒管理等" 嘅學校, 同時亦想佢可操兩文三語.  

浸幼聽落很理想, 可惜我住在銅鑼灣區.  請問你知唔知在港島區有冇此類學校呢??(浸幼仲有埋小學添!!)  活動教學嘅學校係有, 但仿佛並不着重兩文三語呢!!

請指教, 謝謝  

進進媽媽

Thomastrain,

好多謝你嘅回應.  我都好同意最重要小朋友唔抗拒返學就已經係成功的第一步.  

想請問你的小朋友在嶺南讀了多久?? 他愛上學嗎??  性格好動還是好靜呢??  你當初揀嶺南時覺得它比較符合你們的要求, 現在嶺南真的做得到嗎??  可否也分享吓你們對小朋友教學的要求呢?

另, 為何唔楝維多利亞呢??

唔好意思, 咁多問題

noelleung

他們最後沒有去了這間學校，因為這樣家長在這k幾年也不開心(或許小朋友一樣)。幸好另一教會學校收了她。

noelleung

進進媽媽:

銅鑼灣區有SPK，都是一條龍直資(不用講你都知啦)。我女女都有報名及面試，要到三月尾才有答案，我想都是當參觀學校算啦!

大坑(銅鑼灣區) 有間真光幼稚園，還有附屬小學，不過是私立的，但校風和蘇浙差不多。中學還是津貼的。我女女都有報名及面試，但名落孫山。下次再試!

這兩間都是我的dream school!

noelleung

我也有認同。其實三幾歲的小朋友，連自己的名也說不清，勉強用英語學習，他們只能說三幾個詞語。我個女都是懂說yes,no,apple等等。我都想她先讀中文小學先。不過，現時香港教育政策經常話變，個個家長都擔心啦。不然我們為何晚晚上bk呢!

Thomastrain 寫道:
Hi all,

看到您們的討論, 我都有些愚見,其實本來我都有同樣煩惱,但現在已有定案.

我同老公都看了一些書,都認同早期教育的重要, 但必須"專",循序漸進,須則我們的決定可影響孩子的一生. 經常轉變我們的方向會令孩子無所適從,必須量力而為,所以,我們最後決定先學好母語,再專攻英文,之後,普通話,再之,其他語言. 因為,孩子仲細,漫漫長路,無必要一下 把所有野塞俾佢,只要佢唔抗拒返學已是成功第一步.

其實您所提的學校都各有特色, How to choose, very depends on the character of your kid. 我個朋友個仔,佢響Kowloon Tong 一間富貴學校讀K1,佢之前同個仔choose international stream,但個仔已唔肯返學. 因為佢其實唔適合international stream. 現在煩惱非常.

我沒有報蘇浙 及救世軍,只有嶺南 及維多利亞, 並非蘇浙 及救世軍唔好,只是我之前做research 太少,現在我揀了嶺南,亦參考了嶺南家長的意見,覺得比較附合我們的要求.

Thomastrain

進進媽媽 ,

其實做家長

kae

進進媽媽 寫道:
Kae,

好多謝你咁詳細嘅講解.   睇完你嘅分享之後, 我覺得我哋對小朋友嘅期望及對揀學校的要求都好相似.  我好同意你話揀間 "少壓力無功課無考試，主要培養到佢有自主學習模式，自己有解決問題的能力，有信心及情緒管理等" 嘅學校, 同時亦想佢可操兩文三語.  

浸幼聽落很理想, 可惜我住在銅鑼灣區.  請問你知唔知在港島區有冇此類學校呢??(浸幼仲有埋小學添!!)  活動教學嘅學校係有, 但仿佛並不着重兩文三語呢!!

請指教, 謝謝  

進進媽咪

唔駛客氣，如果香港區以全活動教學的我會選擇靈糧堂或衛理堂，如無記錯呢兩間都係有兩文三語的，而小學就一定會揀港大同學會，佢今年會開辦埋中學添。

(浸幼仲有埋小學添!!)>>>其實浸幼都係有埋中學架。

以上資料睇下幫唔幫到你。

kae