2011 年 細B 家長的矛盾

teambuilder

唔係潑冷水，樓主咁安排對考名幼係絕對不利。到你想考名幼repeat k1時就會後悔點解唔入左該校pn先要搞到k1插班。冇錯你係有兩次機會考龍/名幼，但唔保證考到。老實講如果唔介意讀咩學校，5歲8個月去大抽獎就得，k3都唔駛讀。建議揀學校係睇學校質素，而唔係收你做大定做細。純個人分享。

sheryl.lam

我仔都是11年12月細B，本來一直只打算報k1，已經in佐兩間都唔收，都驚驚地，唔知點算好啦，黎緊仲有兩間in，如果都唔收唔知點算，仲有無pn班收人啊？

小洪寶

樓主既諗法/ 顧慮同我完全一樣，11月細囝，未開學所以唔知佢跟唔跟到，但而家已經要諗申唔申請repeat PN (如果老師話佢跟唔上，我反而心安理得做大囝)。同意repeat都唔想係PN，但正如其他家長講K1位好少，要爭得入都有難度
入唔入到名幼都係小事，最慘係考小學時候細囝仍然有差距

annayu

原帖由 teambuilder 於 13-10-31 發表
唔係潑冷水，樓主咁安排對考名幼係絕對不利。到你想考名幼repeat k1時就會後悔點解唔入左該校pn先要搞到k1 ...

正確得很！

fablee

我個女係11年12月，本黎都諗住可能下年先報k1，但九月有學校收佢插14年1月讀pn（可以直升k1），諗法就唔同左，學得唔需要再等多一年，今年報幾間出名既k1，得就得，唔得就算....多得有個k1位，壓力真係細好多...

kayeea

原帖由 fablee 於 13-10-31 發表
我個女係11年12月，本黎都諗住可能下年先報k1，但九月有學校收佢插14年1月讀pn（可以直升k1），諗法就唔同 ...

邊間肯收插班讀pn咁好？

sweet_heart2011

回復 teambuilder 的帖子

我都想過報出年名幼PN, 以便做超大B容易D入該名幼K1，但出左d意外，就係錯過左蘇浙同玫瑰崗既deadline，好自責。我會報維記PN。其他港島名幼無咩邊間有PN，所以有以上想法。

fablee

kayeea 發表於 13-10-31 22:13
邊間肯收插班讀pn咁好？

冇學券既一般都得

FerreDeng

我又唔覺得大細B有好大差距。我仔K1，朋友女兒K2，無論英文，數學，中文認字，我覺得兩人識嘅嘢差唔多。我好俾心機湊仔，同讀書，返興趣班，陪玩，陪跑步。家長付出幾多，小朋友同樣吸收幾多。我覺得仔仔唔算聰明，但系佢肯學，我買左好多中，英，數習作，例如每天要寫5個1，但系佢會自己寫夠10個，20個。做晒功課和習作我會陪佢玩。所以家長要"以自己小朋友"定一個目標，而唔系與別人比較。

魚王

不要矛盾了，做人b la

魚王

大b i mean

chiyin8

回復 abccynthia 的帖子

我女仲慘, 2011年9月, 但早產佐3.5個月, 所以佢而加既發展等同2011年12月,K1 interview問咩都答唔到, 就算想明年再報K1, 人地唔收超大B, 所以選擇都少, 應該點算啊??

snowhxf

abccynthia 發表於 13-10-31 09:13
其實,我覺得如果係11或12月的b反而係多個機會,又可以做細b讀k,又可以做大b讀n。我女11年10月,話細又唔算最 ...

好有同感！我個仔都系11年10月！宜家報左好多k1都吾收點算！

annayu

原帖由 chiyin8 於 13-11-04 發表
回復 abccynthia 的帖子

我女仲慘, 2011年9月, 但早產佐3.5個月, 所以佢而加既發展等同2011年12月,K1 inte ...

先揀間有位的私幼插入今年N班讀書。
明年再考。

cwshkm

唉！我個仔2011年11月報左4間有2間唔收，重有2間未面試，我都好擔心呀！

Gorisma

Hello, 我女又是12月細B，之前in左較出名的k1，多為後備生或唔收，我都打算俾呀女讀住pn（私幼）先再算。
另外想問各位知晤知作為後備生，被取錄的機會大嗎？
感謝！

MrBeast

chiyin8 發表於 13-11-4 22:05
回復 abccynthia 的帖子

我女仲慘, 2011年9月, 但早產佐3.5個月, 所以佢而加既發展等同2011年12月,K1 inte ...

恕直言，你呢個case, 早產B初初發展有機會會慢d，但大些會catch up到, 最好做大B，問下e生議見。

好有問題

大家唔覺大細b有咩差距，因為仲細，到小一先發覺吃力，大b可能出50%力，細b就要出100%力追，睇你點諗，唔係跟唔到嘅，只係吃力d....

explorerhk

sweet_heart2011 發表於 13-10-31 00:08
11年12月女，出年一月會返PN
依家全力報 2014 K1, 幸運地已經有一個am offer, 加埋PN 果間原校升K1, 接下來 ...

其實唔洗諗太多， 見步行步， 船到橋頭自然直， 我小朋友同你小朋友差唔多情況， 10年11月B， 而家讀緊internatinal kg K1, 由pn直升上去，今年9月會轉去sc repeat K1. 本來無打算repeat k1. 由於已經有書讀緊， 所以今年只係報左幾間名幼博下心態， 考到就諗， 考唔到就唔洗諗， 點知有意外驚喜， 暫時有sc同kv offer. 我發覺今年小朋友考試同舊年最大唔同係佢已經讀緊k1, 老師問d問題老早識晒， 好似數1至10果d跟本難唔到佢, 因為佢已經可以用英文數到去50， 所以收到offer機會大左好多. 但上年報kg大部份waiting,  只得幾間2線kg offer. 以前我會好介意佢做超大b, 好似浪費左1年咁， 但而家我完全改觀， 做超大b好多好處， 同一班永遠做最大果群， 假設小朋友身心發展同同班小朋友差唔多， 咁你小朋友永遠都係最成熟果群， 班主任選乜代表都比較喜歡選成熟果d, 你又著數左， 讀書理論上會易吸收過細b, 甚麼運動會果d比賽， 小朋友體格又成熟d, 贏比賽又機會大d. 當然細b有d都超醒就另計， 我講緊一般情況計. 我地已經好好彩， 你諗下8，9 出世果d, 想做大b又唔比，永遠做最細果群， "sit"底晒， 我自己就係8月出世， 我讀書時已經發覺時時成績好果d都係春天出世， 以前細果唔明， 而家明晒.

所以有乜就讀住先， 要repeat就repeat k1, 唔好repeat pn, 因為pn唱遊成份多， 學唔到乜野

fion_yinyin

我真係唔覺大、細b好多差距law。我大兒子11月出世，so far 升小學都無問題，考英文三份卷仲全部100分tim。所以唔係純年頭vs年尾出世既問題，係小朋友本身興趣同能力問題。