請問各位媽媽：

MSmrsKWOK

我係一位對自己小朋友學業上比較唔進取的媽媽，我認為小朋友應玩樂佔每日一半時間，除功課外不應再外加補充，我只會跟好學校功課外就講會故事，去公園跑跳玩。
小兒讀開心幼稚園，今年大抽獎入讀本區津小。第一次考試平均每科70分。
好想知道各位已經升中的媽媽們，不外加補充不補習不狂谷。。。真的不可能升讀好學校嗎？真的會輸在起跑線嗎?

heung522

在香港這個畸型的教育制度下, 考試平均每科70分, 很大機會都會輸在起跑線。

carmenlee2202

回復 MSmrsKWOK 的帖子

講真，好睇你自己點騐，初小嗰幾年可以放任啲，上到高小可不行了！

MrsWong

原帖由 MSmrsKWOK 於 13-11-12 發表
我係一位對自己小朋友學業上比較唔進取的媽媽，我認為小朋友應玩樂佔每日一半時間，除功課外不應再外加補充 ...

一直keep住平均70分，可以入band2尾至band3嘅中學！仲要小學都懶散開，你都唔好望佢中學會勤奮讀書！

杰杰媽媽

我仔係一個例子， 佢宜家讀緊間band 1尾英中(他是誇區考入的)， 讀完一年只算係中間人黎。
當年小學我都堅持在家一半時間玩，宜家係全玩， 但佢宜家係有咩考試測驗自動自己攪掂， 小學時係要踢先郁， 佢鐘意玩咩都得， 但只係考試前一星期一齊盡全力溫下書， 我堅持多 d 活動，等佢多 d人生經驗， 讀書在我字典里只係排第2， 想當年佢一星期7-8樣課外活動， 全是玩的， 我相信開發左佢個腦， 到佢大個想幾時讀書都得，  我堅決反對因成績唔好而補習， 平時都係我教佢， 直至宜家佢都未補過習。好彩佢似我好鐘意睇書， 日日返學都一定拎本書在手先出門口，佢睇書快過我， 一本 1“厚既書， 睇5-6個鐘就睇晒（但佢只睇中文書 ）

多年黎我給他的， 做就佢宜家經常要上台面對幾百人都唔識驚， 把口浪過油 （係完全唔知個醜字點寫既， 博咀一流）

講好成績一定論唔到佢， 但我想佢只要成績唔太差就等佢從心出發， 盡可能做佢想做既野。

MSmrsKWOK

原帖由 heung522 於 13-11-12 發表
在香港這個畸型的教育制度下, 考試平均每科70分, 很大機會都會輸在起跑線。 ...

第一次考試70分，希望之後可以跑前快

MSmrsKWOK

原帖由 carmenlee2202 於 13-11-12 發表
回復 MSmrsKWOK 的帖子

講真，好睇你自己點騐，初小嗰幾年可以放任啲，上到高小可不行了！ ...

其實我想要教導佢正確的學習態度，總好過不停狂做補充和補習。。。。
不過又見其他人起步好快，因現在小學教學速度其快，只是怕追不上。

MSmrsKWOK

原帖由 MrsWong 於 13-11-12 發表
一直keep住平均70分，可以入band2尾至band3嘅中學！仲要小學都懶散開，你都唔好望佢中學會勤奮讀書！



  ...

當然唔希望佢一路70分，更當然唔希望佢懶散。。。但我覺得 玩不等如學習懶散

longlokma

原帖由 MSmrsKWOK 於 13-11-12 發表
其實我想要教導佢正確的學習態度，總好過不停狂做補充和補習。。。。
不過又見其他人起步好快，因現在小學 ...

如果你对孩子有一定期望，要追，还要孩子明白未盡力的後果；如果你对孩子冇要求，抱顺其自然態度，便可继續维持現狀～～

MSmrsKWOK

原帖由 杰杰媽媽 於 13-11-12 發表
本帖最後由 杰杰媽媽 於 13-11-12 18:20 編輯

我仔係一個例子， 佢宜家讀緊間band 1尾英中， 讀完一年只 ...

