又一村 VS 協和 ，難取捨！可俾些意見嗎? 感激！

hhheidi1998

又一村pm offer, 協和am offer
你們曾經也有這兩間幼稚園的決擇嗎?

煩惱中！

wynnlitheboo

我都有lee兩間offer,揀左又一村

hhheidi1998

回復 wynnlitheboo 的帖子

又一村上午班定下午班？？大B定细B？？協和已交留位費？？
協和有興趣班，其中一個係非洲鼓，仲有小童軍添，但又一村都有興趣班，就平常d嘅！

又一村令到家長有賓至如歸嘅感覺，同咪係一間滿有愛心嘅學校！

hhheidi1998

回復 wynnlitheboo 的帖子

点解你会選又一村呢? 可否分享吓呀?

wynnlitheboo

協和(只拎到下午班既form)同又一村都係下午班, 我個囡係十月細B。協和果到交左留位費啦, 因為係第一間有offer，所以一定要留左位先。兩間學校既老師都好nice，我相信兩間學校既老師都有愛心，確係好難揀，唯有從外表取決啦，無論校舍(大同設施相對多)同名氣(二千幾人爭二百幾個位)，協和一定係比下去，果日我係搭的士去in，落的士時有個我估係校工既男士幫我開車同閂車囉，我真係幾咁唔好意思呀。至於興趣班，我都未必一定喺學校學，lee d唔係我最考慮既因素。

小兔子乖乖

AM OFFER時間上好用好多。

luvysl_blythe

協和am

WongYvonne

the one with am

BabyGisele

聽講好似又一村轉咗好多新老師, 冇以前咁好, 所以都苦惱緊 take唔take呢個offer

ymnhappybaby

協和am

hhheidi1998

我相信又一村係各位媽媽嘅dream school!
而協和係希望可入到協和小學！但實際有無幫助呢?
今日急轉直下!因今日我問左一位教育界朋友，佢話幼稚園也有排名，學校派得好唔好都有影响！

BabyGisele

唉....所以好苦惱, take 唔take 又一村個am offer, 人地又話開心學習, 上到小學好辛苦, 但我見佢校舍咁大真係好吸引,  

hhheidi1998

回復 wynnlitheboo 的帖子

我對又一村嘅感覺也是與你相同！實在係賓至如歸！感覺好好！我老公鐘意協和，而我鐘意又一村！

Ak27

BabyGisele 發表於 13-11-7 15:48
唉....所以好苦惱, take 唔take 又一村個am offer, 人地又話開心學習, 上到小學好辛苦, 但我見佢校舍咁大真 ...

"上到小學好辛苦"..  其實喺香港，一係三歲開始辛苦，一係六歲開始辛苦je。

小耳瑪姬

我係協和pm offer,又一村am offer,都煩惱緊，驚小學適應唔到，同埋呢排睇bk comments話老師流失率高，但唔知內裡原因，樣樣都係靠估，唔想因為人云亦云影响咗阿囡所行嘅路。

BabyGisele

老師流失率高係事實, 所以我先咁苦惱

jebbie

想問一下, 是又一村資深老師流失率很高嗎? 其實Interview那天見到D老師, 普遍超後生架... 所以有D擔憂

wubobo28

我同事個仔都係讀又一村讀得好開心，今年9月讀培道小學（係直資-＞已經比較少功課），依家頭痕中，個仔唔肯做功課，因為不嬲功課唔多。

小曳人

我唔清楚協和，但有朋友小朋友嚟又一村開心3年，換來惡夢一樣嘅小學生涯..
因為實在太hea 喇！

當然，要睇返家長嘅教育理念，係咪想咁啦！

小曳人

Ak27 發表於 13-11-7 16:12
"上到小學好辛苦"..  其實喺香港，一係三歲開始辛苦，一係六歲開始辛苦je。 ...

唔一定
當然家長要小心了解各小學特質先
要搵輕鬆小學，其實唔難

辛苦嘅係父母對小學教育有要求，要小朋友讀名校/傳統教學小學，但推小朋友去讀happy KG

學習可以開心，但測驗考試都一樣可以正面地面對！唔一定痛苦！
當然一樣有人讀happy kg之後入傳統小學無問題，但作為家長，如果一心想佢讀傳統小學，就應該俾小朋友多多少少都習慣一下自己做功課呢樣嘢！良好嘅學習習慣養成之後，上小學就自然大人細路都無咁吃力啦！