麗城安得兒/荃灣祈德尊迦南/青衣啟思, 點揀好?

PrettyPC

小女今年響麗城安得兒讀N1, 而家考緊K1, 撇開民生/創價未面試, 荃灣祈德尊迦南同青衣啟思都收左阿女讀K1 AM班, 想問問, 呢三間點揀好呢?

以下係我既感受：

1. 麗城安得兒：而家阿女返緊, OK冇咩問題, 兩文三語有NET, 親子活動都有, 又有學券, 響屋企樓下有地理優勢, 但名氣冇乜, 擔心第時小一叩門有D難度, 亦唔肯定佢地既課程同出面既學校有咩分別

2. 荃灣祈德尊迦南：較有名氣, 主要為第時叩門做準備, 理論上冇學券的課程應該較深入, 對銜接小一較有幫助, 但要坐校車, 擔心會唔會有好多B6

3. 青衣啟思：較有名氣, 主要為第時叩門做準備, 又有學券, 因為係第一間收阿女讀K1既幼稚園, 所以一早留左位, 但外來負面聲音不絕, 有同事個女讀緊N1, 係開心, 但英普時間真係唔多, 而家迦南又收左, 青衣點都遠過荃灣, 地理方面點都以荃灣為先

但係又有矛盾啦, 有時心諗, 既然阿女而家讀得OK, 係咪應該俾佢直升K1, 唔洗佢再適應新環境? 新環境係咪適合佢呢? 好似早兩日見完聖文嘉, 表現係咁多間最差, 我問佢鍾唔鍾意, 佢話唔鍾意, 我唔想為左要搵一間較多名氣既幼稚園而令佢讀得唔開心.

希望各位可以俾D意見我, THANKS!

hinhing

我都煩惱緊, 同樣有呢2個offer (除咗你囡囡個間), 個人對迦南較大興趣~ 因為課程好似深d~ 啓思環境好, 但內容偏淺~~

Mannixwong

PrettyPC 發表於 13-11-11 12:03
小女今年響麗城安得兒讀N1, 而家考緊K1, 撇開民生/創價未面試, 荃灣祈德尊迦南同青衣啟思都收左阿女讀K1 AM ...

純意見參考啦...

升小一排位: 其實除非你是必收生或校友, 或者是教友...(PS. 記著例如你想入浸聯, 一定要係浸信會受洗, 或浸聯認可的... 其他的天主教或基督教都係無分... 順帶一提荃灣的浸會幼稚園同浸聯係無任何連繫的)否則扭得底分15分就真係等大抽獎... 至於你所說的叩門有幫助, 我又覺得不是真的很大... 按照浸聯的說法, 由自行到統一甲乙都要填浸聯第一(其他名校也是, 所謂俗稱的誠意分)才有機會接見, 之後便看小朋友臨埸表現... 我去過深天, 浸聯同伍季明的開放日, 幾間都異口同聲講推薦信是沒作用... 那讀那間幼稚園出身好像變得作用不會太大... 聽返今年升小一D家長講, 在自行分配階段幾間名校有20分都要抽... 15分就真係同中六合彩無分別... 之後在統一排位排頭三位志願的大約得一半... 有些一派便第6,7志願... 叩門有回應的真係好幸運, 有位俾到你直頭要還神的情況下... 統一排位的排序反而更重要!

交通遠近問題: 安得兒先不說, 其餘兩間如果都有校車到, 我也偏向選迦南... 因打風或有事要接小朋友, 麗城去祈德尊點都方便過去青衣...

學費: 安得兒如果讀全日減埋學卷都要俾千幾貳千元, 加埋雜費其實都唔平... 啟思我不太清楚... 你可以查一下再比較... 迦南無得減啦硬食... 其實你試算一下三間的每月使費該有點提示作用... 畢竟相信你也會安排興趣班俾小朋友... 不要忽略這些費用...

假期: 你讀緊安得兒都知佢D假期同旁邊方譚遠良比放多好多... 你也比較一下三間的假期吧....

cscsmlkyh

如果係呢三間我覺得真係冇乜分別(學術上)，但啟思唔會考慮原因係麗城冇車去青衣, 雖然有校車，但假如自己去接送，咁近既地方都要轉車好煩。(當然自己開車/的士另計)

迦南係ok, 但其實地點亦係唔拖唔水，所以呢三間我會情願唔轉校