好多謝你的分享。你小朋友的自信真的不能在補充練習中找到，你的例子在我來說是成功例子啦！有開心的小學生活，做人有自信，又能升到好中學。
因為剛升上小學，覺得小朋友真的好可憐，眼見其他家長放學後仍然上學術班又要做補充再補習。。。基本上連瞓覺都無時間，莫講話玩。所以真的好想知道，有得玩的小學生，派位一定好差嗎?

longlokma

爱孩子，不要只著眼孩子的童年，还要考慮孩子的青年、老年……“先苦后甜“，“少壯不努力，老大徒悲傷“ 是先贤的智慧和肺腑之言

MSmrsKWOK

原帖由 longlokma 於 13-11-12 發表
如果你对孩子有一定期望，要追，还要孩子明白未盡力的後果；如果你对孩子冇要求，抱顺其自然態度，便可继續 ...

我想每人都對自己小朋友有期望，追應該有好幾種方法，所以想請教咁多位.

longlokma

原帖由 MSmrsKWOK 於 13-11-12 發表
我想每人都對自己小朋友有期望，追應該有好幾種方法，所以想請教咁多位.



  ...

我觉得先不是要不要谷或怎样谷的问题，而是要孩子明白讀書的重要性，是为他自己而讀，而绝不是為父母而讀～～当孩子明白这道理，自然会用功用心，而楼主孩子未真正發力已有目前成绩，表示其资質不差，若孩子肯用功用心，根本未必需要上其他補習班或輔導班已可追回上游位置了

satu

原帖由 MSmrsKWOK 於 13-11-12 發表
我係一位對自己小朋友學業上比較唔進取的媽媽，我認為小朋友應玩樂佔每日一半時間，除功課外不應再外加補充 ...

坦白講、一般津小考四科平均分七十幾、好可能名次排一百之後、將全级人數分三份、即係band 3、長此下去、好快玩到小五呈分、到時其他人個個能文能武、有幾項绝技、操到fit一 fit. 你會唔會甘心派入band 3 中學？ 成績，入U率都係其次、校風、品格最最重要。
我同意開心學習、不強谷、但七十分即係掌握唔到課程內容、小一課程淺、內容唔多、預埋粗心大意論盡、大頭蝦、正常都應該有八字頭、小一唔需要狂做練習、只要讀識課本同作業、九字頭唔難。 漫漫長路、good luck.

MSmrsKWOK

原帖由 longlokma 於 13-11-12 發表
爱孩子，不要只著眼孩子的童年，还要考慮孩子的青年、老年……“先苦后甜“，“少壯不努力，老大徒悲傷“  ...

我就是太愛我的孩子，唔希望小學就將佢拉得太緊。。
我個人好認同在遊戲中學習呢樣野(學的不只是純學術上)，不過當然正確的學習態度都非常緊要

MSmrsKWOK

原帖由 satu 於 13-11-12 發表
坦白講、一般津小考四科平均分七十幾、好可能名次排一百之後、將全级人數分三份、即係band 3、長此下去、好 ...

我覺得小一第一次考試未掌握課程都算正常，我好明白香港升學所以都是講求分數。
只不過是想知道，有沒有其他媽咪小朋友玩之餘都可以保持好成績?(應該話有90分以上)

MSmrsKWOK

原帖由 longlokma 於 13-11-12 發表
我觉得先不是要不要谷或怎样谷的问题，而是要孩子明白讀書的重要性，是为他自己而讀，而绝不是為父母而讀～ ...

對學習用功用心應該未能達標。只好再加多些心理輔導了！

MSmrsKWOK

原帖由 longlokma 於 13-11-12 發表
我觉得先不是要不要谷或怎样谷的问题，而是要孩子明白讀書的重要性，是为他自己而讀，而绝不是為父母而讀～ ...

對學習用功用心應該未能達標。只好再加多些心理輔導了！

mo-ma

我都好同意吾好俾太多補習啲小朋友，我嘅小朋友除普通話有三，四年班補之外，從就再未補過習（因為始终要考oral），佢地小學成績大多数八十幾至九十幾。大嘅讀緊band1津中，細嘅我估都屬band1。雖然吾系話好top，但我都好满意喇。有時聽倒佢地話某某同學每日放學要去補習，就連假期都一樣，我都鄧佢地慘。不過眼見有啲細路會受呢一套，但我果啲就一定吾得喇。