高主教，學之園，北角民生，大家會點選？

amysytsui

高主教，學之園，北角民生，大家會點選？我家的是男孩，但有妹妹跟尾

lovebb2

我揀高主教

amysytsui

多謝意見！可否講講原因呀？

amysytsui

有冇人可以比D意見同講下點解？唔該曬！

sw_2013

學之園妹妹無優先喎

tiggerpiget

1.學之園
2 高主教

月桂樹小姐

學之園全面啲。。。

pekkle321

1.高主教
2.學之園

pekkle321

我仔K1高主教，Pn學之園！好睇家長要咩？
如你只重學術，學之園！K1已教詞語同深英文字！
我自己prefer品德，就高主教好好多！但學術都唔係淺，只係冇學之園咁深！

amysytsui

pekkle321 發表於 13-11-21 18:37
我仔K1高主教，Pn學之園！好睇家長要咩？
如你只重學術，學之園！K1已教詞語同深英文字！
我自己prefer品德 ...

高主教全校只得兩個net, 一個星期兩堂英文，你覺得由學之園𨍭左去高主教，英文有冇差左？學之園感覺好活動。想問高主教係咪好全統？谷谷地？

月桂樹小姐

我小朋友係由學之園轉去高主教架。。所以2間都有直接比較。我覺得價錢差唔多，但語竟係學之園好啲，學之園係進取啲，新派啲，訓練小朋友主動啲，大膽啲，家校溝通多啲，亦有好多渠道俾家長知我小朋友响學校情況進度，唔係話高主教無。。只係如要比較就學之園多過高主教。
高主教有佢嘅特質。。。佢重中文，德育，紀律同信仰，呢幾方面學之園係無咁好，甚至係無（宗教背景）。
都係睇下個小朋友受唔受，我大仔比較主動活躍就會學之園啱佢多點，細果個性格服從啲，比較內向，我覺得佢讀高主教啱佢。

我諗講谷，應該學之園谷啲，不過叫做谷得嚟活動。

DevilPig

原帖由 月桂樹小姐 於 13-11-21 發表
我小朋友係由學之園轉去高主教架。。所以2間都有直接比較。我覺得價錢差唔多，但語竟係學之園好啲，學之園 ...

我感覺學之園比較重性格培養，你覺唔覺得係？老師打電話跟進，多數同我地家長講性格問題，例如比較內向，怕羞，上堂唔專心，任性，硬頸等等！高主教有嗎？

amysytsui

月桂樹小姐 發表於 13-11-21 19:48
我小朋友係由學之園轉去高主教架。。所以2間都有直接比較。我覺得價錢差唔多，但語竟係學之園好啲，學之園 ...

你話學之園冇，係指宗教背景，或是德育同紀律？我仔比較活躍，但紀律就一般，尤其是在家，咁邊間比較合適？

月桂樹小姐

回覆 DevilPig 的帖子

你講起都係，我大仔果時都係講佢外向，自主呀...平時上堂情況多, 其實呢比起學之園, 高主教係好少家校溝通架...我開頭轉嚟仲覺得行政有啲混亂添。 所以開頭好唔習慣, 不過呢個都唔係高主教問題, 好多學校都係咁, 無電話好過有電話。

我大仔之前係學之園讀英普, 過到嚟普通話大退步, 我無額外俾佢再學啦...再學就好貴, 所以算啦。係學英文, 都無退步, 只係無咩進步啫。我講係「講」方面﹗始終我一星期一兩堂(校外)唔同以前學校日日聽同講。

高主教比學之園早寫字, 功課量又唔算好多, 有功作紙做, 另外有抄寫功課。

高主教品德同紀律嚴謹啲, 底衫著咗黑色, 阿仔返嚟都話校長話要著返白色...咁啱白皮鞋佢話頂趾, 著住白波鞋一日先, 都比老師發現, 阿仔返嚟又同我講老師話要著白皮鞋...如果係學之園就無呢啲囉﹗

佢地品德係教得好, 教小朋友有同理心, 同情心, 互相幫助, 宗教信仰方面都教得好好, 教小朋友做個好人。

魚與熊掌不可兼得, 學術同品德, 好難2全其美...我自己一直都同自己調節緊....同自己講, 品德同信仰係一世, 學術係隨時可以學...

月桂樹小姐

學之園有細佬妹都不是必收, 識人大的讀緊, 細果個唔收~!
高主教, 我大仔讀緊, 剛收到OFFER細果個收咗~~

pekkle321

原帖由 amysytsui 於 13-11-21 發表
高主教全校只得兩個net, 一個星期兩堂英文，你覺得由學之園𨍭左去高主教，英文有冇差左？學之園感覺 ...

可能我仔係學之園讀PN, 所以唔太覺佢英文有差左！反而冇咁深佢仲唱多左歌仔比我聽！其實高主教另有英文老師上堂架，只不過唔係net! 我反而鐘意咁，因為net此終同我地教育唔同，所以有中國人英文老師都係一件好事！我自己睇法比較特別，我重品德多過一切！呢樣學之園比較難學，因為net始終不及中國人嚴，所以我會喜歡高主教多d! 因為個人覺得學術自己肯花心機教，都可以好好，但品德，人同人相處，在家會難學些！

pekkle321

原帖由 DevilPig 於 13-11-21 發表
我感覺學之園比較重性格培養，你覺唔覺得係？老師打電話跟進，多數同我地家長講性格問題，例如比較內向，怕 ...

我讀pn時一樣冇電話到，有都係唔係好野，所以對我冇乜分別，可能老師問題，我冇人打來說我仔性格！
另學之園一定要打電話先找到老師，高主教有樣好係去到班房門口接放學，可以見到班主任，隨時同佢傾！佢地連我仔仔著隻鞋有少少唔舒服都會同我講！
仲有高主教早會係開放比家長睇架！可能課堂冇學之園咁open, 但都不太差

DevilPig

原帖由 月桂樹小姐 於 13-11-21 發表
回覆 DevilPig 的帖子

你講起都係，我大仔果時都係講佢外向，自主呀...平時上堂情況多, 其實呢比起學之園, ...

你大仔係英普班，咁幾時轉高幼呀？我地要决定英普定英粵，可以比D意見嗎？