第一次測驗，慘敗！

venus.c

第一次測驗成績，派咗幾份卷，中英數都肥咗，地理合格，第一次面對測驗肥佬，我諗都要習慣吓

skkeung

中學和小學課程差幾條街！學習模式大不同！早點知也有好處！

燁燁媽

原帖由 venus.c 於 13-11-10 發表
第一次測驗成績，派咗幾份卷，中英數都肥咗，地理合格，第一次面對測驗肥佬，我諗都要習慣吓



  ...

習慣？
習慣咩？
習慣肥佬？
我同一樣， 慘敗收場！ 但我不打選選擇習慣！
我自知我仔開學hea爆〜 亦都以為大個仔要放手， 但其實唔係囉！
如果你現在選擇習慣， 就等於半放棄仔仔〜

但以上我講既不包括會自律仔女〜

黃巴士

燁燁媽 發表於 13-11-10 15:26
習慣？
習慣咩？
習慣肥佬？

小朋友點睇?? 有無反思??
個人覺得中一上學期, 家長不可全完放手.

燁燁媽

原帖由 黃巴士 於 13-11-10 發表
小朋友點睇?? 有無反思??
個人覺得中一上學期, 家長不可全完放手.

係測前比我丙獲金才開始知衰〜
可惜時間都不夠用〜 每科最多得一天時間溫〜 有些更加沒有！

millyyam

中學記筆記同自我温習很重要

燁燁媽

我要上班， 極力增取星期六同日在家
~

但仔星期六有制服團隊， 所以如要看住溫書或陪他溫都只能得星期日〜
我仲有個女呢！
時間根本不夠用〜

現在仔就乖乖的在做功課， 因為我在家〜
如我不在家他還是在Hea爆中〜

venus.c

原帖由 燁燁媽 於 13-11-10 發表
我要上班， 極力增取星期六同日在家
~

時間真係唔夠用，每晚都成8點幾先返到屋企，睇完功課都差不多要瞓覺，中學數學我真係，搵咗個補習，之前測驗一日兩科，唔夠時間溫，一月考試就一日一科，希望會攞返好成績。

chun媽

中學的合格分數一般是50分,合格分已調低,當然家長不能要求下下好似小學成80,90分,但也要有底線,就是攞合格的分數,第一次測驗,我想, 一般學校都唔會出得好深,都唔想學生唔合格,反而到中期試才見真章,那時候才更加難
我個人都唔主張中一完全放手,而是逐步來,指引他們學習的方法

kitbebe

唔合格就要睇下是什麼原因了, 我唔理個女溫習, 放手比佢, 不過佢自己都好緊張成績, 今次成績合格, 但唔係高分, 中一算係熱身, 要佢自己摸索怎樣去溫習, 改善自己的弱點, 家長幫唔到咁多.

pen2012

我囡派了五份卷都合格(包括中英數主科), 鬆一口氣

Sasaalan

我囝IS唔合格, 其他都不算高分, 除左數學! 因為小學Hea憤, 所以暫時總未習慣, 俾少少時間佢吧!!

winniebb30

我囝都有幾科唔合格, 數學好多好難, 可能因為佢小學係中文學校, 而家樣樣都係英文, 好吃力

wwyee

其實你地仔女唔合格，係因為上左英文中學，教學以英文為主至令測驗唔合格，定係其他原因呀？
我個女係中文中學剛派英文卷，好彩合格。

JoyceMum

第一次測驗唔適應都唔奇,最緊要懂反省

na..na

原帖由 燁燁媽 於 13-11-10 發表
我要上班， 極力增取星期六同日在家
~

我個女同你個仔一樣,我不在家永遠不會自律做功課，溫習！

STH920

我個仔上到中學又係Hea爆, 平時功課又唔多, 測驗前叫佢溫書又懶懶閒, 卒之小測maths, LS, geography都唔合格!  

好彩佢自己都知衰, 仲同我講下次一定會盡全力, 唔會好似今次咁....希望佢真係講得出做得到la

燁燁媽

中學太多科， 根本補唔到幾多〜
如科科都補習會超貴， 為有自已辛苦些頂硬上〜

lovelyTabo

我囝肥左3科  仲好好好差