有什麼辦法可以令亞女小心d?

PandaTam123

我女今年小二, 剛test 完, 中英數都只係6x-7x分, 見佢份試卷唔係唔識做, 有九成錯埋d大意野, 好似英文寫錯大小楷, 漏s, 睇錯圖答錯句; 中文寫錯字, 如"了"字寫錯"子"字, 重組句子明明上面寫數字重組啱, 但寫落去就寫漏一組字, 數學又係唔睇清楚題目, 叫只寫三位雙數, 就寫三位數, 加減數又要心算但又算錯, 諸如此類既野都係咁, 佢成日都係咁大意, 默書quiz 個d都已經成日係咁, 老師都係簿叫佢小心, 但唔知點解佢都仲係咁, 有乜辦法可以改善佢依樣野......... 有時真係好灰, 提早溫習都出來咁既成績.

skkeung

試吓高分儲星星送小禮物！

好work！

PandaTam123

skkeung 發表於 13-10-25 16:25
試吓高分儲星星送小禮物！

好work！

儲分依樣野不嬲都做緊, 默書小測測驗考試都有計分, 佢都好重視依樣野, 但問題係佢自己都發覺錯埋依D野先慘, 所以默書唔會攞到100分, 中文一定有一兩個字漏一兩畫. 英文就漏字母, 大細楷, 已經之前串到好熟都係咁..

jojoplanet

PandaTam123 發表於 13-10-25 16:17
我女今年小二, 剛test 完, 中英數都只係6x-7x分, 見佢份試卷唔係唔識做, 有九成錯埋d大意野, 好似英文寫錯 ...

我個仔如果小心D..份份卷可9字頭但無奈......

PandaTam123

jojoplanet 發表於 13-10-25 16:54
我個仔如果小心D..份份卷可9字頭但無奈......

我女咪一樣, 我將佢D唔小心被扣既分數加埋都係一樣去到9字, 但佢d大意真估佢唔到
我成日都同佢講, 如真係唔識扣分就話, 咁樣大意唔小心扣真係唔抵嘛! 我都唔係要求佢取高分, around 80我已經好滿足.

jojoplanet

PandaTam123 發表於 13-10-25 16:59
我女咪一樣, 我將佢D唔小心被扣既分數加埋都係一樣去到9字, 但佢d大意真估佢唔到
我成日都同佢講,  ...

我樓下補習社既人話...高分個D 人有時唔係特別叻(包括名校)只係佢地好小心, 少被咁樣扣分.

JJDBB

原帖由 jojoplanet 於 13-10-25 發表
我樓下補習社既人話...高分個D 人有時唔係特別叻(包括名校)只係佢地好小心, 少被咁樣扣分. ...

讚成，精英班考咩？考小心囉！

JJDBB

原帖由 JJDBB 於 13-10-25 發表
讚成，精英班考咩？考小心囉！

講是初小

PandaTam123

jojoplanet 發表於 13-10-25 17:23
我樓下補習社既人話...高分個D 人有時唔係特別叻(包括名校)只係佢地好小心, 少被咁樣扣分. ...

十分認同你所講既野, 唔知亞女幾時可以係其中一份子(好小心少被扣分)呢!

PandaTam123

JJDBB 發表於 13-10-25 17:31
讚成，精英班考咩？考小心囉！

最擔心亞女係去到高小都咁唔小心....

JJDBB

原帖由 PandaTam123 於 13-10-25 發表
最擔心亞女係去到高小都咁唔小心....

現在開始訓練，有冇做補充，有的話坐在隔離一個一個字叫佢讀你聽，佢去理解，但是這方法不能用太長，因為会做成依賴；(這方法是冇做野的媽咪教的)用不著我身上。另外，考試要撿查分卷，做完有時間多，要查卷，如果得六，七十分，家長睇完卷系大意分，問下小朋友有冇Check，有冇用心
去檢查........跟著仲要再了解......

Good-Luck

有時真係要等小朋友開曉，有時有啲小朋友去到小四突然成績好好，唔係佢突然間好叻咗，只是佢明白做卷時要小心，所以成績好咗好多咁解。

skkeung

回基本，小心與專注力有莫大關係！

打機太多會减低專注力！

jojoplanet

PandaTam123 發表於 13-10-25 17:33
十分認同你所講既野, 唔知亞女幾時可以係其中一份子(好小心少被扣分)呢! ...

我有時想係咪要認命！我甥仔成績好又以自律阿嫂比佢做既練習佢每日都好乖咁自己做。但阿嫂都係佢升小五時辭職唔做。我放工日日睇功課、教佢方法、出題佢做乜都做齊結果都係得個吉！
佢係細b小一時好大希望佢大點會好d點知小二仲衰過小一。我一向同佢講盡左力就得但係佢連機本既野都做唔好！

bbchoi

同意!

PandaTam123

JJDBB 發表於 13-10-25 17:46
現在開始訓練，有冇做補充，有的話坐在隔離一個一個字叫佢讀你聽，佢去理解，但是這方法不能用太長，因為会 ...

JJDBB, 我有比補充佢做, 大致上佢自己做都無問題, 但如有人睇住佢做, 佢就會話唔識唔明, 因為返英文班既老師都係咁話佢, 話成日依賴老師教佢, 但老師話佢係識做的, 我就係唔想佢太依賴, 所以我無坐係佢隔離睇住佢做.
至於對卷, 我已經叫佢小心D對有無寫錯字, 計錯數, 大細楷......, 佢事後回答我話有, 佢應該係有既, 但唔係好仔細咁睇, 所以睇唔到自己錯左乜.

PandaTam123

skkeung 發表於 13-10-25 18:03
回基本，小心與專注力有莫大關係！

打機太多會减低專注力！

亞女應該係有專注力不足, 出面上數學的老師話佢唔係唔識, 而係佢聽到周圍有什麼聲音, 有人在身邊行過, 佢就會注意在個度.
我好少好少比佢打機, 在家跟本唔會接觸到.
聽人講畫畫可以提升專注力, 唔知係咪真的?

iloveu2

等佢自己明白讀書同小心o 既原因同重要性，自己自然會小心d