過來人請來幫幫忙

yanyan~~

我個小朋友去cac評估左 要排e+s位 但由於評估個陣我仔仔好眼訓 狂喊狂叫
平時我仔仔有好強的眼神接觸 而且人地叫佢 佢會望人的  所以我唔覺我小朋友好似醫生講既咁嚴重
不過發展遲緩我一早知 語障我都知道 (現睇緊庭恩一星期一堂st訓練)
我一做過特教的朋友話我小朋友唔多似自閉 但叫我排左s位先 到時排左後我仔仔情況可能大有進步唔使入
不過大家都知道 政府野唔好慢慢等 浪費時間 我想知而家我有咩野可以幫到我仔仔??
現一星期一堂st 一星期2堂學前pg(小朋友自己上堂) 我應唔應該搵間n班比佢讀 或搵社交小姐呢?
因為我仔仔29個月唔太識講野 單字仲係超有限公司(睇st之前1個單字都無)

yanyan~~

唔記得講 我小朋友之前做過言語評估 只有10個月~1歲的說話能力
昨天cac評估 就話整體只有1歲
但14個月識放手行  11個月識爬 係小肌可能弱 醫生講得唔太清楚邊方面"最弱"

henhen

以下是個人經驗及少少分享.

邊間CAC呀?

你可以做既野有好多, 大小肌都要TRAIN, TRAIN大肌就同佢去多D公園遊樂場玩呀跑呀爬呀. 小肌就可以靠TABLE TRAINING, 例如比佢入下籌碼 (自制), 泥膠......(坊間仲有好多TRAIN小肌既教材)

說話就可以買D有圖既字卡, 教佢跟住讀. 你如果有上開言語治療就同下做下口肌訓練.

有社交小組同返學緊係好啦.

CAC講既野, 你信又好,唔信又好, 不過你知道你小朋友係慢左就快D同佢做TRAINING去追, 唔好搵EXCUSE, 0-3歲 係黃金期. 政府就照排, 排左到時候再諗啦. 我當時不停同自己講, 有冇問題都好, TRAIN左先, 做左先,做左 唔會對佢小朋友有害, 唔做就可能會遲同後悔.

pocoyo123

如果經濟能力好些, 坊間有些私人S位, 有晒3T訓練, 進步會顯見.

反之, 如樓上家長說: 多做針對家居訓練, 每星期1次的ST已足夠, 返下一些社交小組都有幫助

yanyan~~

henhen 發表於 13-10-26 13:29
以下是個人經驗及少少分享.

邊間CAC呀?

我係沙田評估架~我後來問過庭恩d社工同st 佢叫我到時唔滿意s位可以唔要 或先去參觀一下 因為佢地都認為小朋友係唔需要嚴重到去s位
因為我評估個日小兒勁眼訓 所以剩見左兒科醫生 其他咩野st ot 心理學家係無見架~(張紙剩係寫左見過兒科醫生.)
所以聽力係後來補返 我第2次去 問左聽力學家 佢話醫生轉告比我知 我仔係無自閉 大小肌正常 手會弱少少但唔係大問題 所以唔需要見ot 入s位原因只係唔識講野同言語理解差
後來我真係問醫務社工 佢話可能真係醫生搞錯左少少  但都比我排左s位同令傷殘津貼先左  好似話用言語發展遲緩作原因去令
當然我一直都有帶去公園 係家又玩泥膠呀個d小手肌運動 可能正因為一直有做開 所以醫生話我仔大小肌無野

yanyan~~

回復 pocoyo123 的帖子

其實我後來問左st 佢話我仔係唔需要嚴重到去見ot 因為行得走得跑得 剩係手弱左d 去公園玩玩就夠

pocoyo123

大肌差, 去公園玩下是有幫助, 但相對小肌, 去公園玩幫助不大, 要問清楚是那方面

viviankai

你小朋友有冇公立醫院兒科醫生跟進緊，如果有你可以RECOMMEND佢俾醫院PT OR OT見下，起碼有醫院OT OR PT幫手會快好多架個進展。

我個女係CP，佢未比CAC俾評估之前，已經由兒科醫生轉介晒俾PT同OT然後由PT要求兒科醫生寫信排E+S位，依家入左E位KEEP住有醫院PT佢進度好好，雖然等緊S位，佢個PT叫我試下排

賽馬會方心淑引導式教育中心 (日間特殊幼兒中心)

因為佢智商冇問題只係4肢有問題
如果你覺得小朋友唔使排S位咁嚴重，你亦可以試下呢間問下

coffeeyu

我個囝需做言語治療，但政府要到15年12月先有得睇，屋企收入低，我準備同佢去報庭恩，吾知要排幾耐,另外,我吾系好明白咩系s ,咩系i ?

bauhiniakan2000

如果政府醫生衹同你小朋友排黳院語言治遼,衹係語言馒就針對語言去做,無同你寫比社署轉介就無得排 s,e,及i位,可參考以下 link 去教佢及知道 i,e,s位係乜
http://youtu.be/BGT39cpGzU0
http://www.dhcas.gov.hk/tc_chi/centre_info/centre_info.html
http://www.dhcas.gov.hk/tc_chi/scope_ser/scope_ser_client.html
http://www.dhcas.gov.hk/tc_chi/health_pro/develop_dis_ld.html
http://www.dhcas.gov.hk/tc_chi/health_pro/develop_dis_ld.html
http://www.swd.gov.hk/tc/index/s ... fserv/id_serpresch/
http://www.swd.gov.hk/tc/index/s ... serv/id_earlyeduca/
http://www.swd.gov.hk/tc/index/s ... serv/id_specialchi/
http://www.swd.gov.hk/tc/index/s ... erv/id_integrated2/