馬鞍山 think

BCoLick

回覆 BERNICEJUNE 的帖子

家長可以參加閱讀計劃, 免費的, 咁每星期二老師會放一本書响小朋友書包, 下星期一還.  書係輪流每星期一中一英咁0既.

BCoLick

回覆 lilbabe 的帖子

唔使. 純綷想小朋友多D機會睇書, 養成習慣.

BCoLick

回覆 lilbabe 的帖子

有書, 係學校自編教材, 會派返屋企, 因為學校有另一set一樣的比佢地响學校用. 我又覺得OK, 我唔知點解另外果位家長咁抗拒咁大反應, 我覺得比本書商出0既書你, 你都係唔知老師响學校點教架啦, 你點知佢係咪頁頁講, 同埋點講?! 可能佢係比佢朋友的經歷影响左.  但我覺得D書係冇咩問題.

我唔係催谷型, 放工返屋企會同小朋友玩下, 睇故事書, 唔會再攞住本課本再睇囉.  (影書上黎我就覺得唔係咁好喇, 始終係學校0既材料.)

BCoLick

其實除左課本, 學校在開每個主題前會貼一張notes在手冊, 詳細解釋果個主題係學D乜野, 如果家長想响屋企同小朋友重溫, 都可以跟住講.

BCoLick

回覆 THSo 的帖子

冇錯, 其實我都覺得學費係貴架, 但係佢真係小班教學, 我仔果班得8個小朋友, 每一班固定跟一個中文老師一個NET, 另外仲有得上普通話.  針冇兩頭黎啦係咪?

我屋企係完全冇普通話語景, 但上次去親子旅行, 三個老師跟我地架旅遊車 (兩個班主任同一個普通話老師), 佢地帶唱歌, 個普通話老師叫得出我個仔個名, 仲同我同我老公講 "他上課很棒的", 我都好surprise個仔竟然上普通話堂係跟得到! 我唔知上堂情形, 但即係老師係有方法教得到小朋友囉, 所以呢間學校真係幾好架.

仲有一樣好係每年都可以比你選一次班, 真係好靈活, 你可以按你目標同小朋友進度去選, 例如你想選英普班, 但覺得小朋友今年未ready去用新0既語言學習, 咁咪下年先選英普囉.  唔會話day 1選了就4年都係咁.

BCoLick

回覆 heyaheya 的帖子

你小朋友讀上晝定下晝架？

BCoLick

BERNICEJUNE 發表於 13-11-25 21:54
我在商場看見think的小朋友很乖，還有學校門口的玻璃櫃內，學生的作品及製作過程非常吸引，所以才報名，現 ...

有全日有半日, 家長選擇.  例如THSo的小朋友K1返全日 (有錯請更正 :) ), 我個仔下年K1讀半日.

THINK有好多班種比你選, 英普班得下晝班, 雙語班有上/下/全. 全日又有唔同配搭咁.

其實佢地每班係都有一個固定的NET跟0既, 英文就會係NET教返.

BCoLick

回覆 lilbabe 的帖子

lilbabe, 你小朋友幾月出世? 8月8號係大家一齊返, 家長可以陪的.  然後已足兩歲0既小朋友就繼續返啦, 第一星期返一個鐘, 第二星期兩個鐘, 第三星期就正常喇, 未足兩歲0既就等到足兩歲先再返喇.

開學前都會有個briefing的,會派校服, 到時老師會俾張紙你, 寫左你小朋友係邊日邊日返幾點咁0既, 照跟就OK.